கடற்புலிகளின் பலத்தை முற்றாக முறியடிக்க முடியாது!!!

இன்று காலை 5.30 மணியளவில் கொழும்பு தறைமுகத்தின் வெளிச்ச வீடு வரை ஊடுருவிய இந்த படகுகள் மீது கடற்படையினர் தாக்குதல் நடத்தியதாகவும் தெரிவிக்கப்பட்டுள்ளது.

கடற்படையினரின் தாக்குதலில் ஒரு படகு மூழகடிக்கப்பட்டதாக கடற்படையினர் தெரிவித்துள்ளனர்.ஏனைய இரண்டு படகுகளும் அங்கிருந்து தப்பிச் சென்ற இரண்டு படகுகளையும் கடற்படை படகுகள் தாக்கி அழித்துள்ளதாக கடற்படை பேச்சாளர் தெரிவித்துள்ளார்.

இதேவேளை,

தமிழீழ விடுதலைப்புலிகளின் கடற்புலிகளின் பலத்தை முற்றாக முறியடிக்கும் தாக்குதல்களை தொடரவுள்ளதாக ஸ்ரீலங்கா அரசாங்கம் அறிவித்துள்ள நிலையில், இடம்பெற்றுள்ள இந்த ஊடுருவல் நடவடிக்கையானது, ஸ்ரீலங்கா அரசாங்கத்திற்கும் சர்வதேசத்திற்கும் தெளிவான செய்தியை தெரிவித்துள்ளதாக ரொய்டர்ஸ் செய்தி சேவை கருத்து வெளியிட்டுள்ளது.

தமிழீழ விடுதலைப்புலிகளை தோற்கடிக்க முடியும் என்ற அரசாங்கத்தின் எதிர்பார்ப்பு தவறானது என்றும் யுத்தத்தின் மூலம் வெற்றி கொள்ள முடியாத சக்தியாக விடுதலைப் புலிகள் விளங்குகின்றார்கள் என்பதை இந்த சம்பவம் தெளிவு படுத்தியுள்ளதாகவும் குறிப்பிடப்பட்டுள்ளது.

இலங்கையின் தென் பகுதியில் அதி உயர் பாதுகாப்பு வலயம் வரை கடற்புலிகளின் படகுகள் வெற்றிகரமாக ஊடுருவியுள்ளமை ஸ்ரீலங்காவின் பாதுகாப்பு கட்டமைப்புகள் குறித்து பல்வேறு சந்தேகங்களை ஏற்படுத்தியுள்ளதாக சிங்கள ஊடகம் ஒன்று செய்தி வெளியிட்டுள்ளது.

இந்த படகுகள் தாக்குதல் நடத்தும் நோக்கில் கொழும்பு துறை முகத்தினுள் நுழையவில்லை என்றும் தம்மால் கொழும்பு வரை கடல் மார்க்கமாகவும் வந்து செல்முடியும் என்பதை வெளிப்படுத்துவதே இந்த ஊடுருவலின் நோக்கம் என்றும் குறிப்பிடப்பட்டுள்ளது.

கடற் புலிகளின் தளமொன்றில் இருந்து இந்த படகுகள் சுமார் 125 மைல் தூரம் பயணம் செய்திருக்க வேண்டும் என்றும் அந்த படகுகள் கொழும்பு துறை முகத்தினுள் நுழையும் வரை ஸ்ரீலங்கா கடற்படைகளால் அந்த படகுகள் அடையாளம் காணப்படவில்லை என்றும் தெரிவிக்கப்பட்டுள்ளது

விடுதலைப் புலிகளை யுத்தத்தின் மூலம் வெற்றி கொண்டு விடலாம், என்ற மகிந்த சிந்தனையை இந்த நடவடிக்கை கேள்விக்குறியாக்கியிருப்பதாக, சிங்கள ஆய்வாளர் ஒருவர் சுட்டிக்காட்டியுள்ளார்.