இனம்காணும் திறன் படையினருக்கு இல்லை - ஐனாதிபதி.

புலிகள் மீது தாக்குதல் நடத்துவதாக கூறி அப்பாவி மக்களை ஸ்ரீலங்கா படைகள் படுகொலை செய்து வருவதை ஸ்ரீலங்கா ஜனாதிபதி ஏற்றுக் கொண்டுள்ளார் நேற்று கொழும்பில் நடைபெற்ற கஜபாகு இராணுவ படையணியின் விருத வழங்கும் நிகழ்வில் கலந்து கொண்ட ஸ்ரீலங்கா ஜனாதிபதி இது குறித்து ஒப்புதல் வாக்குமூலத்தை வழங்கியுள்ளார்.

புலிகளையும் சாதாரண மக்களையும் இனம் காணும் திறன் ஸ்ரீலங்காவின் முப்படைகளுக்கும் இருக்க வேண்டியது அவசியம் என ஸ்ரீலங்கா ஜனாதிபதி நேற்று தெரிவித்துள்ளார்
இதன் மூலம் புலிகள் மீது தாக்குதல் நடத்துவதாக கூறி அப்பாவிகளை ஸ்ரீலங்காவின் முப்படைகளும் படுகொலை செய்வதை அவர் ஏற்றுக் கொண்டுள்ளதாக அவதானிகள் கருத்து வெளியிட்டுள்ளனர்.

செஞ்சோலையில் அப்பாவி சிறுவர்களையும் படகுத்துறையிலும் வாகரையிலும் இடம்பெயர்ந்த மக்கள் குடியிருப்புகள் மீது ஸ்ரீலங்கா படைகள் மேற்கொண்ட தாக்குதல்கள் புலிகளின் இலக்குகள் மீதான தாக்குதல்களாக பரப்புரைக்கப்பட்டமை குறிப்பிடத்தக்கது
தற்போது இவ்வாறான தாக்குதல்கள் ஸ்ரீலங்கா படைகளுக்கு புலிகளுக்கும் சாதாரண மக்களுக்கும் வித்தியாசம் காணும் திறனற்று இருப்பதால் தான் இடம்பெற்றுள்ளதை முப்படைகளின் தளபதியான மகிந்த ராஜபக்ச ஏற்றுக் கொண்டுள்ளது முக்கியத்துவம் மிக்கது என அவர்கள் சுட்டிக்காட்டியுள்ளனர்
நன்றி>பதிவு.