தமிழ் ஒளி குகநாதனின் மோசடியும் இந்தியாவிற்குள் கோவை நந்தன் மூலம் ஊடுருவ முற்படும் ஈ.பி.டி.பியும்.

ஓராண்டிற்கு முன்பு பிரான்சிலிருந்து ஒளிபரப்பான குகநாதனின் தமிழ் ஒளி(DAN தொலக்காட்சி) என்கிற தொ(ல்)லைக்காட்சி ,இப்போது இருந்த இடமே தெரியாமல் போய்விட்டது. இந்தத் தொலைக்காட்சிக்குப் பின்னால் என்ன நடந்தது என்பது பலருக்குத் தெரியாது. இந்த நிலையில், தங்களிடம் பல லட்சக் கணக்கான ரூபாகளை வசூலித்துக் கொண்டு, தங்களுக்கு குகநாதன் நாமம் போட்டு விட்டார் என்று இந்தியாவின் பல தமிழ்த் தொலைக்காட்சி விநியோகஸ்தர்கள் புலம்பிக் கொண்டு திரிகிறார்கள்.

படங்களும் பாடல் காட்சிகளும் உரிய அனுமதி பெறாமல் திருட்டு தனமாக குகநாதனால் ஒளிபரப்பப்பபடுவதைக் கண்ட சன் டிவி, ராஜ் டி.வி. போன்றவை சட்டரீதியாக குகநாதன் கும்பல்மீது நடவடிக்கை எடுக்கும் ஏற்பாடுகளில் இறங்கின. தாங்கள் ஒளிபரப்பும் உரிமையைப் பெற்றிருக்கும் திரைப்படங்களை குகநாதன் கும்பல் தொடர்ந்து சட்ட விரோதமாகத் திரையிட்டு வருவதாகவும், அதன் மீது நடவடிக்கை எடுக்கக் கோரியும் ராஜ் டி.வி. நிர்வாகம் சென்னை மாநகர போலீஸில் புகார் செய்தது. கொப்பிரைட் விதிமுறைகளை மீறி படங்களைத் திரையிட்டதாக தமிழக காவல்துறையினர் குகநாதன் கும்பல் மீது 2006_ம் ஆண்டு வழக்குப் பதிவு செய்தனர்.

இதனையடுத்து, குகநாதன் கும்பலின் பங்குதாரர்களில் ஒருவரான சென்னையைச் சேர்ந்த குலாம் என்பவர் கைது செய்யப்பட்டு, 15 நாட்கள் சிறையிலடைக்கப்பட்டார். தங்கள் மீது இப்படியரு நடவடிக்கை அதிரடியாகப் பாயும் என்று எதிர்பாராத குகநாதன் கும்பல் கதிகலங்கிப் போனது.

இது நடந்து பல மாதங்களுக்குப் பிறகு, 25.11.2006ல் வசூல்ராஜா குகநாதனின் பெயரால் அதன் விநியோகஸ்தர்களுக்கு ஒரு கடிதம் அனுப்பப்படடிருந்தது .அதில் வணிகப் போட்டியினை எதிர்கொள்ளும் உறுதியுடன் நாங்கள் இருக்கிறோம். எங்கள் மீதான வழக்கு முடிந்து மறுபடியும் ஒளிபரப்பு தொடங்கும் வரை நீங்கள் எங்கள் விநியோகஸ்தர்களாகத் தொடர்ந்து இருந்து ஒத்துழைப்பைத் தரப் போகிறீர்களா? இல்லை, உங்களின் விநியோக உரிமையை ரத்து செய்துவிட்டு வெளியேறிவிட விரும்புகிறீர்களா? என்பதை நீங்களே தீர்மானித்துக் கொள்ளுங்கள்! என்று குறிப்பிடப்பட்டிருந்தது.

இந்தியாவில் உள்ள பல கோடி தமிழ்மக்களிடையே தனது வங்குரோத்து அரசியல் பிரச்சாரத்தை மேற்கொள்வதற்கு ஈ.பி.டி.பி அமைப்பின் செயலாளாரும் சிறீலங்காவின் ஆஸ்தான அமைச்சருமான டக்களஸ் தேவானந்தா குகநாதன் ஊடாக முதலிட இருப்பதாகவும் இதற்கு முன்னேற்பாடாக பலகோடி ரூபாவை முற்பணமாக வழங்கியுள்ளதாகவும் அறியமுடிகிறது. இந்தியாவிற்கு செல்வதற்கு தடைவிதிகபட்டுள்ள குகநாதன் தற்போது இந்தியாவில் தங்கி இருக்கும் டக்ளஸ் தேவானந்தாவை சந்திப்பதற்கு தனது பினாமியான கோவை நந்தனை அனுப்பி உள்ளதாக தெரியவருகிறது.

தற்போது தமிழகத்தில் தங்கியிருக்கும் கோவை நந்தன் யாழ் குடாநாட்டுக்கான உணவுப்பொருட்களை கொள்வனவு செய்து ஈ.பி.டி.பியினரின் கப்பலில் எற்றும் வேலைகளில் ஈடுபட்டு வருவதாக அறியமுடிகிறது. ஈ.பி.டி.பியினரின் வர்த்தகத்தையும் குகநாதன் ஊடாக தொலைக்காச்சியையும் மீள ஆரம்பது தொடர்பான வேலைகளையும் கோவை நந்தன் தற்போது ஆரம்பித்துள்ளதாகவும் சுமூகசேவைகள் அமைச்சின் திணைக்களத் தகவல்கள் தெரிவிக்கின்றன.

மேலும் லண்டனில் பிரித்தானிய அரசாங்கத்தால் அடித்து மூடப்பட்ட ரிபிசி வானொலியை இணைந்து நடாத்துவதற்கும் குகநாதன் பேச்சுகளில் ஈடுபட்டுள்ளதாகவும் அறியமுடிகிறது. கோவை நந்தன் ஆரம்பகாலத்தில் தமிழ் இளைஞர் பேரவையில் இருந்து செயற்பட்டு பின்னர் பிரான்ஸ்நாட்டுக்கு வந்து வானொலி ஒண்றில் கடமையாற்றியவர் என்பது குறிப்பிடத்தக்கது.
நன்றி>சூரியன்.காம்.