மகிந்தவுடன் படமெடுக்க மறுத்த, பாரதப் பிரதமர்.

சிறிலங்கா அரச தலைவர் மகிந்த ராஜபக்ச இந்தியா சென்றிருந்தபோது, அவருடன் படமெடுக்க இந்தியப் பிரதமர் மன்மோகன் சிங் மறுத்துள்ளார்.

அரச மாளிகையில் மகிந்தவுடன் நடைபெற்ற பேச்சுவார்த்தையின்போது நிழற்படங்களோ, ஒளிப்படங்களோ எடுக்க அனுமதிக்க வேண்டாம் என மன்மோகன் சிங் அதிகாரிகளுக்கு கட்டளை பிறப்பித்திருந்ததாக அறியப்படுகிறது.

சிறிலங்காவின் போக்கிலும் அதன் தற்போதைய நிலைமையிலும் இந்தியா அதிருப்தி கொண்டுள்ளதையே இது காட்டுவதாக அவதானிகள் கூறுகின்றனர்.
வடக்கிலும் கிழக்கிலும் தமிழ் மக்களுக்கு எதிரான மனித உரிமை மீறல்கள் குறித்து இந்தியா நடவடிக்கை எடுக்க வேண்டுமென தமிழக முதல்வர் மு.கருணாநிதி மத்திய அரசாங்கத்துக்கு அழுத்தம் கொடுத்து வருகிறார்.

இரு தலைவர்களினது சந்திப்பின்போது சம்பிரதாயபூர்வமான படங்களை எடுக்க அனுமதிக்காது, தமிழ்நாட்டின் கோரிக்கையை மத்திய அரசு கவனத்தில் கொண்டுள்ளது என்பதற்கும் அத்தாட்சி. வழமையாக இரு தலைவர்களது சந்திப்பின்போது வெளியிடப்படும் கூட்டறிக்கையும் இந்தச் சந்திப்பில் வெளியிடப்படவில்லை என்பதும் குறிப்பிடத்தக்கது.
நன்றி>புதினம்.