இலங்கையில் புரிந்துணர்வு உடன்படிக்கை முறிந்தது.

சுதந்திரக் கட்சியுடன் ஏற்படுத்தப்பட்ட புரிந்துணர்வு உடன்படிக்கை முடிவுக்கு வருவதாக, ஐக்கிய தேசியக் கட்சி அறிவித்துள்ளது.

நேற்று சிறீலங்கா அதிபர் மகிந்த ராஜபக்வை சந்தித்த ஐக்கிய தேசியக் கட்சியின் தவிசாளர் ருக்மன் சேனநாயக்க, தமது கட்சியின் மாற்று அணியினர் அரசாங்கத்தில் இணையும் போது, புரிந்துணர்வு உடன்படிக்கை முடிவுக்கு வரும் என கூறியுள்ளார்.

இதனிடையே சிறீலங்கா அரசாங்கத்திற்கு கட்சி தாவியிருக்கும், ஐக்கிய தேசியக் கட்சியின் மாற்று அணி நாடாளுமன்ற உறுப்பினர்கள், சுயாதீன அணியாக நாடாளுமன்றத்தில் செயற்படப் போவதாக சபாநாயகருக்கு எழுத்து மூலம் அறிவித்துள்ளனர்.


ஐதேக நாடாளுமன்ற உறுப்பினர்கள் அரசாங்கத்தில் இணைவது குறித்து கவலை கொள்ளவில்லை

ஐக்கிய தேசிய கட்சி நாடாளுமன்ற உறுப்பினர்கள் அரசாங்கத்தில் இணைவது குறித்து ஐக்கிய தேசிய கட்சி தலைவர் ரணில் விக்கிரமசிங்க கவலை கொள்ளவில்லை என தெரிவிக்கப்பட்டுள்ளது

ஐக்கிய தேசிய கட்சி உறுப்பினர்களை அரசாங்கத்தில் இணைத்துக் கொள்வதன் மூலம் சிறீலங்கா ஜனாதிபதி மகிந்த ராஜபக்ச சர்வதேச ரீதியிலும் உள் நாட்டிலும் மிக்பபெரும் அரசியல் நெருக்கடிகளுக்கு முகம் கொடுக்க நேரிடும் என ரணில் விக்கிரமசிங்க கருதுகின்றார்

இந்தியா உட்பட பல்வேறு உலக நாடுகளின் அழுத்தம் காரணமாக ஸ்ரீலங்கா சுதந்திர கட்சியும் ஐக்கிய தேசிய கட்சியும் செய்து கொண்ட புரிந்துணர்வு ஒப்பந்த் மகிந்த ராஜபக்சவின் ஆட்சேர்ப்பு நடவடிக்கையால் முறிவடையும் நிலை ஏற்பட்டுள்ளது

இலங்கையின் இனப்பிரச்சினை தீர்விற்கு மிகவும் அடிப்படையானது என சர்வதேசத்தால் கருதப்பட்ட ஒப்பந்தம் முறிவடையும் நிலையை மகிந்த ராஜபக்ச ஏற்படுத்தியுள்ளமை சர்வதேச ரீதியில் மிகப்பெரிய இராஜதந்திர நெருக்கடியை மகிந்த ராஜபக்சவிற்கு ஏற்படுத்தும் என சுட்டிக்காட்பட்டுள்ளது

இதேவேளை ஐக்கிய தேசிய கட்சியின் உறுப்பினர்களுக்கு முக்கிய அமைச்சு பதவிகள் வழங்கப்படும் போது ஸ்ரீலங்கா சுதந்திர கட்சியினர் மத்தியில் அது அதிருப்தியை ஏற்படுத்தும் என்றும் இதன் காரணமாக அரசாங்கத்தினை சுமூகமான நடத்திச் செல்ல முடியாத நிலை மகிந்த ராஜபக்சவிற்கு ஏற்படும் என்றும் ரணில் விக்கிரமசிங்க கருதுகின்றார்.

உள் நாட்டு மற்றும் வெளிநாட்டு அழுத்தங்களுக்கு மத்தியில் அரசாங்கத்தை நடத்துவது மகிந்த ராஜபக்சவிற்கு இயலாத காரியம் என்றும் தனது தவறுகளுக்காக அவர் வருந்தும் காலம் விரைவில் ஏற்படும் என்றும் ரணில் விக்கிரமசிங்க தனக்கு நெருக்கமானவர்களிடம் கூறியுள்ளார்

இதன் காரணமாகவே கட்சி தாவல் குறித்து அக்களை கொள்ளாமால் அவர் வெளிநாட்டு பயணத்தை மேற்கொண்டுள்ளதாக ஐக்கிய தேசிய கட்சி வட்டாரங்கள் தெரிவித்துள்ளன
நன்றி>பதிவு.