கொழும்பில் இருந்து தமிழர்கள் விரட்டியடிப்பு!!!

கொழும்பு விடுதிகளிலிருந்து 500 தமிழர்கள் பலவந்தமாக வெளியேற்றம்

சிறிலங்கா தலைநகரான கொழும்பு, வெள்ளவத்தைப் பகுதியில் விடுதிகளில் தங்கியிருந்த 500-க்கும் மேற்பட்ட தமிழர்களை சிறிலங்கா காவல்துறையினர் பலவந்தமாக வெளியேற்றி உள்ளனர்.


வெள்ளவத்தையில் உள்ள 10-க்கும் மேற்பட்ட விடுதிகளை இன்று வியாழக்கிழமை காலை 6 மணியளவில் சுற்றிவளைத்த சிறிலங்கா காவல்துறையினர் அங்கு தங்கியிருந்த குழந்தைகள், முதியவர்கள் என அனைவரையும் வெளியேற்றினர்.

அதன் பின்னர் அனைவரையும் வெள்ளவத்தை சிறிலங்கா காவல் நிலையத்துக்கு அழைத்துச் சென்று அங்கிருந்து 7 பேரூந்துகளில் ஏற்றி கொழும்பு புறநகர் பகுதியான பேலியகொடவில் இறக்கிவிட்டனர்.

சிறிலங்காவின் இந்த கொடூர நடவடிக்கைக்கு மேலக மக்கள் முன்னணியின் கொழும்பு மாவட்ட நாடாளுமன்ற உறுப்பினர் மனோ கணேசன் உள்ளிட்ட மக்கள் கண்காணிப்புப் பிரதிநிதிகள் கடும் எதிர்ப்புத் தெரிவித்தும் மேலிடத்து உத்தரவு என்று சிறிலங்கா காவல்துறையினர் தெரிவித்துள்ளனர்.

தமிழீழப் பகுதிகளிலிருந்து கொழும்புக்கு வரும் தமிழர்கள் இனி தங்கக்கூடாது என்கிற வகையில் அரசாங்கத்தின் இந்நடவடிக்கை அமைந்துள்ளதாக கூறப்படுகிறது.

அதேபோல் மருதானை, புறக்கோட்டை ஆகிய இடங்களில் விடுதிகளில் உள்ள 10 ஆயிரத்துக்கும் மேற்பட்ட தமிழ் மக்களையும் சிறிலங்கா அரசாங்கம் வெளியேற்றக்கூடும் என்றும் கொழும்பு பகுதிகளிலிருந்து வெளியேற்றப்படும் தமிழர்களை வவுனியாவில் இறக்கிவிட திட்டமிட்டுள்ளதாகவும் கூறப்படுகிறது.

தொடர்புபட்ட செய்தி: கொழும்பு விடுதிகளில் தங்கியுள்ள தமிழர்களை 12 மணித்தியாலத்துக்குள் வெளியேற்ற உத்தரவு
நன்றி>புதினம்.

ஆயுதக் கொள்வனவு விவகாரம்: சிங்களவர் எதிர்ப்பும் தமிழரின் எச்சரிக்கையும்!!!

சிறிலங்காவுக்கு இந்தியா ஆயுதம் வழங்குவது சரியே என்ற கருத்துருவாக்கத்தை தமிழ்நாட்டுத் தமிழர்கள் மத்தியில் ஏற்படுத்தும் நடவடிக்கையில் இந்திய தேசிய பாதுகாப்பு ஆலோசகர் எம்.கே.நாராயணன் நேரடியாகக் களம் இறங்கியுள்ளார்.


புதுடில்லியில் தமிழ்நாடு முதல்வர் கருணாநிதியைச் சந்தித்த பின்னர் சென்னைக்குப் பறந்து வந்து மீண்டும் சென்னையிலும் கருணாநிதியை சந்தித்த எம்.கே.நாராயணன்,

"இராணுவ தளபாடங்களை இந்தியா அளிக்காவிட்டால், சீனா அல்லது பாகிஸ்தானிடம் அவற்றை பெறப்போவதாக சிறிலங்கா கூறியதாக செய்திகள் வெளியாகியுள்ளன. இந்த பிராந்தியத்தில் இந்தியாதான் வல்லரசு. நம்மை சிறிலங்கா அணுகினால் அது குறித்து பரிசீலித்து முடிவெடுப்போம். அவர்கள் சீனா அல்லது பாகிஸ்தானிடம் செல்வதை இந்தியா விரும்பவில்லை. சிறிலங்காவுக்கு இராணுவ தளபாடங்களை இந்தியா அளிக்கவில்லை. கண்காணிப்பு ரேடார்களை மட்டுமே அளித்துள்ளது. அது தாக்குதல் தொடுக்கக் கூடிய சாதனம் அல்ல. அது தற்காப்பு சாதனம்தான். தற்காப்பு சாதனங்களை மட்டுமே நாம் வழங்குவோம்" என்று சென்னையில் கடந்த மே மாதம் 31 ஆம் நாள் பேட்டியளித்திருந்தார்.

எம்.கே.நாராயணனின் இந்தப் பேட்டியைத் தொடர்ந்து

சிறிலங்காவின் ஊடகங்கள் குய்யோ முறையோ என ஓலமிட்டுக் கொண்டிருக்கின்றன.

சிங்களப் பத்தி எழுத்தாளர்களோ "நாராயணா! ஓ நாராயணா!" என நக்கலடித்துக் கொண்டிருக்கின்றனர்.

சிங்களப் பேரினவாதிகள், சிறிலங்கா நாடாளுமன்றத்தில் "இந்தியப் பேரரசின் வல்லாதிக்கம்" குறித்து வன்மையாகக் கண்டித்துப் பேசி வருகின்றனர்.

இந்தப் பேட்டியின் நாயகன் "சகுனி" நாராயணனின் உண்மையான கருத்து-

"சீனா- பாகிஸ்தானிடம் சிறிலங்கா ஆயுதக் கொள்வனவு செய்யக் கூடாது என்பதுதானா?" என்றால்

இல்லவே- இல்லை.

மாறாக

"இந்தியா ஆயுதம் வழங்காவிட்டால் சீனாவிடமும் பாகிஸ்தானிடமும் சிறிலங்கா சென்று ஆயுதம் வாங்கிவிடும் எனவே அனைத்து வகை ஆயுதங்களையும் நாம் வழங்க வேண்டும்" என்ற கருத்துருவாக்கத்துக்கு அடித்தளமிட்டு விட்டுத்தான் நாராயணன், சென்னையிலிருந்து புறப்பட்டிருக்கிறார்.

ஏன் அப்படிச் சொல்கிறோம்?

அமெரிக்காவும், சிறிலங்காவும் தத்தமது படையினருக்கு பரஸ்பரம் இராணுவத்தினர் மற்றும் இராணுவத் தளபாடங்களை வழங்குவதற்கான 10 ஆண்டுகால உடன்படிக்கையில் கடந்த மார்ச் மாதம் கைச்சாத்திட்டன.

"பெற்றுக்கொள்ளுதலும் பரஸ்பரம் பகிர்ந்து கொள்ளுதலும்" என்ற அந்த உடன்படிக்கைக்கு இந்திய அரசாங்கம் எதிர்ப்பு ஏதேனும் தெரிவித்ததா? எனில் இல்லையே.

ஏன் எதிர்ப்புத் தெரிவிக்கவில்லை?

வொய்ஸ் ஓஃப் அமெரிக்காவின் தளம் அமைக்க இந்திரா எடுத்த ஆயுதத்தை ஏன் தற்போதைய இந்திய அரசாங்கம் எடுக்கவில்லை

1987 ஆம் ஆண்டு ராஜீவ்- ஜெயவர்த்தன ஒப்பந்தத்தில்

I) Your Excellency and myself will reach an early understanding about the relevance and employment of foreign military and intelligence personnel with a view to ensuring that such presences will not prejudice Indo Sri Lanka relations.

II) Trincomalee or any other ports in Sri Lanka will not be made available for military use by any country in a manner prejudicial to India's interests.

III) The work of restoring and operating the Trincomalee Oil Tank will be undertaken as a joint operation between India and Sri Lanka.

IV) Sri Lanka's agreement with foreign broadcasting organisations will be reviewed to ensure that any facilities set up by them in Sri Lanka are used solely as public broadcasting facilities and not for any military or intelligence purposes"

என்று தெரிவிக்கப்பட்ட நிலையிலும்

அதற்கு எதிராக- சிறிலங்கா இன்று செயற்பட்டிருக்கிறதே என்று இந்தியா அஸ்திரத்தை ஏவியிருக்கிறதா இல்லையே.

மாறாக இந்த ஒப்பந்தமே இந்தியாவின் அனுசரணையால்தான் ஏற்பட்டது என்கிறது இந்துஸ்தான் ரைம்ஸ் ஏடு.

"பெற்றுக்கொள்ளுதலும் பரஸ்பரம் பகிர்ந்து கொள்ளுதலும் என்கிற இந்த சிறிலங்கா- அமெரிக்கா ஒப்பந்தத்தை உருவாக்க கடந்த பல ஆண்டுகளாகவே அமெரிக்கா முயற்சித்து வந்தது. ஆனால் இந்தியாவின் ஆட்சேபனையால் இந்த ஒப்பந்தம் கைச்சாத்திடப்படாமல் நிறுத்தப்பட்டிருந்தது. தனது நாட்டின் பின்தளத்தில் அமெரிக்கா இராணுவம் காலூன்ற இது வழிவகுக்கும் என்று இந்தியா முன்னர் கருதி வந்தது. ஆனால் இந்தியா மற்றும் அமெரிக்கா இடையேயான அண்மைக்கால உறவு வளர்ச்சியினாலும் ஆசிய பிராந்தியத்தில் இந்தியா மற்றும் அமெரிக்கா இடையேயான பொருளாதார மற்றும் உத்திகள் தொடர்பிலான கூட்டுச் செயற்பாடுகளினாலும் இந்த ஒப்பந்தத்துக்கான எதிர்ப்பை இந்தியா கைவிட்டுவிட்டது" என்று அரசியல் நோக்கர்கள் கூறுவதாக இந்துஸ்தான் ரைம்ஸ் எழுதியுள்ளது (இந்துஸ்தான் ரைம்ஸ் மார்ச் 7 2006).

ஆகா! என்னே இந்தியர்களின் "இந்திய தேச"ப் பற்று!

தமிழீழ விடுதலைப் புலிகளின் பாரிய வளர்ச்சியின் மூலமாக தமிழ்நாட்டில் ஏற்படுத்தியிருக்கும் தாக்கமானது இந்தியப் பேரரசை ஆட்டுவிக்கும் தங்களுக்கு எப்போதும் பேராபத்துதான் என்பதை இந்திய அரசியலைத் தீர்மானிக்கும் பார்ப்பன சக்திகள் அறிந்தே வைத்திருக்கின்றனர்.

ஆக ஈழத் தமிழ் மக்களை ஒழிக்க சிறிலங்காவுக்கு எத்தனை பேர் வேண்டுமானாலும் ஆயுதங்கள் கொடுங்கள்! அமைதி காப்போம்!

இந்தியாவை அடகு வைத்தேனும் தமிழ் மக்களை அழித்தொழித்துவிட நாங்கள் தயாராகவே இருக்கிறோம்!

- என்கிறார்கள் நாராயணன்கள்.

ஈழத் தமிழ் மக்களை அழிக்க அமெரிக்கா வருகிறதா? அவர்கள் அனுமதிப்பார்கள்.

ஈழத் தமிழ் மக்களை அழிக்க சீனாவுக்கும் பாகிஸ்தானுக்கும் ஏன் காவடி தூக்குகிறீர்கள்? நாங்கள் இல்லையா? என்று அறிவிக்காமல் அறிவிப்பார்கள் இந்த நாராயணன்கள்-

அதற்காக முன்னோட்டம் விடுவார்கள்-

கருத்துருவாக்க தளத்தை தானே இறங்கிச் செய்வார்கள் இந்த நாராயணன்கள்-

"தாக்குதல் சாதனம்- தற்காப்பு சாதனம்" என்றெல்லாம் தர்க்க நியாயங்களை முன்வைப்பார்கள் இந்த நாராயணன்கள்.

இந்த நாராயண்களை சிங்களவர்கள் எதிர்க்கிறார்கள் என்பதற்காக நாம் அகம் மகிழ்ந்துவிட வேண்டியதில்லை.

இந்தியாவை நட்புமிக்க ஒரு நேச சக்தியுள்ள நாடாகவே ஈழத் தமிழ் மக்கள் இன்றும் கருதுகிறோம். ஆனால் அந்த உறவைச் சீர்குலைத்துவிட சகுனி நாராயண்கள் காலம் காலமாக சதி செய்தே பழகிவிட்டனர்.

இந்திய இறைமையைப் பாதுகாக்கிறோம் என கூவிக்கொண்டு தமிழ் மக்களை வேட்டையாட சிறிலங்காவுக்கு ஆயுதம் வழங்க வழியேற்படுத்தும் இந்த நாராயணன்கள் போடுகிற வேடத்தை புரிந்து தமிழர்கள் நாம் எச்சரிக்கையாக இருக்க வேண்டும்.
நன்றி>புதினம்.

செஞ்சிலுவைச் சங்கப் பணியாளர்கள் படுகொலை: ஸ்கொர்ட்லாந்து யார்ட் காவல்துறை விசாரணைக்கு கோரிக்கை!!!

செஞ்சிலுவைச் சங்கப் பணியாளர்கள் படுகொலை தொடர்பாக ஸ்கொர்ட்லாந்து யார்ட் காவல்துறையினர் விசாரணை நடத்த வேண்டும் என்று அனைத்துலக செஞ்சிலுவைச் சங்கத்தினர் வலியுறுத்தியுள்ளனர்.


மகிந்தவை நேற்று செவ்வாய்க்கிழமை சந்தித்துப் பேசிய அனைத்துலக செஞ்சிலுவைச் சங்கத்தின் பிரதிநிதிகள் இதனை வலியுறுத்தினர்.

அனைத்துலக செஞ்சிலுவைச் சங்கத்தின் பேச்சாளர் டேவிட் விக்னடி, செஞ்சிலுவைச் சங்க இயக்குநர் உள்ளிட்டோர் மகிந்தவை சந்தித்தனர்.

இருப்பினும் சிறிலங்காவிலிருந்து அனைத்துலக செஞ்சிலுவைச் சங்கத்தினர் விலகுவது குறித்து இச்சந்திப்பில் விவாதிக்கப்படவில்லை என்றும் விக்னடி தெரிவித்தார்.

மூதூரில் 17 அரச சார்பற்ற பணியாளர்கள் படுகொலை செய்யப்பட்ட 10 மாதங்களுக்குப் பின்னர் 2 செஞ்சிலுவைச் சங்கப் பணியாளர்கள் கொல்லப்பட்டனர்.

செஞ்சிலுவைச் சங்கப் பணியாளர்கள் படுகொலை தொடர்பாக சிறிலங்கா நாடாளுமன்றில் இன்று புதன்கிழமை விவாதம் நடைபெறக்கூடும் என எதிர்பார்க்கப்படுகிறது.

இதனிடையே கொழும்பு ஊடகம் ஒன்றுக்கு கருத்துத் தெரிவித்த சிறிலங்கா செஞ்சிலுவைச் சங்க இயக்குநர் நெவில நாணயக்கார, இந்தப் படுகொலை வழக்கில் தொடர்புடையோர் மீது நடவடிக்கை எடுக்க அரசாங்கத்துக்கு கடும் அழுத்தம் கொடுப்போம் என்றார்.

குற்றவாளிகள் நீதியின் முன்பாக நிறுத்தப்பட வேண்டும் என்றும் இது மிகவும் கடினமான பணி என்றும் அவர் கூறினார்.
நன்றி>புதினம்.

கையளித்த இராணுவ சடலங்களை பொறுப்பேற்க சிறிலங்கா இராணுவம் மறுப்பு!!!

மன்னாரில் விடுதலைப் புலிகளின் தாக்குதலில் கொல்லப்பட்டு கைப்பற்றப்பட்ட 15 சிறிலங்கா இராணுவத்தினரின் சடலங்களில் 13 சடலங்களை இராணுவத்தினர் பொறுப்பேற்க மறுத்துவிட்டனர்.

கிளிநொச்சியில் இன்று செவ்வாய்க்கிழமை 12 சடலங்கள், அனைத்துலக செஞ்சிலுவைச் சங்கக்குழுவிடம் கையளிக்கப்பட்டன. அவற்றை செஞ்சிலுவைச் சங்கக்குழுவினர் வவுனியாவுக்கு எடுத்துச் சென்றனர்.

வவுனியாவில் இராணுவத்தினரிடம் சடலங்கள் கையளிக்கப்பட்ட போது அவற்றில் இரண்டை மட்டும் சிறிலங்கா இராணுவத்தினர் பொறுப்பேற்றனர்.

ஏனைய 10 சடலங்களையும் இராணுவத்தினர் தம்முடையதில்லை என்று கூறி பொறுப்பேற்க மறுத்து விட்டனர். அந்த இடத்தில் செஞ்சிலுவைச் சங்கக்குழுவினர் முடிவு எடுக்க முடியாத நிலையில் நேரம் கடந்தது.

மன்னாரில் வைத்து இராணுவத்தினரின் மூன்று சடலங்கள் செஞ்சிலுவைச் சங்கக்குழுவிடம் கையளிக்கப்படவிருந்தன.

இந்த சர்ச்சையால் சடலங்களை பொறுப்பேற்க அங்கு செஞ்சிலுவைச் சங்கக்குழுவினர் மறுத்து விட்டனர்.

இன்று பிற்பகல் ஓமந்தை சோதனை நிலையம் மூடப்பட்ட நிலையில் இராணுவத்தினரின் 10 சடலங்களுடன் பார ஊர்தி இராணுவத்தினரின் சோதனை நிலையப்பகுதிக்குள் நிற்கின்றது.
செஞ்சிலுவைச் சங்கக்குழுவினர் சோதனை நிலையம் மூடப்பட்ட நிலையில் அங்கிருந்து சென்று விட்டனர்.

மன்னாரில் படைத்தோல்வியையும் இழப்புக்களையும் மறைப்பதற்காக சிறிலங்கா அரசு இராணுவத்தினரின் சடலங்களை தம்முடையவை இல்லை என்று ஏற்க மறுத்து விட்டது.
1996 ஆம் ஆண்டு முல்லைத்தீவு சிறிலங்காப் படைத்தளம் விடுதலைப் புலிகளால் தாக்கி அழிக்கப்பட்டு 1200-க்கும் அதிகமான படையினர் கொல்லப்பட்ட நிலையில் 800-க்கும் அதிகமான சடலங்களை படையினர் ஏற்க மறுத்தனர். அதனால் அவை வன்னியில் அரசாங்க அதிபர்கள் முன்னிலை சாட்சியாக எரிக்கப்பட்டன.

மேலும் கையேற்ற இராணுவச் சடலங்களில் பெருமளவிலானவை வவுனியாவில் காட்டுப்பகுதியில் வைத்து சிறிலங்கா அரசினால் எரிக்கப்பட்டன.

இன்று வரை அந்த 1,200 இராணுவத்தினரையும் காணாமற் போனோர் பட்டியலில் சிறிலங்கா அரசு வைத்துள்ளது. அவர்களின் உறவினர்களுக்கும் அவ்வாறே காணாமற்போயுள்ளனர் என்ற தகவலை கொடுத்துள்ளனர்.

கடந்த ஆண்டு வாகரையில் இவ்வாறு படையினரின் 13 சடலங்கள் விடுதலைப் புலிகளால் ஒப்படைக்கப்படவிருந்த நிலையில் அவற்றை தம்முடையதல்ல என்று கூறி சிறிலங்கா இராணுவத்தரப்பு ஏற்க மறுத்தது.

இதனையடுத்து அவற்றை விடுதலைப் புலிகள் புதைத்து விட்டனர். இந்த நிலையில் விடுதலைப் புலிகள் புதைக்கப்பட்ட சடலங்களிற்குரிய இராணுவ அடையாள அட்டைகள், இலக்கத்தகடுகள் ஒளிப்படங்களாக விடுதலைப் புலிகளால் வெளியிடப்பட, உடனடியாக சடலங்கள் தம்முடையவை என்று இராணுவத்தினர் கேட்க, புதைக்கப்பட்டவை மீளத்தோண்டி எடுத்து ஒப்படைக்கப்பட்டது குறிப்பிடத்தக்கது.
நன்றி>புதினம்.

தமிழீழ விடுதலைப் போராட்டத்தில் 19,204 போராளிகள் வீரச்சாவு.

தமிழீழ விடுதலைப் போராட்டத்தில் வீரச்சாவடைந்த மாவீரர்களின் எண்ணிக்கை தமிழீழ விடுதலைப் புலிகளால் அறிவிக்கப்பட்டுள்ளது. தமிழீழ விடுதலைப் போராட்டத்தில் 1983ம் ஆண்டு நவம்பர் 27ம் நாள் தொடக்கம் 2007ம் ஆண்டு மே 15ம் நாள் வரையில் 19,204 போராளிகள் வீரச்சாவடைந்துள்ளதாக தமிழீழ விடுதலைப் புலிகளின் மாவீரர் பணிமனை அறிவித்துள்ளது.

மாவீரர்களின் மொத்த எண்ணிக்கை 19204

மாவட்டம் தொகை

யாழ்ப்பாணம் 6929
மட்டக்களப்பு - அம்பாறை 4894
வன்னி 2809
திருமலை 1742
மன்னார் 1099
வெளி 327
மொத்தம் 19204


கரும்புலிகள்

தரைக்கரும்புலிகள் 80
கடற்கரும்புலிகள் 236
மொத்தம் 316


எல்லைப் படை மாவீரர்கள் 279
நாட்டுப்பற்றாளர்கள் 457







நன்றி>பதிவு.

வவுனியாவில் ஆக்கிரமிப்பு படைகள் மீது அதிவிசேட பயிற்சி பெற்ற புலிகளின் கொமாண்டோ படைப்பிரிவு பாரிய தாக்குதல். ஆட்லறித்தளம் முற்றாக அழிப்பு!

(4 ஆம் இணைப்பு: மேலதிக படங்கள், படையினர் இழப்பு, போராளிகள் வீரச்சாவு, அழிக்கப்பட்ட, கைப்பற்றப்பட்ட ஆயுத விபரம்)

இத்தாக்குதலில் படையினரின் சடலங்கள், போர்க்கலங்கள், ஆயுதங்கள், வெடிபொருட்கள் ஆகியன விடுதலைப் புலிகளால் கைப்பற்றப்பட்டுள்ளன.
மன்னாரின் கிழக்கு எல்லைப் பகுதியில் இருந்து பாரிய படை நடவடிக்கைக்காக பரிசங்குளம், முள்ளிக்குளம், விளாத்திக்குளம் ஆகிய பகுதிகளுக்கு சிறிலங்காப் படையினர் நகர்ந்திருந்தனர்.

இந்நகர்வுப் படையினர் மீது நேற்று சனிக்கிழமை மாலை 7 மணிமுதல் விடுதலைப் புலிகள் பெரும் தாக்குதலை நடத்தியுள்ளனர். இத்தாக்குதல் இன்று மாலை 5 மணிக்கு முடிவுக்கு வந்தது.
விடுதலைப் புலிகளின் தாக்குதலையடுத்து பாரிய இழப்புக்கள் படையினருக்கு ஏற்பட்டன. பாரிய இழப்புக்களுடன் படையினர் பின்தளப்பகுதிகளுக்கு விரட்டியடிக்கப்பட்டனர்.
படையினரின் ஆக்கிரமிப்பில் இருந்து மீட்கப்பட்டுள்ள பகுதிகளில் விடுதலைப் புலிகள் தமது நிலைகளை பலப்படுத்தி வருகின்றனர்.

படையினர் மீதான விடுதலைப் புலிகளின் தாக்குதலில் பாரிய படை நடவடிக்கைக்காக வவுனியா பம்பைமடுவில் படையினர் வைத்திருந்த ஏழு ஆட்டிலெறிப் பீரங்கிகள் முற்றாக தாக்கி அழிக்கப்பட்டுள்ளன. இதில் பெருமளவில் ஆட்டிலெறி எறிகணைகள், வெடிபொருட்கள் என்பனவும் குவிக்கப்பட்டிருந்தன.
படையினரின் இரண்டு ஆட்டிலெறிகள் முற்றாக சேதமாகியுள்ளதாக கொழும்பு சிங்கள இணைய ஊடகம் ஒன்று படைத்தரப்பு தகவலை ஆதாரமாக வெளியிட்டிருப்பது குறிப்பிடத்தக்கது.
முள்ளிக்குளம், விளாத்திக்குளம் பகுதிகளில் படையினருக்கு அழிவுகள் ஏற்படுத்தப்பட்ட இத்தாக்குதலில் படையினருக்கு பெருமளவில் உயிரழிவுகள் ஏற்பட்டுள்ளன. முப்பதுக்கும் மேற்பட்ட படையினர் கொல்லப்பட்டுள்ளமை உறுதிப்படுத்தப்பட்டுள்ளதுடன் பெரும் எண்ணிக்கையிலான படையினர் காயமடைந்தும் உள்ளனர்.

கொல்லப்பட்ட படையினரின் 15 சடலங்கள் விடுதலைப் புலிகளால் கைப்பற்றப்பட்டுள்ளன.
இராணுவ கவச ஊர்தி - 01
ட்றக் ஊர்தி - 01
பிகே எல்எம்ஜிக்கள்
ஏகே எல்எம்ஜிக்கள்
ரி-56 ரக துப்பாக்கிகள்
40 மில்லி மீற்றர் குண்டு செலுத்தி
60 மில்லி மீற்றர் மோட்டார்கள
மற்றும் ஏராளமான வெடிபொருட்கள் விடுதலைப் புலிகளால் கைப்பற்றப்பட்டுள்ளன.
வெற்றிகரமான இந்நடவடிக்கையில் தமது தரப்பில் 18 போராளிகள் வீரச்சாவடைந்துள்ளதாக விடுதலைப் புலிகள் அறிவித்துள்ளனர்.

படங்கள்: தமிழீழ தேசிய தொலைக்காட்சி

வவுனியாவில் ஆக்கிரமிப்பு படைகள் மீது அதிவிசேட பயிற்சி பெற்ற புலிகளின் கொமாண்டோ படைப்பிரிவு பாரிய தாக்குதல். ஆட்லறித்தளம் முற்றாக அழிப்பு! டாங்கிகள், ஏவுகணைகள் உட்பட ஏராளமான ஆயுதங்கள் கைப்பற்றப்பட்டன!!

நேற்றிரவு வவுனியா-மன்னார் எல்லைபுறத்திலுள்ள முள்ளிக்குளம், விளாத்திக்குளம் கிராமங்களை அண்மையில் கைப்பற்றிய சிறிலங்காப்படையினர், அங்கு பாரிய இராணுவ முகாங்களை அமைத்திருந்தனர். நேற்றிரவு ஏககாலத்தில் மம்பைமடுவிலுள்ள சிறிலங்காப்படையினரின் பாரிய ஆட்லறித்தளம் மீது தாக்குதலைத் தொடுத்த விடுதலைப் புலிகள் அதனை முற்றாக அழித்தெறிந்த சமயத்தில் விளாத்திக்குளம்-முள்ளீக்குளம் பகுதியில் அமைக்கப்பட்டிருந்த இராணுவமுகாங்கள் மீது கொமாண்டோ அணியினர் அதிரடித் தாக்குதலைத் தொடுத்தனர்.

தாக்குதல் தொடுக்கப்பட்டு சிறிது நேரத்திலேயே முகாங்களைக் கட்டுப்பாட்டில் கொண்டு வந்த விடுதலைப்புலிகளின் கொமாண்டோ அணியினர், அங்கிருந்த டாங்கிகள், ஏவுகணைகள் உட்பட்ட அனைத்து ஆயுத தளபாடங்களையும் கைப்பற்றியதாக தெரிய வருகிறது, இவ்வெற்றிகரமான தாக்குதலை சர்வதேச ஊடகங்களுக்கு விடுதலைப்புலிகளின் இராணுவப் பேச்சாளர் ஊர்ஜிதப்படுத்தியுள்ளார்.

இத்தாக்குதலில் பல சிறிலங்காப்படையினர் கொல்லப்பட்டதாகவும், தற்போதும் அப்பகுதிகளில் பாரிய சண்டை தொடர்வதாகவும், விடுதலைப்புலிகளின் கொமாண்டோப்படையினர் பல பகுதிகளைக் கைப்பற்றியிருப்பதாகவும் தெரிய வருகிறது. மேலதிக தகவல்கள் தொடரும் ...
நன்றி>நிதர்சனம்.

பிள்ளையான் அணியைச் சேர்ந்த 75 பேர் கருணா குழுவினரால் சிறைப்பிடிப்பு!

துணை ஆயுதக் குழுவான கருணா குழுவுக்கும் பிள்ளையான் குழுவுக்கும் இடையிலான முறுகல்நிலை மிக உச்சநிலையை அடைந்துள்ளது. இதன் ஒரு அங்கமாக பிள்ளையான் அணியினரைச் சேர்ந்த 75 பேரை கருணா குழுவினர் சிறைப் பிடிக்கப்பட்டுள்ளனர். இவர்கள் அம்பாறை மற்றும் மட்டக்களப்பிலிருந்து திருமலைக்குச் செல்லும் வழியிலேயே இவர்கள் சிறைப் பிடிக்கப்பட்டுள்ளனர்.

கருணா அணியில் இருந்து பிள்ளையான் அணியுடன் இணைந்த உறுப்பினர்களின் மனைவிமார் அல்லது தாய்மார் என 30 க்கு மேற்பட்ட பெண்கள் சிறைக் கைதிகளாக வைக்கப்பட்டுள்ளனர்.

பிள்ளையானின் அணியில் உள்ள சீலன் என்பவரின் மனைவி, ஒரு வயதுக் குழந்தை மற்றும் மாமி ஆகியோரையும் பிடித்துச் சென்று சிறை வைத்துள்ளனர். சீலன் மட்டக்களப்புக்குச் சென்று கருணாவிடம் சரண் அடைந்தால் மட்டுமே அவரது குடும்பத்தினரை விடுவிக்க முடியும் எனவும் கருணா குழுவினர் அறிவித்துள்ளனர்.

இவ்வாறு சிறைப் பிடித்தவர்கள் கருணா குழுவினரின் மூன்று முகாங்களில் அடைந்து வைக்கப் பட்டுள்ளார்கள். மட்டக்களப்பு கோவிந்தன் வீதியில் அமைந்துள்ள முகாம், அக்கரைப்பற்று அமைந்துள்ள முகாம், மற்றும் வாகரையில் அமைந்துள்ள முகாமிலும் இவர்கள் சிறை வைக்கப்பட்டுள்ளார்கள். அதிகமான உறுப்பினர்கள் வாகரை முகாமிலேயே சிறை வைக்கப்பட்டுள்ளதாக கூறப்படுகிறது.
நன்றி>பதிவு.

இந்திய - இலங்கை கூட்டுக் கடற்ரோந்து உறுதி: மற்றொரு சந்திப்பில் இறுதி முடிவு!!!

பாக்குநீரிணையில் இந்தியக் கடற்படையினரும் சிறீலங்கா கடற்படையினரும் கூட்டுக் கடல்ரோந்து நடவடிக்கையை மேற்கொள்ள இந்தியா இந்தியா இணங்கியுள்ளதாக அறிவிக்கப்பட்டுள்ளது.

இன்று இந்தியா சென்ற சிறீலங்காவின் வெளிவிவகார அமைச்சர் போகல்லாகம இந்தியப் பாதுகாப்பு அமைச்சர் அந்தோணியைச் சந்தித்தபோதே இவ்விடயம் தெரிவிக்கப்பட்டுள்ளது.

கூட்டு ரோந்தை நடவடிக்கையை தொடர்பான இறுதி முடிவுகள் அடுத்துவரும் சந்திப்புக்களில் பேசி முடிவெடுக்கப்படும் எனவும் தெரிவிக்கப்பட்டுள்ளது.

சிங்கப்பூரில் நடைபெற்ற ஆசிய பாதுகாப்பு மாநாட்டிக்குச் சென்ற போகல்லாகம தமையிலான குழுவினரே இன்று புதுடெல்லி சென்று பாதுகாப்பு அமைச்சர் ஏ.கே அந்தோணியைச் சந்தித்திருந்தனர் என்பது இங்கே சுட்டக்காட்டத்தக்கது.
நன்றி>பதிவு.

எமது ஆயுதக்கொள்வனவை கட்டுப்படுத்த இந்தியாவுக்கு உரிமை இல்லை!!!

இந்திய தேசிய பாதுகாப்புத்துறை ஆலோசகரான எம்.கே.நாராயணனின் கருத்து சிறிலங்காவின் அரசியல் கட்சிகள் தொடக்கம் படை அதிகாரிகள் வரை கடுமையான சீற்றத்தை ஏற்படுத்தியுள்ளது.

எங்கு ஆயுதம் வாங்க வேண்டும் என்ற முடிவை எமது அரசே எடுக்கும் இந்தியா அல்ல என்று சிறிலங்கா அரசாங்கத்தின் அமைச்சரும், சுதந்திரக்கட்சியின் வலிமையான உறுப்பினருமான டி.எம்.ஜெயரட்ன தெரிவித்துள்ளார்.

இது தொடர்பில் அவர் மேலும் தெரிவித்துள்ளதாவது:

தனது தேவைகளை நிறைவு செய்யக்கூடிய சரியான ஆயுதங்களையே நாம் கொள்வனவு செய்ய வேண்டும். எனவே யார் அதனை சிறிலங்காவுக்கு வழங்குவார்கள் என்பதனையே அரசு பார்க்கவேண்டும்.

இந்தியா எமது நெருங்கிய நண்பன். எனவே எமக்கு இடையிலான உறவுகளை தக்கவைப்பது முக்கியமானது. ஆனால் எமக்கு தேவையான ஆயுதங்களை எமது படையினரின் தேவைகளை நிறைவு செய்யக்கூடிய நாடுகளிடம் இருந்தே நாம் பெறுவோம். அதற்கான முடிவை சிறிலங்கா அரசே எடுக்கும் என்றார் அவர்.
நன்றி>புதினம்.

வடக்கில் படை நடவடிக்கைகளுக்குப் படையினர் தாயார்: எந்நேரமும் யுத்தம் வெடிக்கலாம்!!!

யாழ் குடாநாட்டிலிருந்து விடுதலைப் புலிகள் நிர்வாகப் பகுதிகள் நோக்கிய பாரிய படை நடவடிக்கைகளுக்கு சிறீலங்காப் படைகள் தாயராகிவிட்டனர் என உறுதிப்படுத்தப்பட்ட தகவல்கள் வெளியாகியுள்ளன.

தென்மராட்சி மற்றும் நாகர்கோவில் கிழக்கு முன்னரங்கள் நிலைகளிலிருந்து விடுதலைப் புலிகளின் கட்டுப்பாட்டுப் பகுதி நோக்கி எந்நேரமும் முன்னேற்ற நடவடிக்கைகளை மேற்கொள்ள சிறீலங்கா அரச படைகள் தாயார் நிலையில் வைக்கப்பட்டுள்ளதாக தெரிவிக்கப்படுகின்றது.

படை நடவடிக்கைக்கான கட்டளை கொழும்பு இராணுவத் தலைமையகத்திலிருந்து எந்நேரமும் வரலாம் எனவும் படையினரிர் எதிர்பாத்து காத்திருப்பதாகவும் கூறப்படுகிறது.

படைநவடிக்கைகான அனைத்து படை நகர்த்தல்களும் பின்தள வேலைகளும் பூர்த்தி செய்யப்பட்டு நிறைவு காணப்பட்டுள்ளதாகவும் தெரிவிக்கப்பட்டுள்ளது. குறிப்பாக படையினர் மற்றும் படைத்தளபாடங்கள் முன்னகர்த்தப்பட்டள்ளதாகவும் தெரிவிக்கப்பட்டுள்ளது.

இதேநேரம் படுகாயமடையும் படையினருக்கான மருத்துவத்தை வழங்கும் அணிகள், காவலரண்கள் மற்றும் காப்பரண்களை அமைக்கும் அணிகள் என பின்தள ஏற்பாடுளுக்கான அணிகளும் தயாராக வைக்கப்பட்டுள்ளன.

ஏற்கனவே இவ்வாறான பாரிய படைநடவடிக்கையை சிறீலங்காப் படையினர் மேற்கொள்ளத் தாயாராக இருந்தவேளை கூட்டுப்படைத் தளம் மீது விடுதலைப் புலிகள் வான் தாக்குதலை நடத்தியால் படைநவடிக்கை பிற்போடப்பட்டிருந்தது.

யாழ்குடாநாட்டின் பாதுகாப்பு மிகவும் பாதுகாப்பாக வைக்கப்பட்டுள்ளதாக அறிவிக்கப்பட்டுள்ளது. குறிப்பாக தீவகம் முழுவதும் பாதுகாப்பு ஏற்பாடுகள் அதிகரிக்கப்பட்டுள்ளன. படை நடவடிக்கையில் ஈடுபடும் வேளை விடுலைப் புலிகள் தீவகப் பகுதிகள் மீது தாக்குலை நடத்தலாம் என்ற அச்சம் காரணமாக பண்ணை வீதி, புங்குடுதீவு, குறிகட்டுவான் வீதி, மண்டைதீவு, வேலணை போன்ற தீவகப் பகுதிகள் மற்றும் தீவகத்திற்குச் செல்லும் பாதைகள் அனைத்து பாதுகாப்புப் பலப்படுத்ததப்பட்டுள்ளன.

ஏற்கனவே முகமாலை, நாகர்கோவில், மன்னார், வனியா, மணலாறு என அனைத்து பகுதிகளாலும் வன்னிப் பகுதியை ஆக்கிரமிக்க பாரிய முன்னேற்ற நடவடிக்கையை மேற்கொள்ள படையினர் திட்டமிட்டிருந்தமை இங்கே குறிப்பிடக்கூடியதாகும்.
நன்றி>பதிவு.

சிறீலங்கா அரசு கேட்கும் இராணுவ தளபாடங்களை நாம் வழங்கவுள்ளோம் - இந்தியா அறிவிப்பு!!!

சிறீலங்கா அரசு கேட்கும் ஆயுத தளபாடங்களை வழங்கப்போவதாக இந்தியா அறிவித்துள்ளது. இரண்டாவது தடவையாக இன்று சென்னையில் தமிழக முதல்வர் முத்துவேல் கருணாநிதியைச் சந்தித்த இந்திய பாதுகாப்புத்துறை ஆலோசகர் எம்.கே. நாராயணன் இதனைத் தெரிவித்துள்ளார்.

ஆசியப் பிராந்தியத்தில் இந்தியா வல்லரசாக இருக்கும் போது அண்டை நாடான இலங்கை பாகிஸ்தானிடம் இருந்தோ அல்லது சீனாவிடமிருந்தோ இராணுவ தளபாடங்களை கொள்வனவு செய்ய இந்திய விரும்பவில்லை எனத் தெரிவித்துள்ளார்.

சிறீலங்காவுக்கான தேவைகள் எதுவாக இருந்தாலும் அவற்றுக்கான உதவிகளை எம்மிடமே அவற்றைப் பெற்றுக்கொள்ள வேண்டும். இருந்தும் சிறீலங்காப் படையினருக்கு நாம் வலிந்த தாக்குதல்களை மேற்கொள்ளும் ஆயுதங்களை வழங்கப் போவதில்லை. தற்காப்பு ஆயுதங்களையே வழங்கவுள்ளோம் என எம்.கே. நாராயணன் மேலும் தெரிவித்துள்ளார்.

தமிழக மீனவர்களின் பாதுகாப்பை உறுதி செய்ய ஒருங்கிணைந்த கடற்ரோந்தே சிறந்த வழிமுறை என நினைக்கிறேன். தமிழக மீனவர்கள் கடல்லெல்லையைத் தாண்டி அத்துமீறி உள்நுழைந்தாலும் அவர்களை சுடவேண்டாம் என இலங்கை அரசிடம் வலியுத்தியுள்ளோம். இதற்கு இலங்கை அரசும் இணங்கியுள்ளது எனவும் இந்திய பாதுகாப்புத்துறை ஆலோசகர் எம்.கே. நாராயணன் மேலும் தெரிவித்துள்ளார்.
நன்றி>பதிவு.

யாழ். நகரை மீட்க புலிகள் பெரும் திட்டம்: இந்தியாவிடம் ஏவுகணை கேட்கும் இலங்கை!

யாழ்ப்பாணம் தீபகற்பத்தை ராணுவத்திடமிருந்து விடுவிக்க விடுதலைப் புலிகள் பெரும் திட்டம் தீட்டியிருப்பதாக கூறப்படுகிறது. இந்த நிலையில், விடுதலைப் புலிகளை சமாளிக்க விமானங்களைத் தாக்கும் ஏவுகணைகளை வழங்குமாறு இந்தியாவிடம் கோரிக்கை விடுத்துள்ளது இலங்கை. இந்தியா தர மறுத்தால், பிற நாடுகளை அணுகி ஏவுகணைகளைப் பெறவும் அது திட்டமிட்டுள்ளது.

இலங்கை அரசுக்கும், படைகளுக்கும் சிம்ம சொப்பனமாக விளங்கி வரும் விடுதலைப் புலிகள், தற்போது விமான பலத்தையும் பெற்றுள்ளனர். மூன்று முறை வெற்றிகரமான தாக்குதலையும் மேற்கொண்டுள்ளனர். இதனால், இலங்கை அரசுக்கும், அந்நாட்டு பாதுகாப்புப் படைகளுக்கும் பெரும் பீதி ஏற்பட்டுள்ளது.

இந்த நிலையில், யாழ்ப்பாணம் தீபகற்பத்தை ராணுவத்திடமிருந்து மீட்க விடுதலைப் புலிகள் பெரும் திட்டம் தீட்டியுள்ளதாக கூறப்படுகிறது. விடுதலைப் புலிகள் வசம் இருந்த யாழ்ப்பாணம் 2002ல் அரசுப் படைகள் வசம் வந்தது.

தற்போது யாழ் தீபகற்பத்தின் பெரும்பகுதியை அரசுப் படைகள் வைத்துள்ளன. அங்கு குவிக்கப்பட்டுள்ள ராணுவத்தினரின் பிடியில் சிக்கி தமிழர்கள் சொல்லொணா அவதிகளை அனுபவித்து வருகின்றனர்.

செயற்கையான உணவுப் பஞ்சத்தை ஏற்படுத்தியுள்ள இலங்கை அரசு தமிழர்களை அங்கிருந்து வெளியேறவும் விடாமல் கொடுமைப்படுத்தி வருகிறது.

இந்த நிலையில் விமான பலத்துடன் முன்பை விட வலுவாக திகழும் விடுதலைப் புலிகள், யாழ்ப்பாணம் பகுதியை ராணுவத்திடமிருந்து மீட்கும் முயற்சியில் இறங்கியுள்ளனர். இதுதொடர்பான திட்டம் பிரபாகரன் தலைமையில் சமீபத்தில் எடுக்கப்பட்டுள்ளதாக இலங்கை பாதுகாப்புத் துறை தகவல்கள் தெரிவிக்கின்றன.

யாழ்ப்பாணத்தை மீட்கும் இறுதிப் போராக இதை திட்டமிட்டுள்ள புலிகள், இதற்காக சில உயிரிழப்புகளை தமிழர்கள் சந்திக்க வேண்டியிருக்கும் என்றும் கூறியுள்ளனர். உளவுப் பிரிவு தலைவர் பொட்டு அம்மன் யாழ்ப்பாணத்தை மீட்பதற்கான திட்டத்தை வகுத்துக் கொடுத்துள்ளார். அதை பிரபாகரனும் அங்கீகரித்து விட்டதாக கூறப்படுகிறது.

விரைவில் யாழ் தீபகற்பத்தை மீட்க புலிகள் பெரும் போரில் குதிக்கக் கூடும் என்று கூறப்படுவதால் இலங்கையில் பதட்டம் மேலும் அதிகரித்துள்ளது.

இந்த நிலையில், விடுதலைப் புலிகளின் விமான தாக்குதலை சமாளிக்க, விமானம் தாக்கும் ஏவுகணைகளை தர வேண்டும் என இந்தியாவிடம் இலங்கை அரசு கோரிக்கை விடுத்துள்ளது. இதுதொடர்பாக அதிபர் ராஜபக்க்ஷேவின் தம்பி கோத்தபயா ராஜபக்ஷே டெல்லி வந்துள்ளார்.

அவரது பயண விவரம் மிகவும் ரகசியமாக வைக்கப்பட்டுள்ளது. டெல்லி வந்துள்ள அவர் தாழ்வான உயரத்தில் பறக்கும் விமானங்களைக் கண்டறியும் ரேடார்கள், தரையிலிருந்து விண்ணில் உள்ள இலக்குகளைத் தாக்கி அழிக்கும் ஏவுகணைகள் ஆகியவற்றை இந்தியா வழங்க வேண்டும் என இலங்கை அரசு, இந்தியாவுக்கு கோரிக்கை விடுத்துள்ளது.

இதுகுறித்து தேசிய பாதுகாப்பு ஆலோசகர் எம்.கே.நாராயணன், பாதுகாப்புத்துறை செயலாளர், ராணுவ, கடற்படை, விமானப்படைத் தலைமைத் தளபதிகள் உள்ளிட்டோரை படு ரகசியமாக சந்தித்துப் பேசியுள்ளார் கோத்தபயா ராஜபக்ஷே.

இப்பேச்சுவார்த்தை விவரங்களை மத்திய அரசு அதிகாரப்பூர்வமாக தெரிவிக்கவில்லை. ஒரு வேளை இந்தியா இந்த உதவிகளைச் செய்ய மறுத்தால் பிற நாடுகளிடமிருந்து இவற்றைப் பெற இலங்கை திட்டமிட்டுள்ளதாக கூறப்படுகிறது.

இனியும் இந்தியாவை நம்பி இருக்கப் போவதில்லை. இந்த உதவிகளை இந்தியா செய்யாவிட்டால் பாகிஸ்தான் உள்ளிட்ட பிற நாடுகளின் உதவியை நாட இலங்கை தயங்காது என்றும் இந்தியத் தரப்பிடம் கோத்தபயா திட்டவட்டமாக தெரிவித்துள்ளதாகவும் கூறப்படுகிறது.

செய்தி மூலம்: தற்ஸ் தமிழ்

வான்புலிகளின் வான் தாக்குதலுக்கே இப்படியென்றால்? வான் சண்டைகளுக்குத் தாயாராகிவிட்டால்?

-கேசவன்-

விடுதலைப்புலிகளிடம் விமனத் தாக்குதல் நடத்துகின்ற அளவுக்குப் பலம் கிடையாது அப்படித் தாக்குதல் நடத்த வந்தால் கூட அடுத்த நொடியிலேயே சுட்டு வீழ்த்திவிடுவோம். என அரசாங்கம் முன்னர் கூறியிருந்தது ஆனால் இப்போது புலிகள் வான் வழியாக வந்து தாக்குதல் நடத்திவிட்டுப் பத்திரமாகச் சென்று தரையிறங்கியிருக்கின்றனர் இந்தத் தாக்குதல் புலிகளின் வான்படைப்பலம் குறித்த பல்வேறு கேள்விகளை எழுப்பியிருக்கிறது.

முன்னர் புலிகளிடம் இருக்கும் விமானங்கள் எந்த ரகத்தைச் சேர்ந்தவையாக இருக்கலாம் என்ற கேள்வி இருந்து வந்தது. ஆனால் கட்டுநாயக்கா தாக்குதலுக்குப் பின்னர் புலிகளிடம் இருப்பது செக் நாட்டுத் தயாரிப்பான ணுடுஐNணு143டு விமானங்களே என்பது திட்டவட்டமாக உறுதியாகியிருக்கிறது. இந்த விமானங்களைப்பயன்படுத்திப் புலிகளால் எத்தகைய தாக்குதல்களை நடத்தி அழிவுகளை ஏற்படுத்த முடியும் என்ற கேள்விக்கு விடைகாண்பதே அரசாங்கத்துக்கு பெரும் தலைவலியாக மாறியிருக்கிறது.

புலிகளால் விமானங்களைப் பயன்படுத்தி தற்கொலைத்தாக்குதல்களை மட்டுமே நடத்த முடியும். என்றும் அப்படியான தாக்குதல்களைக்கூட ஒரிரண்டு தடவைக்குமேல் நடத்த முடியாது என்றுமே இலங்கை அரசு கருதியிருந்தது.

ஆனால் புலிகளோ கட்டுநாயக்க வரை வந்து குண்டுத்தாக்குதல்களை நடத்தி விட்டுச் சென்றிருக்கிறார்கள். இது புலிகளின் வான்படைப்பலம் ஏற்கனவே கணிக்கப்பட்டதையும் விட அதிகமானதென்பதை எடுத்துக் காட்டியிருக்ககிறது. புலிகளால் விமானப்படைப் ஒன்று அமைக்கப்பட்டதே வியப்புடன் பார்க்கப்படும் நிலையில் அவர்கள் தம்மிடமுள்ள விமானங்களைத் தாக்குதலுக்காக மட்டும் பயன்படுத்தி விட்டு விமானிகளுடன் அவற்றை இழப்பதற்கு தயாராக இல்லை என்ற செய்தியே முக்கியத்துவமாக நோக்கப்படுகிறது

புலிகள் பெருமளவு பணத்தைக்கொடுத்து பல்வேறு தடைகளுக்கு மத்தியில் கொள்வனவு செய்த விமானங்களையும் மிகுந்தசிரமங்களின் மத்தியில் உருவாக்கி பயிற்றுவித்த விமானிகளையும் தற்கொலைத் தாக்குதலுக்காகப் பயன்படுத்துவார்கள் என எதிர்பார்த்தது தவறானதே.

இதனால்தான் புலிகளின் விமானத் தாக்குதல் பலருக்கும் அதிர்ச்சியைக் கொடுத்திருக்கிறது. புலிகளிடமுள்ள விமானங்கள் குண்டுவீச்சுக்களுக்கெனத் தயாரிக்கப்பட்டவையல்ல ஆயினும் அவர்கள் சுய முயற்சியால் தான் குண்டு வீச்சுத் தொழில்நூட்பத்தைப் பெற்றிருக்கிறார்கள்.

புலிகளிடமுள்ள குண்டுவீச்சு தொழில்நூட்பமானது நவீனமாயமானதாக இல்லாவிடினும் அவர்களால் துல்லியமான தாக்குதலை நடத்த முடிந்திருக்கிறது. இப்போது அரசாங்கத்திற்கும் விமானப்படைக்கும் உள்ள முக்கிய பிரச்சினை அதுவல்ல வான்புலிகள் தனியே குண்டுத்தாக்குதல்களை நடத்துகின்ற அளவுக்கு மட்டும் பயிற்றுவிக்கப்பட்டுள்ளனரா அல்லது அதற்கும் அப்பால் வான் சண்டைகளை நடத்துகின்ற அளவுக்குத் திறன் பெற்றிருக்கிறார்களா எனபதே இலங்கை அரசுக்கு விடைகாண வேண்டிய முக்கிய வினாவாக உள்ளது

இலங்கை அரசுக்கு இந்தச் சந்தேகம் ஏற்பட்டுள்ளமைக்கு பிரதான காரணமாக இருப்பது கட்டுநாயக்க விமானப்படைத்தளம் மீதான தாக்குதலுக்கு வந்த புலிகளின் இரண்டு விமானங்களில் ஒன்றே குண்டுத் தாக்குதல்களை நடத்தியமை ஆகும்.

புலிகளால் தாக்குதலுக்குப் புறப்பட்ட விமானங்களின் புகைப்படங்கள் வெளியிடப்பட்டிருந்தன. இதன்படி விமானத்தின் அடிப்பகுதியில் பின் சக்கரங்களுக்கிடையில் நான்கு குண்டுகள் பொருத்தப்பட்டிருந்தன. இவை ஒவ்வென்றும் சுமார் 25 கிலோ எடை கொண்டதாக இருக்கலாம் என மதிப்பிடப்பட்டுள்ளது. உள்ளுரிலேயே இந்தக்குண்டுகள் வடிவமைக்கப்பட்டதும் உறுதியாகியிருக்கிறது.

கட்டுநாயக்க விமானப்படைத்தளம் மீது தாக்குதல் நடத்த இரண்டு விமானங்களில் வந்த புலிகள் தலா நான்கு வீதமாக எட்டுக்கொண்டுகளையல்லவா வீசியிருக்கவேண்டும்? ஆனால் நான்கு குண்டுகள் மட்டுமே வான்புலிகளால் வீசப்பட்டன இதில் மூன்று குண்டுகள் வெடித்துச் சேதங்களை ஏற்படுத்தின ஒன்று மட்டுமே வெடிக்கவில்லை. இதில் ஒரு விமானம் மட்டுமே தாக்குதல் நடத்தியது உறுதியாகிறது. அப்படியானால் இரண்டாவது விமானம் எதற்காக வந்தது என்ற கேள்வி எழுகிறது புலிகளை பொறுத்தவரையில் மிகவும் பெறுமதி வாய்ந்த சொத்தான விமானம் ஒன்றையும் விமானிகள் இருவரையும் தேவையில்லாத ஒரு களத்துக்குள் அனுப்பியிருக்க மாட்டார்கள்.

எனவே கட்டுநாயக்கா தாக்குதலுக்காக வந்த மற்றைய விமானத்தையும் இராணுவ நோக்கங்களின்றிப் புலிகளால் அனுப்பப்பட்டிருக்க வாய்ப்புகளில்லை. கட்டுநாயக்க மீதான தாக்குதலில் அதியுயர் விளைவுகளை எதிர்பார்த்திருக்கக் கூடிய புலிகளின் தலைமை இரு விமானங்களின் மூலமும் ஆகக் கூடியளவுக்கு இழப்புக்களை ஏற்படுத்தவே திட்டமிட்டிருக்கும்.

ஆனால் இரண்டு விமானங்களை அனுப்பி நான்கு குண்டுகளை மட்டும் போடும் அளவுக்குத் திட்டமிடல் அமைந்துள்ளதென்றால் அதில் ஏதோ ஒரு உட்காரணம் இருந்திருக்க வேண்டும.; குண்டுத்தாலுக்காக வந்த விமானத்துக்குப் பாதுகாப்பு கொடுப்பதற்காக மற்றைய விமானம் வந்திருக்கலாம் என்ற சந்தேகம் இப்போது வலுப்பெறுகிறதல்லவா?

பொதுவாக குண்டுவீச்சுக்களை நடத்தச் செல்லும் விமானங்களுக்கும் ஆபத்தான இடங்களில் விநியோக நடவடிக்கைகளில் ஈடுபடுத்தப்படும் விமானங்களுக்கும் போர் விமானங்கள் மூலம் பாதுகாப்பு வழங்கப்படுவது வழக்கமே 1987 ஆம் ஆண்டு யாழ்ப்பாணத்தில் இந்திய விமானங்கள் உணவுப்பொட்டலங்களை வீச வந்தபோது இந்திய விமானப்படையின் மிராஜ் 2000 ரகப் போர் விமானங்கள் அவற்றுக்குப் பாதுகாப்பளித்தமை நினைவிருக்கலாம் இதுபோன்று புலிகளின் குண்டு வீச்சு விமானத்துக்குப் பாதுகாப்பாக இன்னொரு விமானம் வந்திருக்கலாம் ஆனால் ஒரு விமானத்துக்குப் பாதுகாப்புக் கொடுப்பதற்கான விமானம் சாதாரணமானதாக இருக்கமுடியாது.

வானில் சண்டயிடக் கூடிய திறன் அந்த விமானத்துக்கு இருப்பது அவசியம் விமானத்தில் அப்படிப்பட்ட வசதிகள் இருப்பினும் விமானிகளுக்குப் போதிய பயிற்சியும் அனுபவமும் தேவை இந்த நிலையில் புலிகளிடம் இருக்கின்ற இலகு ரக விமானங்கள் வன் சண்டைகளுக்கு ஏற்றதா? வான்புலிகளால் வான் சமர்களை நடத்தமுடியுமா? ஏன்ற கேள்விகள் எழுகின்றன.

புலிகளிடமுள்ள ZLIN Z 143 L ரக விமானங்கள் அடிப்படையில் பயிற்சி மற்றும் சாகசங்களுக்காகவே தயாரிக்கப்பட்டவையாகும் இந்த விமானங்களால் கிபிர் மிக் போன்ற போர் விமானங்களுக்கெதிராகச் சண்டையிட முடியாவிட்டாலும் சராசரி வேகமும் ஆற்றலும் இருக்கின்றன. கடந்த பல வருடங்களாகவே இரகசியமாக வான்புலிகளைப் பயிற்றுவித்து வந்த புலிகள் அவர்களை வான் சண்டைகளுக்காகத் தயார்படுத்தியிருக்க மாட்டார்களா?

புலிகள் தம்மிடமுள்ள இலகு ரக விமானங்களில் 12.7 மி.மீ விமான எதிர்ப்புத் துப்பாக்கிகளையோ அல்லது 14.5 மி.மீ சிறு பீரங்கிகளையோ பொருத்தி வான் சண்டைக்களுக்காகத் தயார்படுத்தியிருக்கலாம் சாதாரணமாக குண்டு வீச்சுத் தொழில் நூட்பத்தையே சுயமாக கண்டறிந்த புலிகளுக்கு இது ஒன்றும் கடினமான காரியமாக இருக்கது.

இப்படியாக வன் சண்டைககளுக்காகத் தயார்படுத்தப்பட்ட விமானத்தில் குண்டுகளை ஏற்றிச் சென்றிருக்க முடியாது ஆகக் கூடியது 240 கிலே எடையையே சுமக்கக் கூடிய இந்த விமானத்தில் கனரக துப்பாக்கிகளைப் பொருத்தினால் குண்டுகளை எடுத்துச்செல்ல முடியாது. இதனால் கட்டுநாயக்க தாக்குதலுக்காக வந்த விமானத்துக்குப் பாதுகாப்புக் கொடுக்கும் நோக்கில் மற்றைய விமானம்வந்திருக்கக்கூடும்.

2005 ஆம் ஆண்டு ஜனவரி மாதம் வவுனியாவுக்கு வடக்கே விஞ்ஞானகுளத்தில் இலங்கை விமானப்படையின் ஆளில்லா வேவுவிமானம வீழ்ந்து நொருங்கிய போது அது மற்றொரு விமானத்தால் சுடப்பட்டிருக்கலாம் எனச் சந்தேகிக்கப்பட்டது.

இப்போது இந்தச் சந்தேகம் மேலும் வலுப்பெற்றிருக்கிறது. புலிகள் வான் தாக்குதலை நடத்தியதற்கே ஆடிப்போன அரசு அவர்கள் வான் சண்டைகளை நடத்துகின்ற அளவுக்கு வளர்ந்து விட்டார்கள் என்ற செய்தி உறுதியானால் எப்படித்தான் தாங்கிக் கொள்ளப்பபோகிறதோ தெரியவில்லை.
நன்றி>பதிவு.

நெடுந்தீவு ராடார் நிலையம் படையினருக்கு பெரும் இழப்பு: ஏஎஃப்பி.

இடம்பெற்று வரும் மோதல்களில் இருதரப்பும் இழப்புக்களை சந்தித்துள்ளனர். எனினும் நெடுந்தீவில் இருந்த கரையோர ராடார் நிலையத்தின் இழப்பே படையினருக்கான பெரும் இழப்பாகும். இந்த ராடார் நிலையம் இந்தியாவிற்கும், சிறிலங்காவிற்கும் இடையிலான ஒடுக்கமான பாக்கு நீரிணையை கண்காணிப்பதற்கு பயன்படுத்தப்பட்டு வந்தது என சிறிலங்கா படைத்தரப்பு தெரிவித்துள்ளதாக ஏஎஃப்பி செய்தி ஆய்வில் அமல் ஜெயசிங்க தெரிவித்துள்ளார்.


அதன் முக்கிய பகுதிகள் வருமாறு:

புதிதாக இடம்பெற்று வரும் வான், கடல் தாக்குதல்கள் அரச படையினரும், விடுதலைப் புலிகளும் ஒரு பெரும் சமருக்கு தயாராகி வருவதையே கட்டுகின்றது. அமைதிப் பேச்சுக்கள் முறிவடைந்த பின்னர் உக்கிரமடைந்த மோதல்களால் சிறிலங்காவில் 5,000 மக்கள் இதுவரை கொல்லப்பட்டுள்ளனர்.

விடுதலைப் புலிகளின் கடல், வான் தாக்குதல்களை எதிர்கொள்வதற்காக சிறிலங்காப் படையினர் மிக்-29 ரக மிகை ஒலி வானூர்திகளையும், எம்ஐ-24 ரக உலங்குவானூர்திகளையும், கடற்படையின் கப்பல்களுக்கான கனரக பீரங்கிகளையும் கொள்வனவு செய்ய எண்ணியுள்ளனர்.

2002 ஆம் ஆண்டு உருவாக்கப்பட்ட அமைதி முயற்சிகள் இறந்துவிட்டன. அமைதி முயற்சிகளுக்கு சிறியளவிலான சந்தர்ப்பமே உண்டு. போர்நிறுத்தம் நீடிக்கும் என நான் நினைக்கவில்லை. எதிர்வரும் மாதங்களில் நாம் அதிக மோதல்களை காணலாம் என மாற்றுக் கொள்கைகளுக்கான மையத்தை சேர்ந்த சுனந்த தேசப்பிரிய தெரிவித்துள்ளார்.

ஒரு மாதமாக மந்தமாக இருந்த களநிலைமைகள் கடந்த வாரம் விடுதலைப் புலிகளால் கேந்திர முக்கியத்துவம் மிக்க நெடுந்தீவில் நடத்தப்பட்ட தாக்குதலால் முடிவுக்கு வந்துள்ளது.

இருதரப்பும் இழப்புக்களை சந்தித்துள்ளனர், எனினும் கரையோர ராடார் நிலையத்தின் இழப்பே படையினருக்கான பெரும் இழப்பாகும். நெடுந்தீவில் இருந்த ராடார் நிலையம் இந்தியாவிற்கும், சிறிலங்காவிற்கும் இடையிலான ஒடுக்கமான பாக்கு நீரிணையை கண்காணிப்பதற்கு பயன்படுத்தப்பட்டு வந்தது.

இந்த தாக்குதலின் மூலம் விடுதலைப் புலிகள் கடல்வழி தாக்குதல் திறனை நிரூபித்துள்ளனர் என பாதுகாப்பு பத்தி எழுத்தாளர் நமால் பெரேரா தெரிவித்துள்ளார்.

யாழ். குடாநாட்டை கைப்பற்றும் ஒரு நடவடிக்கையே நெடுந்தீவு தாக்குதல். யாழை கைப்பற்றும் தமது திட்டத்தை விடுதலைப் புலிகள் கைவிடவில்லை என்பதன் அறிகுறி இது என டெய்லி நியூஸ் தனது பாதுகாப்பு ஆய்வில் தெரிவித்துள்ளது.

தீவகத்தின் மீது தொடர்ச்சியான தாக்குத்கள் நிகழுமாயின் அது யாழ். குடாநாட்டின் பாதுகாப்புக்கு பெரும் அச்சுறுத்தலாகும். விடுதலைப் புலிகள் இராணுவத்தின் பலத்தை பரவலடைய செய்கின்றனர். இது போரை பலவீனப்படுத்தும் என ஓய்வுபெற்ற பிரிக்கேடியர் ஜெனரல் விபுல் பொரெயூ தெரிவித்துள்ளார்.

விடுதலைப் புலிகள் தங்களிடம் உள்ள Zlin-143 ரக வானூர்திகள் மூலம் நான்கு தாக்குதல்களை நிகழ்த்தியுள்ளனர். இது போரை வேறு பரிமாணத்திற்கு கொண்டு சென்றுள்ளது.

சிறிலங்கா அரசும், விடுதலைப் புலிகளும் இராணுவ வெற்றிகள் சாத்தியமானது என நம்பவைக்க முற்படுகின்றனர். இதனால் எதிர்வரும் வாரங்களில் வன்முறைகள் அதிகரிக்கலாம் என இராஜதந்திரிகள் தெரிவித்துள்ளனர்.

படையினர் தமது நடவடிக்கைகளை நிறுத்தாத போது தாம் பேச்சுக்களுக்கு செல்லப் போவதில்லை என தமிழீழ விடுதலைப் புலிகளின் அரசியல்துறைப் பொறுப்பாளர் சு.ப.தமிழ்ச்செல்வன் தெரிவித்துள்ளார்.

சிறிலங்காவில் மனித உரிமை மீறல்கள் 2006 ஆம் ஆண்டில் மிகவும் மோசமான நிலையை அடைதுள்ளதாக அனைத்துலக மன்னிப்புச் சபை தனது ஆண்டு அறிக்கையில் தெரிவித்துள்ளது.

மேலும் இருதரப்பினதும் மோதல்களுக்கு இடையில் பொதுமக்கள் சிக்கிக் கொள்ளலாம் எனவும், நீதிக்கு புறம்பான படுகொலைகள், சிறார் படைச்சேர்ப்பு, கடத்தல்கள், பலவந்தமாக காணாமல் போதல், மனித உரிமை மீறல்கள் என்பன அதிகரித்து வருவதாக அது தனது அச்சத்தை வெளியிட்டுள்ளது.

2006 ஆம் ஆண்டின் முடிவில் பல நூற்றுக்கணக்கான மக்கள் கொல்லப்பட்டும், காயமடைந்தும் உள்ளதுடன், 215,000 மக்கள் இடம்பெயர்ந்தும் உள்ளனர் என ஐக்கிய நாடுகள் சபையின் அமைப்புக்களும், ஏனைய மனித உரிமை அமைப்புக்களும் தெரிவித்துள்ளன.

சிறிலங்காவில் பெருமளவில் பொதுமக்கள் பாதிக்கப்படுவதனை தடுப்பதற்கான ஒரே வழி எல்லா தரப்பினரும் தமது வன்முறைகளை முடிவுக்கு கொண்டு வருவதேயாகும் என பிரித்தானியாவின் சிறிலங்காவிற்கான தூதுவரான டொமினிக் சில்கொட் தெரிவித்துள்ளார் என அதில் தெரிவிக்கப்பட்டுள்ளது.
நன்றி>புதினம்.

சிறிலங்காவிற்கான அனைத்துலகத்தின் உதவிகள் நிறுத்தப்பட வேண்டும்: மனித உரிமைகள் கண்காணிப்பகம்.

சிறிலங்காவின் மகிந்த ராஜபக்ச அரசு மனித உரிமை மீறல்களை தடுக்காது போனால் அரசுக்கான அனைத்துலகத்தின் உதவிகளை அந்த நாடுகளின் ஊடாக தடுத்து நிறுத்துவதற்கு முயற்சிகள் எடுக்கப்போவதாக நியூயோர்க்கைத் தளமாகக் கொண்ட மனித உரிமைகள் கண்காணிப்பகம் தெரிவித்துள்ளது.


அந்த அமைப்பின் ஆசியப் பிராந்திய இயக்குனர் பிராட் அடம்ஸ் தெரிவித்துள்ளதாவது:

எமது அமைப்பு சிறிலங்கா தொடர்பான விடயங்களில் செயற்திறனுள்ள நாடுகளான அமெரிக்கா, பிரித்தானியா, இந்தியா, யப்பான் உட்பட பல நாடுகளுடன் சிறிலங்காவில் உள்ள தற்போதைய நிலை தொடர்பாக தொடர்புகளை கொண்டுள்ளது.

எனினும் நாம் சிறிலங்காவிற்கான உதவிகளை நிறுத்தும்படி அவர்களை இன்றுவரை கோரவில்லை. மனித உரிமைகள் தொடர்பாக கொழும்பு மீது அதிக கவனத்தை செலுத்தி அங்கு சட்ட ஒழுங்கை நிலைநாட்ட அனைத்துலக சமூகம் நடவடிக்கை எடுக்க வேண்டும் என நாம் கோரிக்கை விடுத்துள்ளோம்.

மனித உரிமைகளை மதிப்பதற்கும் பொதுமக்களின் மீதான வன்முறைகளை குறைப்பதற்கும் இணைத்தலைமை நாடுகளும், ஏனைய நாடுகளும் அரசு மற்றும் விடுதலைப் புலிகள் மீது அழுத்தங்களை மேற்கொள்ள வேண்டும். நிதி உதவியானது இத்தகைய அழுத்தங்களில் ஒன்று. சில நாடுகள் இந்த வழியில் செல்வதற்கு தற்போது தீர்மானித்துள்ளன.

மனிதாபிமான உதவிகளை நிறுத்துவதை நாம் எதிர்க்கின்றோம் ஏனெனில் அது பொதுமக்களை பாதிக்கலாம். எனினும் துரதிர்ஸ்டமாக அனைத்துலக சமூகத்தினால் மேற்கொள்ளப்படும் தற்போதைய அணுகுமுறைகள் அங்கு நடைபெறும் பலவந்தமாக காணாமல் போகச் செய்தல், கடத்தல்கள், எழுந்தமானமாக தடுத்து வைத்தல், கண்மூடித்தனமான வான் குண்டுவீச்சுக்கள், பலவந்தமாக மீளக்குடியமர்த்துதல், ஊடகத்துறையின் மீதான கட்டுப்பாடுகள் போன்றவற்றில் சிறிய தாக்கத்தையே உண்டுபண்ணியுள்ளது என்றார் அவர்.
நன்றி>புதினம்.

நெடுந்தீவில் இருந்த முக்கிய ராடாரை விடுதலைப் புலிகள் கைப்பற்றினர்:

கடந்த வியாழக்கிழமை அதிகாலை நெடுந்தீவு ராடார் நிலையத்தின் மீது தாக்குதலை நடத்திய தமிழீழ விடுதலைப் புலிகள், அங்கிருந்த முக்கியமான ராடார்களையும், ஆயுதங்களையும், வெடிபொருட்களையும் எடுத்துச் சென்றுவிட்டனர் என கொழும்பு ஊடகம் தெரிவித்துள்ளது.


கொழும்பு ஊடகத்தில் தெரிவிக்கப்பட்டுள்ள முக்கிய பகுதிகள்:

இந்த தாக்குதலை அடுத்து யாழ். மாவட்ட கட்டளைத் தளபதி மேஜர் ஜெனரல் சந்திரசிறி, 51 ஆவது படையணியின் கட்டளை அதிகாரியான பிரிக்கேடியர் லிஓநாட் மார்க்கை தொடர்பு கொண்டு நிலைமை தொடர்பாக விவாதித்ததை தொடர்ந்து அவர் தனது பிரிக்கேட் கட்டளை அதிகாரிகளை தொடர்பு கொண்டு நெடுந்தீவை மீட்பதற்கான எதிர் நடவடிக்கைகள் குறித்து திட்டங்களை வகுத்திருந்தார்.

நெடுந்தீவை மீட்பதற்கு இரு பற்றலியன் துருப்புக்கள் தயார்படுத்தப்பட்டன. அந்தப் பகுதிக்கு காங்கேசன்துறை கடற்படைத்தளத்தில் இருந்து 10 டோராக்கள் அனுப்பி வைக்கப்பட்டிருந்தன.

இந்த தாக்குதலில் விடுதலைப் புலிகளின் மேற்கு கரையிலான நடமாட்டங்களை கண்காணித்த ராடார் நிலை அழிக்கப்பட்டுள்ளது. சமர் நடைபெற்றுக் கொண்டிருந்த வேளையில் நடுக்கடலில் உள்ள தமது கப்பலில் இருந்து ஆயுதங்களை இறக்கும் திட்டத்தையும் விடுதலைப் புலிகள் கொண்டிருந்தனர்.

நெடுந்தீவு இந்தியாவின் இராமேஸ்வரத்திற்கு மிக அருகில் உள்ளதனால் அது படையினரின் மேற்கு கரையோர கண்காணிப்புக்களுக்கு மிகவும் கேந்திர முக்கியத்துவமானது என அதில் தெரிவிக்கப்பட்டுள்ளது.
நன்றி>புதினம்.

நெடுந்தீவு தாக்குதல்- யாழ். குடாநாட்டை கைப்பற்றுவதற்கான அறிகுறி:

யாழ். குடாநாட்டை கைப்பற்றுவதற்காக தமிழீழ விடுதலைப் புலிகள் தங்களை தயார்படுத்தி வருகின்றனர் என்பதனையே நெடுந்தீவுத் தாக்குதல் உணர்த்துகின்றது. அங்கு நிலைமைகள் மோசமடைந்து வருகின்றன என்று சிறிலங்கா இராணுவத்தின் முன்னாள் மேஜர் ஜெனரல் சரத் முனசிங்க தெரிவித்துள்ளார்.


இது தொடர்பில் நேற்று வியாழக்கிழமை காலை நடைபெற்ற ஊடகவியலாளர் மாநாட்டில் அவர் மேலும் தெரிவித்துள்ளதாவது:

இன்று (நேற்று) அதிகாலை நெடுந்தீவுப் பகுதியில் விடுதலைப் புலிகளால் நடத்தப்பட்ட தாக்குதல் அவர்களின் திட்டதிற்கான ஒரு தகவல். விடுதலைப் புலிகள் நெடுந்தீவை தக்க வைத்திருந்தால் அது குடாநாட்டின் வடபகுதிக்கான விநியோகங்களை பெருமளவில் பாதிக்கும்.

விடுதலைப் புலிகள் பூநகரியில் இருந்து 130 மி.மீ பீரங்கிகள் மூலம் பலாலித் தளத்தை தாக்கியிருந்தனர். அது 27 கி.மீ தூரவீச்சு கொண்டது.

இந்த பீரங்கித் தாக்குதலின் போது படையினர் தமது பாதுகாப்பைத் தேடி ஓடியுள்ளனர். அவர்கள் பதுங்கு குழிக்குள் பதுங்கும் போது அவர்களால் தரையின் ஒரு பகுதியையே பார்க்க முடியும். வானத்தைப் பார்க்க முடியாது இது தான் அன்று பலாலியில் நடந்தது. முதலில் பீரங்கித் தாக்குதலை நடத்திவிட்டு பின்னர் வான்தாக்குதலை விடுதலைப் புலிகள் நடத்தியிருந்தனர்.

விடுதலைப் புலிகளிடம் இரண்டுக்கும் மேற்பட்ட வானூர்திகள் உள்ளன. அவர்களின் வானூர்திகள் கொழும்புக்கு வந்து தாக்குதலை நடத்திவிட்டு பாதுகாப்பாக திரும்பிவிட்டன. அவர்களால் கொழும்புக்கு வந்து குண்டுவீச முடியுமானால் மிக இலகுவாக யாழ். குடாநாட்டுக்கும் செல்ல முடியும். அது அவர்களின் தளத்தில் இருந்து 10 நிமிட பயணத்தூரத்தில் உள்ளது. இது தான் பலாலியினதும் அங்கு உள்ள படையினரினதும் நிலைமைகள்.

விடுதலைப் புலிகளின் வானூர்திகள் மேலும் ஒரு தடவை வானில் எழுந்தால் அவை அழிக்கப்படும் என பாதுகாப்பு விவாகாரங்களுக்கான பேச்சாளர் கேகலிய ரம்புக்வெல தெரிவித்திருந்தார். ஆனால் இது தொடர்பாக அவரால் உத்தரவாதம் தர முடியுமா எனவும் கேள்வி எழுப்பினார் சரத் முனசிங்க.

மேஜர் ஜெனரல் சரத் முனசிங்க சிறிலங்கா இராணுவத்தில் 30 வருடங்களாக பணியாற்றி இருந்ததுடன், யாழ். குடாநாட்டின் கட்டளை அதிகாரியாகவும், இராணுவத்தின் பேச்சாளராகவும் பணியாற்றியிருந்தவர் என்பது குறிப்பிடத்தக்கது.
நன்றி>புதினம்.

தமிழக மக்களின் செய்தி அறியும் சுதந்திரத்தை தடுக்கிறார்கள், கியூ ப்ராஞ்ச் போலீஸார்.

மீண்டு வந்த மீனவர்கள்... விலகாத மர்மங்கள்!

அறுபத்தெட்டு நாட்களுக்குப் பிறகு மீனவர்கள் மீண்டு வந்தது குமரியில் சந்தோஷத் திருவிழாவாகக் கொண்டாடப்பட்டபோதும், அவர்கள் கடத்தப்பட்டது சம்பந்தமான மர்மம் இன்னும் முழுமையாக விலகியபாடில்லை.

ராமேஸ்வரம் அருகே நடுக்கடலில் மாயமான பன்னிரண்டு மீனவர்களைக் கடத்தியது சிங்கள ராணுவமா? விடுதலைப்புலிகளா? என பட்டிமன்ற ரேஞ்சுக்கு விவாதங்கள் நடைபெற்றுக்கொண்டிருந்தன. தமிழக டி.ஜி.பி. முகர்ஜி, ‘கடத்தியது விடுதலைப்புலிகள்தான்’ என உறுதியாக கருத்துத் தெரிவித்து வந்தார். கடந்த மார்ச் ஆறாம் தேதி எப்படி மர்மமாக அவர்கள் கடத்தப்பட்டார்களோ, அதேபோல கடந்த பதினெட்டாம் தேதி இரவு ராமேஸ்வரம் கடல் பகுதியில் கொண்டு வந்து விடப்பட்டிருக்கிறார்கள்.

மீண்டு வந்த மீனவர்களில் பத்துப் பேர் குமரி மாவட்டம் குளச்சல் பகுதியைச் சேர்ந்தவர்கள். ஒருவர் தூத்துக்குடியைச் சேர்ந்தவர். கேரளாவைச் சேர்ந்த ஒருவர் மட்டும் இன்னும் விடுவிக்கப்படவில்லை.

மீனவர்கள் விடுதலையானதுமே இந்தக் கடத்தல் நாடகத்தின் மர்மங்கள் விலகும் எனப் பலரும் எதிர்பார்த்தனர். ஆனால், ராமேஸ்வரம் வந்திறங்கிய மீனவர்கள் கியூ ப்ராஞ்ச் போலீஸாரின் இறுகிய வளையத்தைவிட்டு வெளியே வந்து பத்திரிகையாளர்களுடன் சகஜமாகப் பேச முடியவில்லை. சென்னையில் முதலமைச்சரை சம்பிரதாயமாக அவர்கள் சந்தித்தபோதும், குமரியில் மாவட்ட வருவாய் அலுவலர் ஜோதிநிர்மலா அவர்களை வரவேற்றபோதும் கிளமென்ஸ் என்ற மீனவர் மட்டுமே நிருபர்களிடம் பேசினார்.

அவர் கூறுகையில், ‘‘எங்களைக் கடத்தியவர்கள் முதலில் புரியாத மொழியில் பேசினார்கள். ஆனால், காட்டுக்குள் சிறைவைத்திருந்தபோது தமிழில்தான் பேசினர். தவிர, புலிகள் விமானத் தாக்குதல் நடத்தியபோது, இவர்கள் பட்டாசு வெடித்தார்கள். எனவே, எங்களைக் கடத்தியது விடுதலைப்புலிகள்தான்’’ என்றார், தீர்க்கமாக. அவரோடு மீண்டு வந்த மற்ற மீனவர்கள் எல்லாம் ஏனோ நிருபர்களிடம் பேசுவதையே தவிர்த்தனர். மீண்டு வந்தவர்களில் பதினான்கு வயதுச் சிறுவனான அனிஸ்டன் மட்டும் பத்திரிகையாளர்களின் பகீரத முயற்சிக்குப் பின் வாயைத் திறந்தான். ‘‘எங்களை விடுவிக்கும் முன்பாக கண்ணைக்கட்டி அழைத்து வந்தனர். அப்போது துப்பாக்கிச்சூடு நடக்கும் சத்தம் கேட்டது. உடனே எங்களைக் கடத்தியவர்கள் ஏதோ புரியாத மொழியில் பேசி துப்பாக்கிச் சூட்டை நிறுத்தச் செய்தனர். எனவே, கடத்தியது சிங்கள கடற்படையாக இருக்கும்’’ என போட்டுடைத்திருக்கிறான் அனிஸ்டன்.

அதற்குமேல் அவகாசம் கொடுக்காமல் அத்தனை மீனவர்களையும் கியூ ப்ராஞ்ச் போலீஸார் தங்கள் வசப்படுத்திக் கொண்டனர். அனைவரையும் பத்திரமாக வீடுவரை கொண்டு போய் விட்ட போலீஸார், மீடியாக்களிடம் அதிகம் பேச வேண்டாம் என உத்தரவு போட்டிருப்பதாகச் சொல்கிறார்கள். (இறுதியில், சர்ச்சைக்குரிய பேட்டியைக் கொடுத்த அனிஸ்டனைக் காண, நாம் அவனது இல்லத்திற்குச் சென்றோம். அவன் மீண்டு வந்ததற்கான நேர்ச்சைகளைச் செய்வதற்காக ஏதோ வெளியூர் கோயிலுக்கு குடும்பத்துடன் போயிருப்பதாக அக்கம்பக்கத்தினர் கூறினர்.)

இதற்கிடையே, மீண்டு வந்த மீனவர்களை வரவேற்று உபசரித்த குமரி டி.ஆர்.ஓ. ஜோதி நிர்மலாவின் கண்களிலும் பளிச்சென பட்டது அனிஸ்டன்தான். ‘தம்பி, இங்கே வா’ என அனிஸ்டனை அழைத்து அவரது வயது விவரங்களைக் கேட்ட டி.ஆர்.ஓ., மீனவப் பிரதிநிதிகளுக்கு ஒரு மினி லெச்சரே கொடுத்தார். ‘இந்தப் பதினான்கு வயதுச் சிறுவனை கடலுக்கு அனுப்பியிருக்கிறீர்களே! தயவு செய்து இனியாவது இப்படிச் செய்யாதீர்கள். எல்லா கடலோர கிராமங்களிலும் இதை ஓர் அறிவிப்பாகச் செய்யுங்கள்’ என வேண்டுகோள் விடுத்தார்.

பதிலுக்கு அனிஸ்டனின் குடும்பச் சூழல் பற்றி டி.ஆர்.ஓ.விடம் மீனவப் பிரதிநிதிகள் சொன்ன தகவல்கள் படுசோகமானவை. 1992_ம் ஆண்டில் அனிஸ்டனின் தந்தை பர்த்தலோமை, இதேபோல் கடலில் காணாமல் போய் 57 நாட்களுக்குப்பிறகு மீண்டு வந்தாராம். அதில் சற்று மனநிலை பாதிக்கப்பட்ட அவர், அதன்பிறகு கடல்தொழிலுக்குச் செல்வதில்லை. எனவே, தனது இளைய தம்பிகள் இருவர் மற்றும் பெற்றோரைப் பாதுகாக்கவே அனிஸ்டன் கடல் தொழிலுக்கு வந்தாராம்.

இந்த நிலைமைகளைக் கேள்விப்பட்ட குளச்சல் எம்.எல்.ஏ. ஜெயபால், அனிஸ்டனின் படிப்புச்செலவை ஏற்பதாகக் கூறியிருக்கிறார். அவரது குடும்பத்திற்கும் அரசு உதவ வேண்டும் என மீனவப் பிரதிநிதிகள் வேண்டுகோள் வைத்துள்ளனர். வீடு திரும்பிய அனிஸ்டனை, அவரது பெற்றோர் உச்சிமோந்து ஆனந்தக்கண்ணீர் பெருக வரவேற்ற விதம் நெகிழ வைப்பதாக இருந்தது.

இதேபோல கோடிமுனை, கொட்டில்பாடு கிராமங்களில் பட்டாசு வெடித்து இந்த மீனவர்களுக்கு உற்சாக வரவேற்புக் கொடுத்தனர். ‘‘பத்து மீனவர்கள் மீட்கப்பட்டதால் பத்துக் குடும்பங்கள் காப்பாற்றப்பட்டுவிட்டன’’ என நெகிழ்வோடு கூறினார், மீனவப்பிரதிநிதி ஒருவர்.

ச. செல்வராஜ்

- குமுதம் ரிப்போர்ட்டர், May 27, 2007

கடத்தியது சிங்களப்படை; விடுதலைப் புலிகள் அல்ல.

கடத்தியது சிங்களப்படை; விடுதலைப் புலிகள் அல்ல. செய்தியை படிக்க செய்தியின் மீது அழுத்தவும்.

மீனவர்களைக் கடத்தியது சிறீலங்கா கடற் படையினரே! கடத்தப்பட்ட சிறுவன் வாக்குமூலம்.

கன்னியாகுமரி மாவட்டத்தைச் சேர்ந்த 11 கடற்தொழிலாளர்கள் கடந்த மார்ச் மாதம் முதல் காணமல் போயிருந்த நிலையில் கடந்த வெள்ளிக்கிழமை இராமேஸ்வரம் வடக்கே உள்ள பிசாசுமுனையில் மற்றும் தங்கச்சிமடத்தில் கரைதிரும்பியிருந்தனர்.

இந்த நிலையில் கரைசேர்ந்த மீனவர்கள் உடனடியாக தமிழக காவல்துறையினரால் சென்னைக்கு அழைத்துச் செல்லப்பட்டு தமிழக முதல்வர் கலைஞர் கருனாநிதியைச் சந்தித்த பின்னர் தமிழக காவல்துறை மற்றும் புலனாய்வுத்துறையினரின் விசாரணையின் பின்னர் அவர்களது சொந்த இடங்களுக்குத் அனுப்பி வைக்கப்பட்டனர்.

விசாரணையின் பின்னர் விடுதலைப் புலிகள் தான் மீனவர்களைக் கடத்திச் சென்றதாக தமிழக காவல்துறையினர் தெரிவித்திருந்த நிலையில் கடத்தப்பட்டிருந்த சிறுவனான 13 அகவையுடைய அனித்தன் தங்களைக் கடத்தியது விடுதலைப் புலிகள் அல்ல சிறீலங்கா கடற்படையினரே கடத்திச் சென்றதாக மக்கள் தொலைக்காட்சிக்குத் தெரிவித்துள்ளார்.

சிறுவனின் இந்த வாக்குமூலம் பலரையும் வியப்புக்குள் ஆழ்தியதோடு பெரும் பரபரப்பையும் ஏற்படுதியுள்ளது.

மூகமூடியணிந்த நபர்கள் தங்களை படகு மூலம் கடத்திச் சென்று சிறீலங்கா கடற்படையினரிடம் ஒப்படைத்தனர். அங்கு அவர்கள் தங்களை சிறீலங்கா கடற்படையினர் என கூறிக்கொண்டார்கள் அத்துடன் தங்களைக் கடத்திச் சென்ற முகமூடிதாரிகளும் சிறீலங்காப் கடற்படையினருடன் இணைந்திருந்தார்கள்.

கடத்திச் செல்லப்பட்ட நாங்கள் 13 நாட்கள் வீடு ஒன்றினுள் தங்கவிடப்பட்டதாகத் அச்சிறுவன் தெரிவித்துள்ளார்.

இதேநேரம் தங்களை சிறீலங்கா கடற்படையினரே கடலில் கொண்டு வந்து விடுவித்ததாகவும் அச்சிறுவன் மேலும் தெரிவித்துள்ளார்.
நன்றி>பதிவு.

கடத்தியது சிறீலங்காகடற்படைதான் - கடத்தப்பட்ட மீனவச்சிறுவன்.

இச்செய்தியில் ஆச்சரியப்பட ஒன்றுமில்லை!! இது என்ன, இன்னும் இதை விட மோசமான நாடகங்களை இந்திய "றோ" அரங்கேற்றலாம்!! குறிப்பாக தமிழகத்தில் தமிழ்த் தேசியத்திற்கு ஆதரவாக ஒலிக்கத் தொடங்கியிருக்கும் குரல்களை அடக்க முற்படுவதற்காகவே இது போன்ற நாடகங்களை இந்திய "றோ" அரங்கேற்றத் தொடங்கியிருக்கிறது.

இந்தக் கடத்தல் நாடகத்துக்கு முன்னமே தமிழ் நாட்டில் இரும்பு உருளைகளை கடத்தியதாக இன்னொரு நாடகம் நடத்தப்பட்டது. அதன் அடுத்த எப்பிசோட்டெ இது!! இதற்கடுத்த எப்பிசோட்டுகளையும் நாம் எதிர்பார்க்கலாம்!!

இது இந்தியாவிற்கு மட்டுமானதல்ல, உலகிலுள்ள பல உளவுத்துறையினர்கள் இதைப்போல கைக்கரியங்களில் ஈடுபட்டிருக்கிறார்கள். அமெரிக்கா, ரஷ்யா, இங்கிலாந்து .... என்று கூறிக்கொண்டே போகலாம்!! இவைகள் காலகட்டங்களில் உலகிற்கு அம்பலமாகிக் கொண்டே வருகின்றது!! ஆனாலும் இவர்கள் இந்நாடகங்களை தொடர்ந்தே அரங்கேற்றி வருகிறார்கள்.

இந்திய "றோ" வின் நாடகங்கள் 83லிருந்தே தொடங்கி விட்டது. ஆனால் இனி இதை விட மேசமான நாடகங்கலை அரங்கேற்றுமோ என்றுதான் பயப்பட வேண்டியுள்ளது!! தமிழ்நாட்டில் பாரிய குண்டு வெடிப்புகள், கொலைகள், கடத்தல்களை நடத்தி விட்டு எம் தலையில் போட அவர்களுக்கு எல்லா வளங்களும் உள்ளன, அதை தமிழகத்திற்கு மட்டுமல்ல உலகிற்கே எடுத்துச் செல்ல ஊடகப் பலமும் உள்ளது. இதை நம்ப அப்பாவி தமிழக மக்களும் உள்ளனர்!!

இந்தச் சதி நாடகங்களை எம்மூடகங்களும், தமிழக தமிழ் ஆர்வலரும் காலத்தே முறியடிக்க வேண்டிய தேவையும் உள்ளது.
http://www.yarl.com/videoclips/view_video.php?viewkey=295f8076b1c5722a46aa

சிறீலங்காவுக்கு எதிரான பிரேரணை யூன் மாதத்தில் ஐரோப்பிய ஒன்றியம் கொண்டுவரவுள்ளது.

ஐரோப்பிய நாடாளுமன்றம் சிறீலங்காவுக்கு எதிரான பிரேரணையைக் கொண்டுவரவுள்ளது. சிறீலங்கா அரசின் ஜனநாயக மரபுகளை மீறி மனித உரிமை மீறல்கள் தொடர்ப்பில் இந்த தீர்மானம் கொண்டுவரவுள்ளதாகச் செய்திகள் வெளியாகியுள்ளது.

ஐரோப்பிய ஒன்றியத்தின் வருடாந்த நாடாளுமன்ற ஒன்றுகூடல் பிரான்ஸ் ஸ்ராஸ்போர்க் நகரில் எதிர்வரும் 5ம் நாள் நடைபெறவுள்ளது. இதிலேயே சிறீலங்காவுக்கு எதிரான பிரேரணையை கொண்டுவரவுள்ளதாகத் தெரியவருகிறது.

அன்றைதினம் ஐரோப்பிய ஒன்றியத்தில் அங்கம் வகிக்கும் 27 அங்கத்துவ நாடுகளும் சிறீலங்காவுக்கு எதிரான பிரேரணையை ஆமோதித்தால் இந்த நாடுகளினால் சிறீலங்காவுக்கு வழங்கப்படும் நிதியுதவிகள் அனைத்தும் நிறுத்தப்படும் என எதிர்பார்க்கப்படுகின்றது.

சிறீலங்கா ஐரோப்பிய ஒன்றியத்தின் கொள்கை இணக்கத்தில் கையெழுத்து இட்டதால்தான் சிறீலங்காவுக்கு எதிரான பிரேரணையைக் கொண்டுவரக் காரணமாகின்றது.

இதேநேரம் சிறீலங்காவுக்கு எதிராக ஐரோப்பிய நாடாளுமன்றில் 750 பேர் ஆதரவாக வாக்களித்தால் மட்டுமே சிறீலங்காவுக்கு எதிராக பிரேரணை சாத்தியமாகும் என அரசியல் அவதானிகள் மேலும் தெரிவித்துள்ளனர்.
நன்றி>பதிவு.

முடிவுக்கு வந்தது இந்திய உளவுத்துறையின் "மீனவர்" கடத்தல் நாடகம்!!!

தமிழக மீனவர்கள் கடத்தல்- சுடப்பட்டது எல்லாமே இந்திய உளவுத்துறையின் நாடகம்தான் என்பதனை திரும்பிவிட்ட தமிழக மீனவர்கள் சொல்லியிருக்கும் வாக்குமூலம் அம்பலப்படுத்தியிருக்கிறது.


மீனவர் கடத்தல் தொடர்பான ஒரு செய்தி ஆய்வு:

4 மார்ச் 2007: தமிழக மீனவர்கள் 12 பேர் மாயம்

29 மார்ச் 2007: தமிழக மீனவர்கள் மீது சிறிலங்கா கடற்படையினர் துப்பாக்கிச் சூடு: 4 பேர் பலி

(தினமணி மார்ச் 30: சிறிலங்கா கடற்படை சுட்டு குமரி மீனவர்கள் 4 பேர் பலி

களியக்காவிளை, மார்ச் 30: கடலில் மீன்பிடித்துக் கொண்டிருந்த கன்னியாகுமரி மாவட்ட மீனவர்கள் மீது சிறிலங்கா கடற்படையினர் வியாழக்கிழமை துப்பாக்கிச் சூடு நடத்தினர். இதில் 4 மீனவர்கள் உயிர் இழந்தனர். 5 பேர் படுகாயம் அடைந்தனர். இச்சம்பவத்தால் கன்னியாகுமரி மாவட்ட கடலோரக் கிராமங்களில் பதற்றம் ஏற்பட்டுள்ளது.

கன்னியாகுமரி மாவட்டம், தூத்தூர் அருகேயுள்ள சின்னத்துறை மீனவக் கிராமத்தை சேர்ந்த மீனவர்கள் கா. சதீஷ் (26), கா.ஜஸ்டின் (24), தோ.தீஸஸ் தாஸ் (37), மரிய ஜான் (50), லினீஸ் (52) அருள் லாம் தூஸ் (31), நீரோடி கிராமத்தைச் சேர்ந்த ஜெரின் (17), மரிய ஜான் லூயிஸ் (32), ஈஸ்டர்பாய் (30) ஆகிய 9 மீனவர்கள் கடந்த 23 ஆம் நாள் விசைப் படகில் மீன்பிடிக்க கடலுக்குச் சென்றனர். அவர்கள் கன்னியாகுமரி கடல் பகுதியிலிருந்து 45 கடல் மைல் தொலைவில் மீன் பிடித்துக் கொண்டிருந்தனர். அப்போது, அங்கு வந்த சிறிலங்கா கடற்படைக் கப்பல், திடீர் துப்பாக்கிச் சூடு நடத்தியதாகத் தெரிகிறது. இதில் சதீஸ், ஜஸ்டின், மரிய ஜான், லினீஷ் ஆகிய 4 மீனவர்கள் பலியானார்கள். மேலும் துப்பாக்கிச் சூட்டில் தீசஸ் தாஸ் உள்பட 5 பேர் காயம் அடைந்தனர்.

31 மார்ச் 2007: தமிழக மீனவர்கள் சுட்டுக்கொலை: சிறிலங்கா அரசு- இந்திய கடற்படை மறுப்பு

(Hindu Mar 31, 2007)

Navy Chief won't rule out LTTE role in firing on Indian fishermen

Sandeep Dikshit
`Sri Lankan Navy has asked to exercise restraint'
`State Government not warning fishermen enough'

NEW DELHI: The Chief of the Naval Staff, Admiral Sureesh Mehta, did not rule out the involvement of the Liberation Tigers of Tamil Eelam (LTTE) in the recent incidents of firing on Indian fishermen in order to create a misunderstanding between the two countries.

Basing his views on assurances given by the Sri Lankan Naval chief, Admiral Mehta said the purpose could be to create a rift between the two nations.

"I had personally spoken to the Chief of the Sri Lankan Navy five days back [following another incident of firing on Indian fishermen] and he assured me that his men had no intention of harassing fishermen in this manner. The Sri Lankan Navy has also issued strict instructions asking its personnel not to open fire on Indian fishermen who had strayed into Lankan waters," he told newspersons on Friday.

In a recent meeting between top officers from the Sri Lankan security establishment and the Indian High Commission in Colombo, the Sri Lankan navy chief had shown maps to prove that his ships were nowhere in the vicinity when incidents of firing on Indian fishermen took place.

"It could be a tactic by the LTTE to create a rift," he observed.

The navy chief also regretted that the State Government was not doing enough to warn fishermen about the perils of entering Sri Lankan waters at a time when conflict was raging in and around the Island nation. "There are some systems that should have been put in place."

With about 3,000 boats crossing over into the international waters everyday, Admiral Mehta wanted the boats to carry some kind of locational indication instrument so that the Indian authorities were aware of their whereabouts and could alert the forces of the other side in case they inadvertently crossed over in the waters controlled by Sri Lanka

1 ஏப்ரல் 2007: கன்னியாகுமரி மீனவர்கள் படுகொலை: புலிகள் மீது பழிபோட இந்திய உளவுத்துறை சதி

1 ஏப்ரல் 2007: கன்னியாகுமரி மீனவர்கள் படுகொலையில் தொடர்புபடுத்துவது விசமப் பிரச்சாரம்: இளந்திரையன் கடும் கண்டனம்

தாயகத் தமிழ் உறவுகளும் ஈழத் தமிழர்களும் இணைந்து நல் உறவைப் பேணுவதையும் தமிழ்நாட்டில் ஈழத் தமிழர்கள் மீதான அனுதாப அலைகள் உருவாவதையும் விரும்பாத மற்றும் கொச்சைப்படுத்த வேண்டும் என்கிற தீய சக்திகளுடன் இப்படுகொலைகளை மூடிமறைக்க வேண்டும் என்று கருதுகிற சிறிலங்கா அரசும் இணைந்து இச்சம்பவத்தில் எங்களை தொடர்புபடுத்தி மிக மோசமான விசமப் பிரச்சாரத்தைச் செய்து வருகின்றனர்.

தாய்த் தமிழக உறவுகளும் ஈழத் தமிழ் உறவுகளும் ஒரே இரத்தமாக இருப்பதால் ஒன்றாக இணைந்து நம்முடைய உறவைப் பேணுவதன் மூலம் இத்தகைய தீய சக்திகளுக்கும், நாடு இன பேதமின்றி தமிழ் மக்களை குறிவைத்துப் படுகொலை செய்கின்ற சிறிலங்கா அரசுக்கும் பதிலடி கொடுக்க வேண்டும் என்றார் இளந்திரையன்.

12 ஏப்ரல் 2007: தூத்துக்குடி அருகே 6 சிங்களர்கள் கைது: குமரி மீனவர்களை சுட்டுக்கொன்றவர்களா?

தூத்துக்குடி அருகே இந்தியக் கடல் பகுதியில் சந்தேகத்துக்கு இடமளிக்கும் வகையில் படகில் வந்த 6 சிங்களர்களை கடலோரக் காவல் படையினர் புதன்கிழமை கைது செய்தனர். கன்னியாகுமரி மாவட்டத்தைச் சேர்ந்த 5 மீனவர்கள் நடுக்கடலில் சுட்டுக்கொல்லப்பட்ட சம்பவத்தில் இவர்களுக்குத் தொடர்பு இருக்கலாம் எனச் சந்தேகிக்கப்படுகிறது.

12 ஏப்ரல் 2007:

URL: http://www.thehindu.com/2007/03/12/stories/2007031205801200.htm



Sri Lanka refutes allegations



The Sri Lanka Government said on Sunday that reports of the death of an Indian fisherman in firing by its Navy were "instigated by the LTTE with a vested interest." It reiterated the proposal for joint monitoring of the International Maritime Boundary Line (IMBL) by the Indian and Sri Lanka Navies.



The statement said that it was reasonable to assume that the reports were being instigated by the LTTE in an attempt to damage the strong bilateral relationship between India and Sri Lanka.

13 ஏப்ரல் 2007: கைது செய்யப்பட்ட 6 இலங்கை மீனவர்களுக்கு 5 மீனவர் சுட்டுக்கொல்லப்பட்டதில் தொடர்பு இல்லை (தினமணி)

கன்னியாகுமரி அருகே நடுக்கடலில் கடலோரக் காவல் படையினரால் கைது செய்யப்பட்ட 6 இலங்கை மீனவர்களுக்கும் கன்னியாகுமரி மாவட்ட மீனவர்கள் 5 பேர் சுட்டுக்கொல்லப்பட்ட சம்பவத்தில் தொடர்பு இல்லை என தெரியவந்துள்ளது.

இந்திய கடலோர காவல் படையினர் புதன்கிழமை காலையில் கடலில் ரோந்து பணியில் ஈடுபட்டனர். கன்னியாகுமரியில் இருந்து தென்கிழக்கே 28 கடல் மைல் தொலைவில் இரண்டு வள்ளங்களில் கன்னியாகுமரி மாவட்டம், மேல முட்டத்தைச் சேர்ந்த மீனவர்கள் மீன்பிடித்து கொண்டிருந்தனர்.

இரண்டு வள்ளங்களிலும் தலா 6 பேர் வீதம் 12 பேர் இருந்தனர். இந்த வள்ளங்களுக்கு அருகே ஒரு விசைப்படகு கேட்பாரின்றி நின்றது. அந்தப் படகு இலங்கையைச் சேர்ந்தது. அதில் "மரியா' என பெயர் எழுதப்பட்டிருந்தது. இதையடுத்து 12 பேரையும் கடலோரக் காவல் படையினர் சிறை பிடித்தனர். பின்னர், தூத்துக்குடி சிப்காட் காவல் நிலையத்தில் வைத்து விசாரணை நடத்தினர்.

தீவிர விசாரணை: கடந்த 29 ஆம் நாள் கன்னியாகுமரி மாவட்ட மீனவர்கள் 5 பேரை சுட்டுகொன்ற நபர்கள் வந்த படகில் மரியா என எழுதப்பட்டிருந்ததாக ஏற்கெனவே தெரிவிக்கப்பட்டது. தற்போது இலங்கை மீனவர்கள் வந்த படகிலும் மரியா என எழுதப்பட்டிருந்தது. இதையடுத்து காவல்துறையினர் தீவிர விசாரணை மேற்கொண்டனர்.

மேலும், கடந்த 29 ஆம் நாள் கன்னியாகுமரி மாவட்ட மீனவர்கள் 5 பேர் சுட்டுக்கொல்லப்பட்ட படகில் இருந்த கன்னியாகுமரி மாவட்டம், நீரோடிதுறையைச் சேர்ந்த கி. ஜெரின் (18), ரீ.அருளாந்ததூஸ் (31), மரியஜான் லூயிஸ் (41) ஆகியோரை காவல்துறையினர் தூத்துக்குடிக்கு இரவோடு இரவாக அழைத்து வந்தனர். பிடிபட்ட இலங்கை படகு "மரியா' மற்றும் கைது செய்யப்பட்டவர்களை காவல்துறையினர் அவர்களிடம் காட்டினர். இந்த விசாரணையில் கன்னியாகுமரி மாவட்ட மீனவர்களை சுட்டுக்கொல்லப்பட்ட சம்பவத்தில் இவர்களுக்கு தொடர்பு இல்லை என தெரியவந்துள்ளதாக எஸ்.பி.ஜான் நிக்கல்சன் தெரிவித்தார்.

கைது செய்யப்பட்ட இலங்கை மீனவர்கள் விபரம்:

இலங்கை யாழ்பாணம் பருத்தித்துறையைச் சேர்ந்த அந்தோனி பிள்ளை மகன் அருள்ஞானதாசன் (20), மன்னார் முள்ளிக்குளத்தைச் சேர்ந்த கிறிஸ்டி மகன் ராபின் (23), வன்னி புதுக்குடியிருப்பைச் சேர்ந்த சுப்பையா செல்வராசா மகன் செல்வகுமார் (19), யாழ்ப்பானம் குறுநகர் முதலாம் குறுக்கு தெருவைச் சேர்ந்த மரியான்பிள்ளை மகன் பொனிபாஸ் (28), மன்னார் முள்ளிக்குளத்தை சேர்ந்த தவராசா மகன் அருண் (19), முத்தையா மகன் ரவிக்குமார் என்ற ரவி (24) ஆகிய 6 இலங்கை மீனவர்களும் கைது செய்யப்பட்டுள்ளனர். இவர்கள் அனைவரும் இலங்கை தமிழ் மீனவர்கள் ஆவர்.

இவர்கள் கடந்த மாதம் 14 ஆம் நாள் தேதி மன்னார் பகுதியில் இருந்து கடலுக்கு மீன்பிடிக்க வந்துள்ளனர். நடுக்கடலில் மீன்பிடித்து விட்டு திரும்பும் வேளையில் 5 ஆம் நாள் படகு இயந்திரத்தில் கோளாறாகி நின்று விட்டதாம்.

கன்னியாகுமரி மீனவர்கள் மனிதாபிமான அடிப்படையில் தான் இலங்கை மீனவர்களுக்கு உதவியுள்ளனர். எனவே இரண்டு வள்ளங்களிலும் சென்ற மேல முட்டத்தைச் சேர்ந்த செ.சகாயவின்ஸ் (25), தீ.நெல்சன் (34), ம.அந்தோனி (38), ஆ.முத்தப்பன் (36), ஜெ.சபின் சுதாகர் (18), அ.ஸ்டார்லின் (25) ஆகிய 6 பேரும் பின்னர் விடுவிக்கப்பட்டனர்.

தமிழக மீனவர்கள் படுகொலை செய்யப்பட்ட சம்பவத்தில் தமிழீழ விடுதலைப் புலிகளுக்குத் தொடர்புள்ளது என்று சிறிலங்கா அரசாங்கம் உறுதியாகக் குற்றம்சாட்டிய நாளில்தான் தமிழக மீனவர்களைச் சுட்டுக்கொன்றதாக சந்தேகிக்கப்படும் சிங்களவர்கள் 6 பேர் கைது செய்யப்பட்டதாக செய்திகள் வந்தன.

சிறிலங்காவின் அறிக்கையும் சிறிலங்காவில் மட்டும் வெளிவரவில்லை. தமிழகத்தில் உள்ள இந்து நாளேட்டிலும் வெளிவந்துள்ளது.

ஓரு பதற்றமான நிலையில் இப்படி ஒரு செய்தி வந்திருக்கும் சூழலில் கைது செய்யப்பட்ட சந்தேக நபர்களை விசாரித்தவர் பொறுப்புள்ள காவல்துறை அதிகாரியான தூத்துக்குடி கண்காணிப்பாளர் நிக்கல்சன்.

அவர் நடத்திய விசாரணையில்தான் கைது செய்யப்பட்டவர்கள் இலங்கைத் தமிழ் மீனவர்கள் என்று அறிவிக்கப்பட்டது குறிப்பிடத்தக்கது.

இதனைத் தொடர்ந்து.

17 ஏப்ரல் (தினமணி) "மீனவர் சுடப்பட்டதில் சிறிலங்கா கடற்படைக்கு தொடர்பில்லை. அண்மையில் கடலில் நடந்த துப்பாக்கிச் சூட்டுக்கும் இலங்கைக் கடற்படைக்கும் எந்த சம்பந்தமும் இல்லை" என்று சென்னையில் உள்ள சிறிலங்கா துணைத் தூதரகம் மறுத்துள்ளது.

தினமணியில் (15.4.2007) வெளியான "சிறிலங்கா கடற்படை சுட்டதில் பலியான 5 மீனவர்கள் குடும்பத்தாருக்கு அரசுப் பணி நியமன உத்தரவு" என்ற தலைப்பில் வெளியான செய்திக்கு துணைத் தூதரகம் வெளியிட்ட செய்திக்குறிப்பு:

அண்மையில் துப்பாக்கிச் சூட்டில் பலியான கன்னியாகுமரி மீனவர்கள் சிறிலங்கா கடற்படையின் துப்பாக்கிச் சூட்டில்தான் மரணம் அடைந்தனர் என்ற தொனியில் செய்தி வெளியாகியுள்ளது.

இந்தத் துப்பாக்கிச் சூட்டுக்கும் சிறிலங்கா கடற்படைக்கும் எவ்வித சம்பந்தமும் இல்லை என்று நிரூபிக்கப்பட்டுள்ள வேளையில் அக்கடற்படை மீது குற்றம் சுமத்தியிருப்பது உகந்ததல்ல என அச்செய்திக் குறிப்பில் கூறப்பட்டுள்ளது.

தமிழக மீனவர்களைச் சுட்டுக் கொன்றது யார் என்று தெரியாத நிலையிலேயே "நிரூபிக்கப்பட்டு விட்டதாக"க் கூறுவது என்பது கண்ணை மூடிக்கொண்டு அல்லது ஒரு திட்டமிட்ட பொய் கூற வேண்டும் என்ற நோக்கத்தோடு சொல்லப்பட்டிருப்பது அல்லாமல் வேறு எதுவுமே இல்லை.

ஏப்ரல் 17 ஆம் நாளுக்குப் பின்னர் ஏப்ரல் 28 ஆம் நாள்தான் தமிழக காவல்துறைத் தலவைர் முகர்ஜியின் அறிக்கை வெளியாகிறது.

அதில் தமிழீழ விடுதலைப் புலிகள் மீது குற்றம்சாட்டி அறிக்கை வெளியாகிறது.

அதனைத் தொடர்ந்து தமிழீழ விடுதலைப் புலிகள் எனப்படுவோரின் வாக்குமூலம் ஒன்றும் வெளியாகிறது.

27 ஏப்ரல் 2007 : விடுதலைப் புலிகள்தான் சுட்டனர்: தமிழக காவல்துறை தலைவர் முகர்ஜி அறிக்கை

அந்த அறிக்கையில்

- கைது செய்யப்பட்ட மீனவர்களை காவல்துறையினர் கஸ்டடி எடுத்த நாள்: ஏப்ரல் 20

- கியூ பிரிவுக்கு மாற்றப்பட்ட நாள்: ஏப்ரல் 23

என்று குறிப்பிடப்பட்டுள்ளது.

ஆனால் சிறிலங்கா அரசாங்கம், இந்து நாளேடு போன்ற தமிழின எதிரிகளும் சம்பவம் பத்திரிகைகளில் செய்தி வெளிவந்த நாளிலிருந்து தொடர்ந்து விடுதலைப் புலிகள் மீது குற்றம்சாட்டி வந்தனர்.

இந்தியக் கடற்படைத் தளபதியோ சம்பவம் நடந்த மறுநாளே பகிரங்கமாக தமிழ்நாடு அரசு மீது கண்மூடித்தனமாக குற்றம் சாட்டுகிறார்.

தமிழக அரசும் வாய்மூடி மௌனமாகக் கிடக்கிறது.

சிறிலங்கா கடற்படையும் அதே போன்ற அறிக்கை விடுகிறது.

கைது செய்யப்பட்ட சந்தேக நபர்கள் ஏற்கெனவே விசாரிக்கப்பட்டனர். அவர்கள் விசாரிக்கப்பட்ட சூழலும் பதற்றமான ஒரு காலட்டத்தில்தான். விசாரித்ததும் தமிழகக் காவல்துறையின் பொறுப்புள்ள அதிகாரிதான்.

பிறகு ஏன் தமிழகக் காவல்துறை மீண்டும் விசாரிக்க வேண்டும்?

300-க்கும் மேற்பட்ட அப்பாவி தமிழ்நாட்டு மீனவர்களைப் படுகொலை செய்த சிறிலங்கா அரசாங்கம், விடுதலைப் புலிகள்தான் காரணம் என்று கூறிவிட்டதே என்பதற்காகவா?

அல்லது

இந்தியத் தளபதி கூறிவிட்டாரே என்பதற்காகவா?(May 31 Hindu)

அல்லது

விடுதலைப் புலிகளை எப்படியும் தமிழகத்தின் உறவிலிருந்து பிரித்தே ஆக வேண்டும் என்ற சிறிலங்கா அரசாங்கம - இந்திய உளவுத்துறையினர் கூட்டுச்சதியினை நிறைவேற்றவா?

அல்லது

சிறிலங்காவில் இந்தியாவும் கடலில் கூட்டு சுற்றுக்காவல் மேற்கொள்ள வேண்டும் என்று கனவு காணும் இந்த சகுனிகளின் சதித்திட்டத்தை நிறைவேற்றவா?

சரி

வாக்குமூலம் கொடுத்தவர் கடல் புலிகள் எனில்

ஏன் நாங்கள் கடல்புலிகள்தான் என்பதற்கான ஆதாரங்களைச் சொல்லவில்லை. அவர்களுக்கென அடையாள அட்டை இருக்குமே? அதனைத்தான் கடலில் தூக்கி எறிந்திருந்தாலும் தங்களுக்கான இயக்கப் பெயர், எண்கள் இருக்குமே? அதனையும் "கஸ்டடியில்" மறந்து விட்டார்களா? சொல்லிக் கொடுத்த வாத்திமார் மறந்துவிட்டாரா?

சரி

ஏப்ரல் 12 ஆம் நாள் வாக்குமூலம் கொடுத்தோர் கைது செய்யப்பட்ட செய்தி தமிழக ஏடுகளில் வெளிவருகிறது

ஏப்ரல் 13 ஆம் நாள் அவர்கள் தமிழர்கள் என்றும் மீனவர்கள் என்றும் புகைப்படங்களுடன் வெளிவருகிறது.

இவர்கள் விடுதலைப் புலிகள் எனில் விடுதலைப் புலிகளின் தலைமைக்கு இது தெரியாமல் இருக்குமா?

அல்லது

இவர்கள் தமிழ்நாட்டில் கைது செய்யப்பட்டதனைத் தெரிந்து கொண்டும்

ஆமாம், கடத்தப்பட்ட மீனவர்கள் எங்களது கஸ்டடியில்தான் இருக்கிறார்கள் என்று "போன் மூலம்" தமிழக காவல்துறை கஸ்டடியில் இருந்தவர்களிடம் ஒப்புதல் வாக்குமூலம் கொடுத்தார்களா? கஸ்டடியில் இருந்தவர் போன்மூலம்தான் முகாமில் இருந்தோரைத் தொடர்பு கொண்டதாக தமிழகக் காவல்துறை தலைவர் முகர்ஜியின் அறிக்கைதான் கூறுகிறது.

தற்போது திரும்பி வந்துள்ள மீனவர்கள் கூறுகிறார்கள், தாங்கள் அடர்ந்த காட்டுப் பகுதியில்- சாப்பாடு கூட எடுத்து வர முடியாத ஒரு பகுதியில் தங்க வைக்கப்பட்டிருந்தோம் என்றும் சிறை போன்ற முகாம் என்றும் வீடு போன்ற பகுதி என்றும் கூறுகின்றனர்.

தமிழகக் காவல்துறை வலுவான நெட்வேர்க்கில்தான் உள்ளது போல்....

இப்படியான இடங்களுக்கு சிறிலங்கா அரசாங்கமும் தொலைபேசி வசதி செய்தி கொடுக்கிறது போல்-

தற்போது மீனவர்கள் திரும்பிவிட்டனர்.

பெறப்பட்ட வாக்குமூலத்தின் அடிப்படையிலேயே திரும்பிய மீனவர்கள் சொல்ல வேண்டும் என்பதற்காக கரை சேர்ந்த உடனேயே ஊடகத்தாரைக் கூட்டி அங்கேயே புலிகளை அம்பலப்படுத்தாமல் சென்னைக்கு வரவழைத்து சென்னையிலும் கரையிலும் யாரிடமும் பேசவிடாமல் கடைசியாக மீண்டும் ஒரு வாக்குமூலத்தை சொல்ல வைத்திருக்கிறார்கள்.

சிங்களக் கைதிகள் சொல்லாத ஒரு அபாண்டத்தை தமிழக மீனவர்கள் மூலம் காவல்துறை சொல்ல வைத்திருக்கிறது.

புலிகளின் பிடியில் சிக்கிக் கொண்ட கைதிகள் எவரேனும் ஒருவராவது புலிகள் மீது குற்றம் சுமத்தியது உண்டா?

தங்களை நடத்திய விதம் குறித்து குறை கூறியது உண்டா?

பிரிந்து செல்லும்போது கொடுத்த பேட்டிகள் எத்தனை எத்தனையோ வெளியாகி உள்ளன. ஒன்றிலாவது ஒரு குறையாவது சொல்லப்பட்டது உண்டா?

திரும்பிய தமிழக மீனவர்கள் சொல்லியிருப்பதாக இன்று வெளியான செய்தியில் சிரிக்காமல் சிந்திப்பதற்காக நீங்கள் படிக்க வேண்டிய வரிகள்:

"ஹெல்மட் அணிந்து முகத்தை முற்றும் மறைத்துக் கொண்டு ஒருவர் எங்களை சந்தித்து உங்களை விரைவில் கேரள கடற்பகுதியில் கொண்டு போய் விடுகிறோம் என்று கூறினார். வானூர்தியில் சென்று பார்வையிட்டு வருவதாக கூறி சென்றார்."

என்னது கேரள கடற்பகுதியை விடுதலைப் புலிகள் வானூர்தியில் சென்று பார்வையிட்டனர்.

கேரள கடற்கரை பகுதி இருப்பது அரபிக் கடல் என அறிந்திருக்கிறோம்.

விடுதலைப் புலிகள் இருப்பது வங்கக் கடல் என அறிந்திருக்கிறோம்.

வங்கக் கடலுக்கும் அரபிக் கடலுக்கும் இடையே மன்னார் கடலில் "பாரிய" படைபலம் பொருந்திய இந்தியப் பேரரசின் கடற்படை உள்ளது.

அன்னியக் கொள்வனவுகளால் கொழுத்துக் கிடக்கும் சிங்களக் கடற்படை உள்ளது.

இரு நாட்டு கடற்படைகளின் கண்ணில் மட்டுமல்ல- வான்படையின் கண்ணிலும் மண்ணைத் தூவி அரபிக் கடலில் உள்ள கேரள கடற்கரைப் பகுதியை புலிகள் பார்வையிட்டுள்ளனர்.

அத்துடன் நிற்கவில்லை விடுதலைப் புலிகள்

வங்கக் கடல் தாண்டி

அரபிக் கடலை தொட்ட விடுதலைப் புலிகள்

இந்துமா சமுத்திரத்தையும் விட்டுவைக்கவில்லை.

ஆம்.

"மீண்டும் வந்த போது தமிழக கடல் பகுதியிலேயே உங்களை விட்டுவிட ஏற்பாடு செய்யப்பட்டிருக்கிறது என்று கூறினார்கள். எங்களுடைய டிரைவர் (மலையாளி சைமன்) எங்கே என்று கேட்டோம். அவரை ஏற்கனவே படகில் அனுப்பி வைத்து விட்டோம். நீங்கள் கரைக்கு சென்ற பிறகு உங்களை அவர் சந்திப்பார் என்று கூறினார்கள். ஆனால் அவர் மாலைதீவு கடற்படையினரிடம் இருப்பதாக காவல் துறையினர் தெரிவித்தனர். நேற்று முன்தினம் இரவு இராமேஸ்வரம் நடுக்கடலில் எங்களை மீனவர்களிடம் ஒப்படைத்தார்கள்"

இதில் எங்கே மாலைதீவு வந்தது?

புலிகள் எப்படி மாலைதீவில் இயங்குகிறார்கள்?

மாலைதீவானது

வங்கக் கடலிலும் இல்லை

அரபிக் கடலிலும் இல்லை

இந்துமா சமுத்திரத்தில்

அமெரிக்கா- இந்தியா- பிரித்தானியா- சிறிலங்காவின் கூட்டுக் கண்காணிப்பு வலயத்தில் உள்ள பிரதேசம்.

அமெரிக்காவுக்கு அங்கே என்ன வேலை என்று கேட்காதீர்கள்

தெற்காசியாவில் காலூன்றுவதற்காக பிரித்தானியாவிடமிருந்து பெற்ற டிகாகோ கார்சிகோ தீவு மாலைதீவுக்கு கீழேதான் உள்ளது.

புளொட் அமைப்பைக் கொண்டு 1989-களில் அங்கு சதி நடத்திய இந்தியாவின் றோவுக்கு எப்போதும் மாலைதீவு மீது "காதல்" உண்டு.

அதற்கும் அப்பால்

மாலைதீவு அருகே மூழ்கடிக்கப்பட்ட கப்பலில் இருந்தோர் பேசியது தமிழ் அல்ல- மலையாளம் என்று அந்நாட்டு அரசாங்கமே அறிவித்துவிட்ட நிலையில்

மாலைதீவு பகுதியில் எமது இயக்கத்தின் செயற்பாடு இல்லை என்று தமிழீழ விடுதலைப் புலிகள் அறிவித்துவிட்ட நிலையில்

தமிழக முகர்ஜிவாலாக்களுக்குத்தான் என்னே அறிவு! அடம்பிடிக்கிறார்களே!

தெளிவாகச் சொல்கிறோம்

இந்தக் கடத்தலின் பிதாமகனே இந்திய றோதான்.

இலங்கைத் தமிழர் பிரச்சனையில் அனைத்துலகத்தின் அனுசரணையைப் பெறுவதற்கான ஒருநிலைப்பாட்டை இந்திய அரசு எடுக்க விடாமல் தமிழகத்தின் புலிகள் ஆதரவு நீடித்து நிற்கிறது. தமிழக அரசும் அதற்கேற்ப ஈழத் தமிழர் ஆதரவு நிலையிலேயே உள்ளது. அத்துடன் ஒட்டுமொத்தமாக மத்திய ஆளும் அரசை தன் கட்டுப்பாட்டில் வைத்திருக்கும் கருணாநிதிக்கு வேட்டு வைக்க திட்டமிட்டு நடத்தப்பட்ட அரசியல்- காவல்துறை நாடகம்தான் இது.

தமிழக காவல்துறை கருணாநிதியின் கையில் இருந்தாலும்

தமிழகத்தில் பால்ரசு குண்டு கைதுகள் முதல் கஸ்பாரின் சங்கமம் வரையான அனைத்து புலிகள் தொடர்பான பிரச்சனையில் எம்.கே.நாராயணன் தலையிட்டுக் கொண்டிருப்பதையும் அதனை தடுக்க முடியாமல் தமிழகக் காவல்துறை பணிந்தாக வேண்டிய "இந்திய அரசியல் கட்டமைப்பு" இருக்கிறது. இது இந்திய அரசியல் அவதானிகளுக்கும் ஊடகத்தாருக்கும் அறிந்த விடயம்தான்.

அந்த எம்கே.நாராயணன் கேரளத்தைச் சேர்ந்தவர் என்பதால் முல்லைப் பெரியாறு அணை விவகாரத்திலும் தமிழகத்துக்குத் துரோகம் இழைப்பவர்தான் என்பதை தமிழகம் நன்கறியும். இப்போது நடந்துள்ள கடத்தல் நாடகத்தில் "கப்டன்" பாத்திரம் வகித்தவர் கேரளத்தைச் சேர்ந்த சைமன் என்பதை நினைவில் கொள்வோம்.

தமிழக மீனவர்களை புலிகள் கடத்திச் சென்றதாக ஒரு நாடகத்தை அரங்கேற்றிவிட்டு

அரசியல் ரீதியாக

தமிழக சட்டப்பேரவையில் காங்கிரஸ் கட்சியின் ஞானசேகரனைக் கொண்டு கடத்தியது புலிகள்தான்- சுட்டது புலிகள் என்று தொடர்ச்சியாக கேட்க வைத்துவிட்டு

அதன் மூலம் கருணாநிதிக்கு ஒரு நெருக்கடியை உருவாக்கியது இந்திய உளவுத்துறை.

(ஞானசேகரனுக்கு நெருங்கிய நண்பர் யார் தெரியுமா? இராமநாதபுரம் காங்கிரஸ் சட்டப்பேரவை உறுப்பினர் ஹசன் அலி. ஹசன் அலியைப் பற்றி நக்கீரன் வாரமிருமுறை இதழ் வெளியிட்ட விவரம் என்னவெனில் "மகிந்தவுக்கு நெருக்கமானவர்- ஈழத் தமிழ் அகதிகளை மிகக் கேவலமாக நடத்தியவர் என்பதுதான்)

இந்திய உளவுத்துறைக்கு பணிந்தாக வேண்டிய தமிழகக் காவல்துறையும் வாக்குமூல வசனங்களை விட்டுக் கொண்டிருக்கிறது.

எத்தனை பொய்யை அவிழ்த்து

எத்தனை அவதூறுகளை அள்ளி வீசினாலும்

"தானாடாவிட்டாலும் தசையாடும்" எங்களின் தொப்புள் கொடி உறவைத் துண்டிக்க எந்த வல்லூறாலும் முடியவே முடியாது.
நன்றி>புதினம்.

போர்விமானம் மிக் 27 புலிகளால் சுடப்படும் காட்சி!

போர்விமானம் மிக் 27 சுடப்படும் காட்சியை பார்க்க இங்கே அழுத்தவும்.
http://www.pathivu.com/?ucat=sirappu_paarvai&file=130507

சிங்கக்கொடியை ஏற்றிவாறு சென்ற இழுவைப் படகு மாலைதீவுக் கடற்பரப்பில் மூழ்கடிப்பு!

மாலைதீவு தென்கடற் பிரதேசத்தில் பயணித்த இழுவைப் படகு ஒன்று மூழ்கடிக்கப்பட்டுள்ளது. நேற்று மாலை சிறீலங்கா கடற்படையினர் வழங்கிய தகவலின் அடிப்படையில் மாலைதீவு தென் கடற்கரை ஓரத்தில் சென்றுகொண்டிருந்த இழுவைப் படகை வழிமறித்த மாலைதீவு கரையோரக் காவல் கடற்படையினர் 12 மணி நேரம் இழுவைப் படகை முற்றுகைக்குள் வைத்துள்ளனர்.

இதன்பின்னர் இழுவைப் படகை மாலைதீவின் கடலோரக் காவல்படையினர் பீரங்கிவேட்டுக்களைத் தீர்த்து மூழ்கடித்ததோடு படகில் இருந்து ஜவரைக் கைது செய்துள்ளனர்.

கைது செய்யப்பட்டவர்கள் தென்னிந்தியாவைச் சேர்தவர்கள் என்றும் அவர்களில் ஒருவர் மலையாள மொழி பேசுகின்றார் எனவும் மலைத்தீவுத் தகவல்கள் தெரிவிக்கின்றன.

கைது செய்யப்பட்ட ஐவரும் விடுதலைப் புலிகளின் உறுப்பினர்களாக இருக்கலாம் எனக் குறிப்பிட்ட மாலைதீவு வெளியுறவு அமைச்சர் அகமட் அகமட் ஹெசின் தனது கூற்றை வாபஸ் பெற்றுள்ளார்.

கைதுசெய்யப்பட்டவர்களில் ஒருவரின் உரை தமிழ் மொழி போன்று இருந்ததால் முதல் விடுதலைப் புலிகள் எனச் சந்தேகிக்கப்பட நேர்ந்ததாகவும் மாலைதீவு தலைமைப் பேச்சாளர் தெரிவித்துள்ளார்.

இச்சம்பவத்துடன் தமது அமைப்பு எதுவித தொடர்பும் கொண்டிருக்கவில்லை என விடுதலைப் புலிகளின் படைத்துறைப் பேச்சாளர் இராசையா இளந்திரையன் தெரிவித்துள்ளார்.
நன்றி>பதிவு.

உலக நாடுகளின் தயவில் நாம் தங்கவில்லை – மகிந்த எள்ளிநகையாடியுள்ளார்!!!

சிறீலங்காவின் ஜகாதிபதி மகிந்தராஜபக்ஸ உலகநாடுகள் சில சிறீலங்காவிற்கான தமது உதவியை இடைநிறுத்தி மற்றும் குறைத்தது தொடர்பில் கருத்து தெரிவிக்கையில் ‘தாம் உலகநாடுகளின் தயவில் ஆட்சி செலுத்த தேவையில்லை எனவும் அவர்கள் உண்மையாக உதவி வழங்கின் ஏற்றுக் கொள்வதாகவும் அவ்வாறு இல்லை எனின் தாம் தமது வேலையை செய்வோம் என தெரிவித்துள்ளார்.

உலகநாடுகள் நிபந்தனையுடன் நிதியுதவ முன்வருமாயின் அதனை தாம் ஏற்க தயாராக இல்லை எனவும் தமது சொந்த காலில் இருந்து தமது நாட்டை அபிவிருத்திப்பணிகளை மேற்கொள்வோம் எனவும் அவர் மேலும் தெரிவித்துள்ளார்.

மனித உரிமை மீறல்கள் காரணமாக சிறீலங்காவிற்கான நிதியுதவிகளின் ஒரு தொகுதியை பிரிட்டனும், அமெரிக்காவும் இடைநிறுத்தியுள்ளன. இதேவேளை சுவீடனும், ஜப்பானும் இதனை பின்பற்ற தயாராக இருப்பதாகவும் தகவல் வெளியாகியுள்ளன.
நன்றி>பதிவு.

கருணா குழு முகாம்களை உடனே மூட மனித உரிமைகள் கண்காணிப்பகம் வலியுறுத்தல்.

சிறிலங்கா அரசாங்கப் பகுதிகளில் உள்ள இராணுவத்துடன் சேர்ந்தியங்கும் துணை இராணுவக் குழுவான கருணா குழுவின் முகாம்களை உடனே மூட வேண்டும் என்று அமெரிக்காவின் மனித உரிமைகள் கண்காணிப்பகம் வலியுறுத்தியுள்ளது.


படையணிகளில் சிறார் சேர்ப்பு குறித்து அண்மையில் ஐக்கிய நாடுகள் அவையத்தின் பாதுகாப்பு சபைக்கான செயற்பாட்டுக் குழு வெளியிட்ட அறிக்கையில் சிறிலங்கா துணை இராணுவக் குழுவினரின் செயற்பாடுகள் குறித்து விமர்சிக்கப்பட்டிருந்தது.

இது தொடர்பில் மனித உரிமைகள் கண்காணிப்பகத்தின் பிரதிநிதி ஜோ பெக்கர் தெரிவித்துள்ள கருத்து:

இலங்கையின் கிழக்குப் பகுதியில் சிறார்களை படையணிகளில் சேர்த்து வரும் கருனா குழுவின் அனைத்து முகாம்களையும் சிறிலங்கா அரசாங்கம் உடனடியாக மூடவேண்டும்.

ஆயுதம் தாங்கிய கருணா குழுவினர் அரசாங்கக் கட்டுப்பாட்டுப் பகுதிகளில் சுதந்திரமாக நடமாடுவதைத் தடுக்க வேண்டும்.

ஆட்கடத்தல்கள் மற்றும் சிறார் சேர்ப்பு தொடர்பான முறைப்பாடுகள் கிடைக்கப்பெற்றால் உடனடியாக நடவடிக்கை மேற்கொள்ள வேண்டும் என்றார் அவர்.
நன்றி>புதினம்.

சிங்களவர்களுக்குத்தான் சிறிலங்கா: அமைச்சர் சம்பிக்க ரணவக்க!

சிறிலங்காவில் சிங்களவர்கள்தான் வாழ வேண்டும் என்று சிறிலங்காவின் சுற்றுச் சூழல் அமைச்சர் சம்பிக்க ரணவக்க கூறியுள்ளார்.


மகரகமவில் நேற்று திங்கட்கிழமை நடைபெற்ற நிகழ்வில் சம்பிக்க ரணவக்க பேசியதாவது:

சிறிலங்காவில் சிங்களவர்கள் மட்டுமே இருக்க வேண்டும். சிங்களவர்கள் வரலாற்று இனம். சிங்களவர்களால்தான் இந்த சமூகம் கட்டமைக்கப்பட்டது. இங்கே இனப்பிரச்சனை ஏதும் இல்லை.

இனப்பிரச்சனை என்பதற்கான தீர்வுத் திட்டம் ஒன்றை எதிர்காலத்தில் நடைமுறைப்படுத்தினால் சிங்களவர்களின் அபிலாசைகளைப் புறக்கணிக்கக் கூடாது. அது சிங்களவர்களின் மனநிலையைக் கொண்டே உருவாக்கப்பட வேண்டும்.

தற்போதைய அரசமைப்பு முறையானது கிராம சபை நிலைக்கு மாற்றப்பட வேண்டும். சிறிலங்கா எப்போதும் ஒற்றையாட்சித் தன்மை கொண்ட அரசாங்கமாகத்தான் இருக்க வேண்டும். நாடாளுமன்ற உறுப்பினர்களின் எண்ணிக்கை 270 ஆக இருக்க வேண்டும் என்று ஜாதிக ஹெல உறுமய பரிந்துரைத்துள்ளது.

தேர்தல்களானது ஒவ்வொரு 6 ஆண்டுக்கும் ஒருமுறை நடத்தப்பட வேண்டும். நிறைவேற்று அதிகார முறை கொண்ட அரச தலைவர் அமைப்பை மாற்றியமைக்க கூடாது. அதே நேரத்தில் நீதித்துறைக்கு பதிலளிக்கக் கூடிய அரச தலைவர் பதவி அமைய வேண்டும் என்றார் அவர்.
நன்றி>புதினம்.

புலிகளா? சர்வதேசமா? மக்களே தீர்மானிப்பர்.

-சி.இதயச்சந்திரன்-

இலங்கையின் வான் பாதுகாப்பிற்கு இந்தியாவின் உதவி கோரப்பட்டுள்ளதாக செய்திகள் கசிகின்றன. விசேட தூதுவர்களின் இந்தியப் பயணம் சொல்லப்படாத செய்திகள் பலவற்றை இருபுறமும் காவிய வண்ணமுள்ளன. மீனவர் கடத்தல் தொடர்பான பிரச்சினையோடு, தமிழக எழுச்சியை மௌனமாக்கும் காரியங்கள் வேகமாக முன்னெடுக்கப்படுகின்றன.

புலிகளால் கடத்தப்பட்டதாக கூறப்படும் மீனவர்களை விடுவிக்கும் வரை, இராணுவ தளபாட உதவிகளை இலங்கைக்கு வழங்க வேண்டுமென 'தினமணி" செய்தி கூறுகின்றது.

இந்தியாவின் புதிய நிகழ்ச்சி நிரல் சீராகச் செல்லும் இவ்வேளையில், நேரடிப் பிரசன்னத்திற்கான தடையாகவிருப்பது போர் நிறுத்த ஒப்பந்தம். அவ்வொப்பந்தம் உடைவதற்கு தானொரு மூல காரணியாக இருப்பதையிட்டு சில சங்கடங்களும் இந்தியாவிற்கு உண்டு.

வான் பாதுகாப்பு என்ற போர்வையில், இலங்கையின் அழைப்பை ஏற்று உள்நுழைந்தால், விடுதலைப் புலிகளோடு மோத வேண்டுமென்கிற சூழ்நிலைக்குள் தள்ளப்படுவதோடு, சர்வதேச மத்தியஸ்தத்தால் உருவாக்கப்பட்ட ஒப்பந்தத்தை தானே மறுதலித்தது போலாகி விடுமென்கிற தர்மசங்கடமான நிலைக்குள் ஆட்படுவதும் தவிர்க்க முடியாததாகிவிடும்.

நாட்டின் பாதுகாப்பினை உறுதி செய்ய வான் தாக்குதல்கள் மேற்கொள்ளப்படுவதாகவும், தேசியப் பாதுகாப்பிற்காக ஒப்பந்தத்தை மீள் பரிசீலனை செய்ய அரசு தயங்காதென்பதையும் அரச பாதுகாப்புத்துறை பேச்சாளர் கெஹலிய ரம்புக்வெல கூறிவிட்டார்.

இந்நகர்வுகள் சகலவற்றிற்கும் பெருந்தடங்காலக விருப்பது போர் நிறுத்த கண்காணிப்புக்குழுவாகும். அவர்களையும் ஏதோவொரு வகையில் வெளியேற்றுவதற்கான சூழலை உருவாக்க வேண்டிய நிர்ப்பந்தமும் அரசிற்குண்டு.

மேற்குலக உத்தரவாதம், இந்தியாவிற்கு வழங்கப்பட்டால், அதன் உள்நுழைவு தடங்கலற்ற பாதைக்கு வழிவகுக்கும்.
அதேவேளை, மேற்குலகில் விடுதலைப் புலிகளின் மீது கொடுக்கப்படும் அழுத்தங்களும், பயங்கரவாத முத்திரை பதித்த பிரசாரங்களும் முன்னெடுக்கப்படும்போது இறுதிப் போரிற்கான ஆதரவுத் தளத்தினை உருவாக்கும் முயற்சிக்கு உந்துதலை அளிக்கின்றது.

இந்தியாவிலும், மேற்குலகிலும் விடுதலைப் புலிகளுக்கெதிரான பரப்புரைகள் அதிகரித்து, தேசிய விடுதலைப் போராட்டத்தின் நியாயத்தன்மையை மலினப்படுத்தும் நிலைப்பாடு விரிவடைவதால், போர் நிறுத்த ஒப்பந்தத்தை இலங்கை அரசாங்கம் செயலிழக்கச் செய்தாலும், அது பற்றிக் கண்டும் காணாதது போன்ற போக்கினை இவ்விரு சக்திகளும் கடைப்பிடிக்கலாம்.
அதை நியாயப்படுத்தும் கருத்துருவாக்கத்தை தமது திட்டமிட்ட பரப்புரை ஊடாக இருவரும் உருவாக்குகிறார்கள்.

மேற்குலகின் நிகழ்ச்சி நிரலும், விடுதலைப் புலிகளைப் பலவீனமாக்கி, படைவலுச் சமநிலை சீர்குலைக்கப்பட வேண்டுமென்பதை மையமாகக் கொண்டே வகுக்கப்பட்டுள்ளதை சமகால நிகழ்வுகள் புலப்படுத்துகின்றன.

போர் நிறுத்த ஒப்பந்தம் அமுலில் உள்ள காலத்தில், அரசு கிழக்கில் மேற்கொள்ளும் படை நகர்வுகளையிட்டு மேற்குலகமானது அசமந்தப் போக்கை கடைப்பிடிப்பதை சகலரும் உணர்வர்.

அதேவேளை பேச்சுவார்த்தை மேசைக்கு விடுதலைப் புலிகள் வர மறுக்கிறார்களென்கிற அரசின் பரப்புரையை, தமது கருத்தாக, எதிரொலிக்கும் காரியத்தையும் மேற்குலகம் செய்கிறது. அரசின் இராணுவ அத்துமீறல்களைப் பற்றி விமர்சிக்காமல், ஆயுதக்குழுக்கள் மீது கண்டனங்களைத் தொகுப்பதோடு தமது கடமை முடிந்துவிட்டதென ஒதுங்கிக்கொள்வதையும் இவர்கள் விரும்புகிறார்கள்.

ஆகவே, புலம்பெயர் தமிழ் மக்கள் வாழும் நாடுகளில் தமது அடுத்த நகர்வுகளை மேற்குலகம் மேற்கொள்ளும் வேளையில், இலங்கையில் ஏற்படும் மாற்றங்களூடாகத் தனது பிரசன்னத்தை வெளிப்படுத்த இந்தியா முயற்சிக்கிறது.

வான்புலிப் பிரவேசத்தால், இலங்கையின் அரசியல் பொருளாதார ஸ்திரத்தன்மை அதீத கலங்கல் நிலைக்குள்ளாவதால், பொருள் வளமீட்டும் கேந்திர நிலையங்களுக்கு சமீபமாகவுள்ள இராணுவ நிலைகளை இடம்மாற்றும் நிர்ப்பந்தத்திற்குள்ளாகி சில அதிரடி நகர்வுகளை அரசு முடுக்கிவிட்டுள்ளது.

இந்நிலையில், தெற்கு மற்றும் மத்திய ஆசியாவிற்கான அமெரிக்க உதவி இராஜாங்கச் செயலர் ரிச்சர்ட் பௌச்சர் இலங்கைக்கு விஜயமொன்றை மேற்கொண்டு யாழ். குடாவிற்கும் சென்று திரும்பியுள்ளார்.

இணைத்தலைமை நாடுகளின் பிரதிநிதிகள் கூட்டம் கொழும்பில் கூடுவதற்குமுன், இந்தியப் பிரதமரைச் சந்திக்க ஜனாதிபதியின் செயலர் லலித் வீரதுங்க டெல்லிக்கு விரைந்துள்ளார்.

இதேவேளை மோசமடையும் இலங்கை நிலைவரம் குறித்து கடந்த திங்களன்று, மன்மோகன் சிங்குடன் தொலைபேசியில் உரையாடலை நிகழ்த்தியுள்ளார் அமெரிக்கா அதிபர் ஜோர்ஜ் புஷ். ஜனாதிபதி மஹிந்தவின் விசேட செய்தி குறித்தே இவ்விருவருக்குமிடையே உரையாடல் அமைந்திருக்க வாய்ப்புண்டு.

அச்செய்தி குறித்து இந்தியாவின் நிலைப்பாடு என்னவென்பதை அறிய வேண்டிய தேவையும் அமெரிக்காவிற்கு உண்டு. நிலைமை மோசமடைவதால் தனது உள்நுழைவிற்கான நகர்விற்கு தடையாகவுள்ள ஒப்பந்தம் மற்றும் கண்காணிப்புக்குழு பற்றிய வெளிப்படுத்தலையும் மிகவும் சாதூரியமாகவும் இந்தியா புரிய வைத்திருக்கும்.

போரின் உக்கிரத்தை தணிப்பதற்கு பேச்சுவார்த்தை மேடையைத் தயார்படுத்த வேண்டுமென்று இணைத்தலைமைகள் விரும்பினாலும், 'மாவட்ட சபை"ப் பேச்சு அதற்கான சிறிதளவு நம்பிக்கையையும் தகர்த்து விட்டதென்பதே பெருங்கவலையாக மாறிவிட்டது.

ரிச்சர்ட் பௌச்சரின் குடாநாடுப் பயணத்தின் போதும், வன்னியின் மீது விமானத்தாக்குதல் தொடர்ந்துள்ளது. யாழ். மக்களின் மனநிலையை முகர்ந்து பார்த்து, புலி ஆதரவு தளத்தின் வீரியத்தை புரிந்து கொள்ள முயற்சித்த பௌச்சரின் எதிர்பார்ப்பிற்கு, ஒருங்கிணைந்த சக்தியாகத் திரண்டுள்ள மக்களின் உள உரண், தடுமாற்றத்தை அளித்திருக்கும்.

விடுதலைப் புலிகளின் ஆளணி, படைவலு வினை பூரணமாக அறியமுடியாமலிருப்பது போன்றே, தாயக மக்களின் ஆழ்மனதில் இறுக்கப்பட்டள்ள விடுதலை உணர்வினையும் இவர்களால் இலகுவில் அளக்க முடியாதுள்ளது.

போர் நிறுத்த ஒப்பந்தம் குறித்து இலங்கையில் வாழும் எந்த இனக் குழுவிற்கும் நம்பிக்கையும் இல்லை. எதிர்பார்ப்பும் கிடையாது. கண்காணிப்புக் குழுவின் மௌனத்தோடு, ஒப்பந்தமும் மரணித்துவிட்டது. வெற்றுக் காகிதங்களைக் காவித்திருந்து குடாநாட்டினுள்ளும் வியாபாரம் செய்ய முடியவில்லை. இந்தியாவின் அடுத்தகட்ட தீர்மானகரமான நகர்விற்கு முன்பாக, அமெரிக்க குழுவினர் தமது காய் நகர்த்தலை சடுதியாக ஆரம்பித்துள்ளனர்.

பேசியே தீர்க்க முடியுமென்கிற மந்திரப் போர்வையின் பின்னால் ஒளிந்த படி, தமக்குள் வெட்டி ஓடும் தந்திரநகர்வுகளை மேற்குலகமும் இந்தியாவும் அரங்கேற்றுகின்றன. ஆனாலும், தமிழ்த்தேசிய இனத்தின் பிறப்புரிமையான தாயகம், தன்னாட்சி போன்ற அடிப்படைக் கோட்பாடுகளை பெருந்தேசிய இனம் அங்கீகரிக்கப் போவதில்லையென்பதே யதார்த்தம்.

மாவட்ட சபைதான் தீர்வென்றால், பிரிந்து செல்வதே மாற்று வழியாக இருக்கும். தமிழ்மக்களின் எதிர்கால வரலாற்றை புலிகள் இயக்கமா, சர்வதேசமா தீர்மானிக்கு மென்பது குறித்து அம்மக்களே முடிவெடுப்பர்.

நன்றி: வீரகேசரி வாரவெளியீடு (13.05.07)

யாழ் பல்கலைக்கழகத்தில் 270 பேருக்கு மரண தண்டணை வழங்கப்படும்!!!

- நாட்டைக் காக்கும் தேசிய அமைப்பு-

யாழ்ப்பாணம் பல்கலைக்கழக மாணவர்கள் மற்றும் விரிவுரையாளர்கள் ஊழியர்களுக்கு உயிர் அச்சுறுறுத்தல் விடுத்து துண்டுப் பிரசுரம் ஒன்று யாழ்ப்பாணம் பல்கலைக்கழக வளாகத்தில் நேற்றிரவு ஒட்டப்ட்டுள்ளது.

நாட்டைக்காக்கும் தேசிய அமைப்பு என்ற பெயரில் வெளியிடப்பட்டள்ள இந்த துண்டுப் பிரசுரத்தில் யாழ்ப்பாணம் பல்கலைக்கழகத்தின் துறைசார்ந்த முறையில் எண்ணிக்கை ரீதீயாக கொலை செய்யப்படுவார்கள் எனவும் எச்சரிக்கை செய்யப்பட்டள்ளது.

இதனைத் தொடர்ந்து மாணவர்கள் பெரும் பதட்டத்திற்கு உள்ளாகியுள்ளதுடன் வகுப்புக்களையும் இன்று பகிஸ்கரித்துள்ளார்கள்.
நன்றி>பதிவு.

சிறிலங்காவுக்கான உதவிகளை வேறு நாடுகளும் நிறுத்தலாம்?

சிறிலங்கா அரசாங்கம் சிறுபான்மைத் தமிழர்களுடன் அதிகாரத்தைப் பகிர்ந்துகொள்ளத் தவறியமை மற்றும் சட்டவிரோதப் படுகொலைகளை நிறுத்துவதற்குத் தவறியதன் காரணமாக அந்த நாட்டுககான நிதி உதவியை மேலும் பல நாடுகள் இடைநிறுத்திக்கொள்ளலாம் என இராஜதந்திர வட்டாரங்களும், அதிகாரிகளும் தெரிவித்துள்ளனர்.


அமெரிக்காவும், பிரித்தானியாவும் சிறிலங்காவுக்கான தமது நிதி உதவியில் ஒரு பகுதியைத் தடுத்து வைத்திருக்கும் அதேவேளையில் மேலும் பல நாடுகள் இதனைப் பின்பற்றலாம் என அனைத்துலக செய்தி நிறுவனமான ஏ.எஃப்.பி. தெரிவித்திருக்கின்றது.

இது தொடர்பில் அந்த செய்தி நிறுவனத்தின் அறிக்கையில் மேலும் முக்கியமாகக் குறிப்பிடப்பட்டிருப்பதாவது:

சிறிலங்காவுக்கான நிதி உதவியை மனித உரிமை விவகாரத்துடன் தொடர்புபடுத்துமாறு கோரும் மனித உரிமை ஆர்வலர்களுடன் ஜப்பான் பேச்சுவார்த்தைகளை மேற்கொள்ளவுள்ளதாக இராஜதந்திரி ஒருவர் தெரிவித்திருக்கின்றார்.

சிறிலங்காவுக்கு ஜப்பானே அதிகளவு நிதி உதவிகளை வழங்கி வருகின்றது என்பது குறிப்பிடத்தக்கது. சிறிலங்கா விவகாரத்தில் மேலும் அதிகளவு பங்களிப்பை வழங்குமாறு அனைத்துலக மனித உரிமை அமைப்பு ஜப்பானைக் கேட்டிருக்கின்றது.

சிறிலங்கா அரசு மனித உரிமை மீறல்களை முடிவுக்குக் கொண்டுவர வேண்டும் என்பதற்கான அழுத்தத்தை கொடுக்கும் முன்னணிப் பங்களிப்பை ஜப்பான் மேற்கொள்ளும் என எதிர்பார்ப்பதாக அனைத்துலக மனித உரிமைகள் கண்காணிப்பு அமைப்பு தெரிவித்திருக்கின்றது.

சிறிலங்காவுக்கு உதவி வழங்கும் சமூகத்தின் கவலையை அமெரிக்கப் பிரதி வெளிவிவகார அமைச்சர் ரிச்சர்ட் பெளச்சரும் தன்னுடைய கொழும்புப் பயணத்தின் போது வெளிப்படுத்தியிருந்தார்.

மக்கள் மேலும் அச்சமடைந்துள்ளனர். அதிகளவு நெருக்கடிகளை அவர்கள் எதிர்கொள்வதாக அவர் குறிப்பிட்டிருந்தார். சிறிலங்காவின் மனித உரிமை நிலைமையில் ஒட்டுமொத்தமான வீழ்ச்சி ஏற்பட்டுள்ளது என்பதையும் அவர் சுட்டிக்காட்டியிருந்தார். 700-க்கும் அதிகமானவர்கள் காணாமல் போன யாழ்ப்பாணக் குடாநாட்டுக்கும் பெளச்சர் பயணம் செய்திருந்தார்.

அதேவேளையில், சிறிலங்காவின் தற்போதைய நிலைமை தொடர்பாக பிரித்தானிய நாடாளுமன்றத்தில் விவாதிக்கப்பட்டதுடன், அனைத்துலக மனித உரிமை கண்காணிப்பு குறித்து வேண்டுகோள்களும் விடுக்கப்பட்டன. ஜேர்மனியைத் தொடர்ந்து சில வாரங்களுக்கு முன்னர் பிரித்தானியாவும், சிறிலங்காவுக்கான தனது உதவிகளைக் குறைத்துக்கொண்டிருக்கின்றது.
நன்றி<புதினம்.

விடுதலைப் புலிகளிடம் 17 வானூர்திகள்: கொழும்பு ஊடகம்.

தமிழீழ விடுதலைப் புலிகளிடம் 17 வான் தாக்குதல் வானூர்திகள் உள்ளதாகவும் அவற்றில் சில மிகவும் சக்தி வாய்ந்தவை எனவும் கொழும்பு ஊடகம் ஒன்று தெரிவித்துள்ளது.

ஜீனியர் விகடன் வெளியிட்ட விமானங்களின் படம்http://kalamm.blogspot.com/2007/05/blog-post_4170.html

கொழும்பு ஊடகத்தின் செய்தியில் தெரிவிக்கப்பட்டுள்ளதாவது:

விடுதலைப் புலிகள் வசம் பல்வேறு வகையான 17 வானூர்திகள் உள்ளன அவற்றில் சில வானூர்திகள் மிகவும் சக்தி வாய்ந்தவை. அவர்கள் இலகு ரக வானூர்திகளின் புகைப்படங்களையே வெளியிட்டுள்ளனர். தங்கள் வசமுள்ள வலுவான வானூர்திகளின் புகைப்படங்களை வெளியிடவில்லை. இந்த வலிமை மிக்க வானூர்திகளை பெரும் சமர்களின் போது பயன்படுத்துவதற்காக பின்னிருப்பாக பேணி வருகின்றனர்.

விடுதலைப் புலிகளின் வான் தாக்குதல் சிறிலங்காவின் பொருளாதாரத்தை ஆட்டம் காண வைத்துள்ளது என்பதில் மாற்றுக் கருத்து இல்லை. மேலும் சில வான் தாக்குதல்களை அவர்கள் நடத்தும் பட்சத்தில் பொருளாதாரம் அதாள பாதாளத்திற்கு சென்றுவிடும். இது போரை நடத்துவதற்கு அரசு பணத்தை அச்சிடும் நிலையை ஏற்படுத்தும்.

கிழக்கில் படையினரின் வெற்றி தொடர்பாக அரசு கலர் கலரான பிரச்சாரங்களை மேற்கொண்டிருந்த வேளை. போரை 2 அல்லது 3 வருடங்களுக்குள் முடித்துவிடலாம் என பாதுகாப்பு அமைச்சின் செயலாளர் கோத்தபாயா ராஜபக்ச கூறியிருந்தார்.

ஆனால் அவரது கூற்றை வான்புலிகள் தலைகீழாக்கி விட்டனர். அரசு போரின் செலவை தாங்குமா என்ற கேள்வியும் தற்போது எழுந்துள்ளது என்று அதில் தெரிவிக்கப்பட்டுள்ளது.
நன்றி>புதினம்.

பொங்குதமிழ் நிகழ்வில் கலந்துகொண்ட புத்தபிக்கு சுட்டுக்கொலை!

இன்று காலை 9.15 மணியளவில் திருகோணமலை மொறவாவி மாகவிதுலவாவிப் பகுதியில் தமிழ்த் தேசியத்திற்கு ஆதரவாக குரலெழுப்பிய புத்தபிக்கு ஒருவர் சிறீலங்காப் படைப் புலனாய்வாளர்களினால் சுட்டுப்படுகொலை செய்யப்பட்டுள்ளார்.

சிறீலங்காப் படைப்புலனாய்வாளர் பிரார்த்தனையில் ஈடுபட்ட பெளத்த துறவி மீது துப்பாக்கிச் சூட்டை நடத்திவிட்டுத் தப்பிச் சென்றுள்ளனர். துப்பாக்கிச் சூட்டுக்கு இலக்காகி கொல்லப்பட்ட புத்தபிக்கு நந்தரத்னதேரோ ( NANDARATHNA THERO ) என அடையாளம் காணப்பட்டுள்ளார்.

படுகொலை செய்யப்பட்ட புத்தபிக்கு திருமலையில் 2005ம் ஆண்டு நடைபெற்ற பொங்குதமிழ் எழுச்சி நிகழ்வில் கலந்துகொண்டு தமிழ் தேசியத்திற்கு ஆதரவாரக தமிழில் உரையாற்றியதோடு, பொங்குதமிழ் பிரகடனத்திற்கும் ஆசி வழங்கியிருந்தார் என்பது குறிப்பிடத்தக்கது.

இவருக்கு சிறீலங்கா படைப்புலனாய்வாளர்ளாலும் சிங்களக் காடையர்களாலும் கொலை அச்சுறுத்தல்கள் ஏற்கனவே விடுதிருந்த நிலையில் இவர் இன்று சுட்டுக்கொல்லப்பட்டுள்ளார்.
நன்றி>பதிவு.