புலிகளிடமிருந்து 32 ஆயிரம் இராணுவத்தினரை காப்பாற்றியது இந்தியாதான்!!!

தமிழீழ விடுதலைப் புலிகளின் வீரம் செறிந்த ஆனையிறவுச் சமரின் போது யாழ். குடாநாட்டுக்குள் சிக்கிக் கொண்ட 32 ஆயிரம் சிறிலங்கா இராணுவத்தினரை இந்தியாதான் காப்பாற்றியது என்று யாழ். தளபதிகளில் ஒருவராக இருந்த மேஜர் ஜெனரல் ஜனக பெரேரா தெரிவித்துள்ளார்.


கொழும்பு ஆங்கில ஊடகம் ஒன்றுக்கு நேர்காணல் அளித்துள்ள அவர் கூறியுள்ளதாவது:

யாழ்ப்பாணமும் விடுதலைப் புலிகளும்

சூரியக்கதிர் நடவடிக்கைக்கு முன்னர் 1995 ஆம் ஆண்டு ஜுன் 7 ஆம் நாள் படையினர் முன்நோக்கி பாய்தல் நடவடிக்கையை ஜெனரல் தளுவத்தை, ஜெனரல் வீரசூரியா ஆகியோர் மேற்கொண்டிருந்தனர். அதனை விடுதலைப் புலிகள் முறியடித்திருந்தனர். இது விடுதலைப் புலிகளின் உளவுறுதியை அதிகரித்திருந்தது.

1995 ஆம் ஆண்டு மணலாறு மீது விடுதலைப் புலிகள் தாக்குதல் நடத்தப் போவதாக எமக்கு கிடைத்த தகவல்களை தொடர்ந்து சிறப்பு படையினரை அனுப்பி வைக்குமாறு பாதுகாப்புத் தரப்பை கேட்டிருந்தேன். ஆனால் விடுதலைப் புலிகளின் இலக்கு பூநகரி அல்லது ஆனையிறவு தான் என கூறியதுடன் படையினரை அனுப்ப மறுத்துவிட்டனர்.

விடுதலைப் புலிகள் தாக்கினால் படையினரை அனுப்புவதாக ஜெனரல் தளுவத்தை தெரிவித்திருந்தார். விடுதலைப்புலிகள் தாக்குதலை தொடுப்பதற்கு முன்னரே எனக்கு படையினர் தேவை அதற்கு பின்னர் அல்ல என நான் தெரிவித்திருந்தேன்.

சூரியக்கதிர் நடவடிக்கை ஜெனரல் நீல் டயஸ், கருணாதிலக ஆகியோரின் தலைமையில் தொடங்கி கோப்பாய் வரை சென்ற நிலையில் இருந்தது. விடுதலைப் புலிகளின் தாக்குதலை அவர்களால் எதிர்கொள்ள முடியவில்லை. விடுதலைப் புலிகளின் ஏவுகணையினால் எமது 3 வானூர்திகள் அழிக்கப்பட்டிருந்தன. அந்த சமயத்தில் காயப்பட்ட படையினரை அகற்றுவது, ஆயுதங்களை நகர்த்துவது என்பன மிகவும் கடினமாக இருந்தது. எனவே நடவடிக்கையை நிறுத்துவதற்கு முடிவெடுக்கப்பட்டது. இந்த சமயத்தில் தளுவத்தை எனது கருத்துக்களை கேட்டார்.

நான் எனது பிரிக்கேட் தளபதிகளுடன் ஆலோசனை நடத்தி விட்டு தெரிவிப்பதாக கூறினேன். பின்னர் நடவடிக்கையை மேற்கொள்ள சம்மதித்தேன். தளுவத்தை அதற்கு அனுமதி அளித்தார். விடுதலைப் புலிகளால் பொறிவெடிகள், கண்ணிவெடிகள் வீதிகள், வீடுகள் என்பவற்றில் புதைக்கப்பட்டிருந்தன. அதுவே எமக்கு பெரும்சவாலாக இருந்தது. நாம் கொழும்புத்துறையை கைப்பற்றுவததை நாம் முதன்மையாக கொண்டிருந்தோம்.

விடுதலைப் புலிகளின் தாக்குதலினால் எமது நடவடிக்கை தடைப்பட்டது, அவர்களுக்கு எமது திட்டம் ஏற்கனவே தெரிந்து விட்டது. எனவே எமது திட்டத்திற்கு மேலதிக நேரம் தேவைப்படுவதாக நான் எனது மூத்த அதிகாரிகளிடம் தெரிவித்திருந்தேன். அவர்கள் நான் நடவடிக்கையை தொடர விரும்பவில்லை என சந்திரிகாவிடம் தெரிவித்திருந்தனர்.

என்னுடன் தொலைபேசியில் தொடர்புகொண்ட சந்திரிகா அது தொடர்பாக விசாரித்தார். நவம்பர் 26 ஆம் நாள் பிரபாகரனின் பிறந்த தினத்திற்கு முன்னர் யாழ்ப்பாணம் கைப்பற்றப்பட வேண்டும் என அவர் என்னிடம் தெரிவித்தார். நாம் அவசரமான நடவடிக்கைகளில் இறங்கினால் பெரும் சிக்கலை எதிர்கொள்ள வேண்டி ஏற்படும் என நான் அவருக்கு விளக்கினேன். நான் நன்றாக திட்டமிட்ட நடவடிக்கை மூலம் யாழ்பாணத்தை கைப்பற்றுவேன் என அவரிடம் தெரிவித்தேன்.

இரண்டு நாட்களின் பின்னர் என்னை தொடர்பு கொண்ட சந்திரிகா நடவடிக்கைகள் தொடர்பாக விசாரித்தார். நடவடிக்கை தொடர்வதாகவும் வெற்றியின் பின்னர் தெரிவிப்பதாகவும் நான் அவரிடம் தெரிவித்தேன்.

முன்னாள் பாதுகாப்புத்துறை மேலதிகாரிக்கு அதில் நம்பிக்கை ஏற்படவில்லை. நவம்பர் 30 ஆம் நாள் எனக்கு தூக்கம் வரவில்லை. எனக்கு ஏதும் நடந்துவிட்டால் எனது பிள்ளைகளின் நிலை குறித்து கவலை அடைந்தேன். பின்னர் டிசம்பர் 1 ஆம் நாள் யாழ். நகரம் மீதான தாக்குததலை தொடங்கினோம்.

விடுதலைப் புலிகள் சுற்றிவளைத்து தாக்கினார்கள். மோட்டார் தாக்குதலில் கேணல் ஜுவ் காயமடைந்தார். கட்டளை அதிகாரி காயமடைந்ததாக மேஜர் சன்னா வெடுகே எனக்கு தெரிவித்தார். அவரை நான் பார்த்துக் கொள்வதாகவும் நடவடிக்கையை தொடரும்படியும் நான் அவருக்கு கூறினேன். பின்னர் நாம் யாழ். நகரத்தை கைப்பற்றினோம்.

நான் உடனடியாக சந்திரிகாவை தொடர்பு கொண்டு செய்தியை தெரிவித்தேன். எனக்கு பதவி உயர்வும் பல சலுகைகளும் தருவதாக அரச தலைவர் கூறினார். இரு தினங்களின் பின்னர் என்னை தொடர்பு கொண்ட சந்திரிகா யாழ். நகரத்தில் சிங்க கொடியேற்றும் வைபவத்தை நடத்தச் சொல்லி சிலர் தனக்கு ஆலோசனைகளை தெரிவித்துள்ளதாக தெரிவித்தார்.

எனினும் யாழ். நகரம் சிறிலங்காவின் ஒரு பகுதி அதில் கொடியேற்றுவது உங்களுக்கு அவமானமானது என நான் தெரிவித்தேன். இராணுவ அதிகாரிகளும் வீரர்களும் கொடியேற்றுவதே வழக்கமானது. ஆனால் பல நபர்கள் கொழும்பில் இருந்து வந்தனர் கொடியேற்றும் வைபவம் நடைபெற்றது.

179 தமிழீழ விடுதலைப் புலிகள் போராளிகள் கொல்லப்பட்ட நிலையில் நாம் 19 இராணுவத்தினரை இழந்தோம். வலிகாமத்துக்குப் பின்னர், தென்மராட்சி பகுதி சமருக்காக 53 ஆம் படையணி நிறுத்தப்பட்டது. அதில் 131 விடுதலைப் புலிகள் உயிரிழந்தனர். பருத்தித்துறை நோக்கி நாங்கள் முன் நகர்ந்தபோது விடுதலைப் புலிகள் காட்டுப் பகுதிக்குள் சென்றுவிட்டனர். மே 12 ஆம் நாளன்று யாழ். குடாநாடு இராணுவத்தினர் வசம் வந்தது.

2000 இல் யாழ். குடாவை கைப்பற்றுவதற்கு விடுதலைப் புலிகள் மற்றுமொரு நடவடிக்கையை மேற்கொண்டனர். 1999 ஆம் ஆண்டு டிசம்பர் மாதம் என்னை தொடர்பு கொண்ட வீரசூரிய யாழ். குடாநாட்டில் உள்ள அதிகாரிகள் போரை நடத்தமுடியாதவர்களாக உள்ளதாக தெரிவித்தார். ஜெனரல் பலேகல்ல, ஜெனரல் செனிவிரட்ன ஆகியோர் கட்டளை அதிகாரிகளாக இருந்தனர். நான் அங்கு செல்ல தயாராக இருப்பதாக கூறினேன். ஜெனரல் ரத்வத்தை அதை அனுமதிக்க மாட்டார் என வீரசூரிய தெரிவித்தார்.

பெப்ரவரி மாதம் மறுபடியும் நான் யாழ். குடாவுக்கு செல்வதற்கு அனுமதியை கோரினேன். அமைச்சர் அதற்கு சம்மதிக்க மாட்டார் என அவர்கள் என்னிடம் தெரிவித்தனர். ஏப்ரல் 20 ஆம் நாள், சந்திரிகா சிகிச்சைக்காக பிரித்தானியாவில் தங்கியிருந்தார், ரத்வத்தை நுவரேலியாவில் இருந்தார். அப்போது என்னை இணைந்த நடவடிக்கை தளபதியாக யாழ். குடாவுக்கு அனுப்புவதற்கான முடிவு பாதுகாப்புச் சபைக்கூட்டத்தில் எடுக்கப்பட்டுள்ளதாக இராணுவத்தளபதி என்னிடம் தெரிவித்தார்.

ஆனையிறவு வீழ்ச்சி கண்டு விட்டது, யாழ். குடாநாடும் சில தினங்களில் வீழ்ச்சி கண்டுவிடும் என அவர் என்னிடம் தெரிவித்தார். இதனை தடுப்பதற்கு தற்கொலைக்கு ஒப்பான நடவடிக்கையை நான் எடுப்பேன் என அவரிடம் தெரிவித்தேன். எனக்கு உதவியாக ஜெனரல் சரத் பொன்சேகாவும் அனுப்பப்பட்டார்.

இது எனது கடைசிப்பயணமாக இருக்கலாம். எனவே நான் எனது மனைவி பிள்ளைகளுடன் சமய வழிபாடுகளில் கலந்து கொள்வதற்கு இரு தினங்கள் தேவை என அவரிடம் நான் தெரிவித்தேன். அவர் எனக்கு ஒரு நாள் அவகாசம் தந்தார். நான் யாழ். குடாவிற்கு செல்வது இலத்திரனியல் ஊடகங்களில் உடனடியாக வெளிவந்து விட்டது. நான் எனது வீட்டை அடைந்த போது நண்பர்களும், உறவினர்களும் என்னை சூழ்ந்து கொண்டு செல்ல வேண்டாம் என தடுத்தனர். அதிகாரிகள் என் மீது பழியை சுமத்தி தமது கைகளை கழுவுவதற்கு முயற்சிப்பதாக அவர்கள் என்னிடம் தெரிவித்தனர்.

16 வயது நிரம்பிய எனது மகள் கண்ணீர் மல்க யாழ். குடாவுக்கு செல்ல வேண்டாம் என என்னிடம் மன்றாடினார். நான் அங்கு செல்லா விட்டால் அங்குள்ள 32,000 படையினரும் மாண்டு விடுவார்கள் என நான் எனது மகளிடம் கூறினேன்.

நான் யாழை அடைந்த போது அங்கு எல்லாம் கைவிட்டு பேயிருந்தது. மிகவும் முக்கியமான பகுதிகளுக்கு மேலதிக படையினரை அனுப்பினேன். படையினரின் உளவியல் உறுதியை அதிகரிக்கும் நடவடிக்கைகளில் இறங்கினேன். மே 4ஆம் நாளன்று என்னை கொழும்புக்கு வரும்படி சந்திரி;கா அழைத்திருந்தார். நான் கொழும்புக்குச் சென்றால் இராணுவத்தினரின் மன உறுதி பாதிக்கும் என்று ஜெனரல் வீரசூரியவிடம் கூறினேன். கடைசி வானூர்தி இரவு 7.30 மணிக்கு புறப்படும். அதில் சென்றுவிட்டு காலையில் திரும்பிவிடுங்கள் என்று அவர் எனக்கு அறிவுறுத்தினார்.

நான் கொழும்பு அலரி மாளிகை சென்ற போது பாதுகாப்புச் சபைக்கூட்டம் நடைபெற்றுக் கொண்டு இருந்தது. இந்தியாவில் இருந்து கப்பல்களின் உதவிகளை பெற்று படையினரை வெளியேற்ற உதவுமாறு கோரி கதிர்காமரை தான் இந்தியாவுக்கு அனுப்பியுள்ளதாக சந்திரிகா என்னிடம் தெரிவித்தார். அந்த கூட்டத்தில் பாதுகாப்புச் செயலாளர், பாதுகாப்பு அமைச்சர் ஆகியோரும் இருந்தனர் ஆனால் யாரும் பதில் கூறவில்லை.

இந்த நடவடிக்கை மூலம் 10,000 படையினரை கூட காப்பாற்ற முடியாது. ஒரே வழி எம்மை போரிட அனுமதியுங்கள் என நான் கூறினேன். பல்குழல் உந்துகணை செலுத்திகளை கொள்வனவு செய்து தரும்படி கோரினேன். பின்னர் உடனடியாக யாழ். குடாவுக்கு திரும்பினேன். அதன் பின்னர் எமக்கு சாப்பிட நேரம் இருக்கவில்லை. உணவை விட ஆயுதங்களும், வெடி பொருட்களும் முக்கியமாகின. எனவே உணவு கொண்டுவரும் வானூர்திகளை நிறுத்தி ஆயுதங்களை வரவழைத்தோம். பின்னர் பல்குழல் உந்துகணை செலுத்திகள் எமக்கு கிடைத்தன. இறுதியில் அனைத்து சவால்களையும் எதிர்கொண்டு யாழ்ப்பாணத்தைக் கைப்பற்றினோம்.

றோகண விஜயவீர கைது

1989 ஆம் ஆண்டு நவம்பர் மாதம் 11 ஆம் நாள் ஜே.வி.பி தலைவர் றோகண விஜயவீராவை கைது செய்த குழுவுக்கு நான் தலைமை தாங்கினேன். அவரை கைது செய்வதே எனது கடமை நான் அவரை துன்புறுத்தவில்லை. அவரின் மனைவியையும் பிள்ளைகளையும் பாதுகாப்பாக கொழும்புக்கு அனுப்புவதற்கு நான் உதவினேன். விஜயவீர என்னுடன் வந்தார். அவர்களை கொழும்புக்கு அனுப்புவதற்கு ஒரு வர்த்தகரின் வானை ஒழுங்கு செய்தோம்.

விஜயவீரவின் மகள் தனது வளர்ப்பு நாய் குட்டியையும் கொண்டு செல்ல வேண்டும் என கூறினார். நாயை கொண்டு சென்றால் அது குரைத்து அயலவர்களை எழுப்புவதுடன், சோதனை நிலையங்களையும் உசார் படுத்திவிடும் என பக்குவமாக அவருக்கு விளங்கப்படுத்தினேன். அவரை கைது செய்து கொடுத்தது தான் எனது பணி அதன் பின்னர் நடந்த சம்பவங்களுக்கும் எனக்கும் தொடர்பில்லை.

யாழ். குடாவை 2000 ஆம் ஆண்டு தக்கவைத்த பின்னர் எனக்கு இராணுவத் தலைமையகத்ததில் இருந்து கடிதம் ஒன்று வந்தது. அதில் என்னை பதவியில் இருந்து நீக்கி பிரதம அதிகாரியாக நியமித்திருந்தனர். நான் எனது பதவியை மட்டும் இழந்தேன் ஆனால் நாடு பலவற்றை இழந்தது.

புலிகளுக்கு எதிராக இந்தோனேசியாவில் நடவடிக்கை

அவுஸ்திரேலியாவில் தூதுவராக கடமையாற்றிய போது இந்தோனேசிய தூதுவருடன் உறவுகளை பேணி இந்தோனேசியாவில் இருந்து விடுதலைப் புலிகள், ஆயுதங்கள் கடத்துவதை தடுத்ததுடன், அவுஸ்திரேலியாவில் நிதி திரட்டுவதையும் தடுத்தேன். என்னை இந்தோனேசியாவுக்கு தூதுவராக நியமித்த போது அதனை நான் மறுத்திருக்க முடியும்.

எனினும் விடுதலைப் புலிகளின் ஆயுதக்கடத்தல்களை தடுப்பதற்காக அங்கு சென்றேன். அங்கு இந்தோனேசியா அதிகாரிகளின் உதவியுடன் விடுதலைப் புலிகளின் ஆயுதக்கடத்தலுடன் தொடர்புபட்ட இரண்டாவது தலைவரை கைது செய்தோம்.

தற்போது என்னை தூதுவர் பதவியில் இருந்து நீக்கியதனைத் தொடர்ந்து நான் கவலை அடைந்துள்ளேன். ஏனெனில் விடுதலைப் புலிகள் மீண்டும் பெருமளவில் ஆயுதங்களை கடத்த முயற்சிக்கலாம். அவர்கள் இந்தோனேசியாவில் உள்ள சிறிலங்காவின் இராஜதந்திரிகள் மட்டத்தில் உறவுகளை ஏற்படுத்தினால் அது எமக்கு நல்லதல்ல.

தேர்தலில் போட்டியிட அழைப்பு

2001 ஆம் ஆண்டு ரணில் விக்கிரமசிங்க, தேர்தலில் பங்குகொள்ளுமாறு எனக்கு தொலைபேசி அழைப்பை விடுத்திருந்தார். எனது நண்பர் மங்கள சமரவீரவும் அதே போன்றதொரு கோரிக்கையை விடுத்திருந்தார். ஆனால் நான் நிராகரித்து விட்டேன். எனக்கு பிரதி பாதுகாப்பு அமைச்சர் பதவி வழங்கப்பட்டது. ஆனால் நான் அவுஸ்திரேலியாவுக்கான தூதுவர் பதவியையே ஏற்றுக்கொண்டேன்.

2001 ஆம் ஆண்டு அமெரிக்காவில் நடைபெற்ற தாக்குதலின் பின்னர் நான் அமெரிக்கா அதிகாரிகளுடன் பேசி விடுதலைப் புலிகளை தடை செய்தேன். பாதுகாப்புத்துறைச் செயலாளர் கோத்தபாய ராஜபக்ச எனது தனிப்பட்ட நண்பர். 1980 களில் கிழக்கு மற்றும் வவுனியா பகுதிகளில் மேற்கொள்ளப்பட்ட பல இராணுவ நடவடிக்கைகளில் அவர் என்னுடன் பணியாற்றி உள்ளார்.

அவர் ஒரு றெஜிமென்ற் அதிகாரி, முதலாவது கஜபாகு படைப்பிரிவில் இருந்தார். 1990 களில் யாழ். கோட்டையை காப்பாற்றும் நடவடிக்கையில் அந்த படைப்பிரிவு பங்குபற்றி இருந்தது. பல்வேறு வழிகளில் பலர் பிரிந்திருப்பது கவலையானது. நான் ஒரு அரசியல்வாதி அல்ல. நான் ஒரு இராணுவத்தில் 34 வருடங்களும், இராஜதந்திர மட்டங்களில் 6 வருடங்களும் சேவையாற்றி உள்ளேன்.

பாதுகாப்புச் செயலாளர்

எதிர்க்கட்சித் தலைவர் ரணில் விக்கிரமசிங்க என்னை பாதுகாப்புச் செயலாளராக நியமிக்கும் படி கோரியது எனக்கு தெரியாது. அந்த பதவியை நான் எதிர்பார்க்கவில்லை. 1995 ரத்வத்தையும், ஜெரி டீ சில்வாவும் போர் 6 மாதங்களில் முடிந்துவிடும் என கூறினார்கள். ஆனால் அது முடிவடைய குறைந்தது 3 வருடங்கள் எடுக்கும் என நான் தெரிவித்தேன். அந்த அறிக்கையால் எனது பதவி பறிக்கப்பட்டு நான் மணலாற்றுப் பகுதிக்கு பிரிக்கேட் கொமாண்டராக நியமிக்கப்பட்டேன் என்றார் ஜனக பெரேரா.
நன்றி>புதினம்.

சிறிலங்காவிலிருந்து கருணா தப்பி ஓட்டம்!!!

சிறிலங்கா இராணுவத்துடன் சேர்ந்தியங்கும் துணை இராணுவக் குழுக்களில் ஒன்றின் பொறுப்பாளரான கருணா, சிறிலங்காவிலிருந்து தப்பி ஓடிவிட்டதாக செய்திகள் வெளியாகியுள்ளன.


கருணாவின் குழுவுக்குள் உள்மோதல்களானவை படுகொலைகளாக வெடித்துள்ளன. இதனையடுத்து கருணாவை சிறிலங்காவை விட்டு தப்பி ஓடுமாறு சிறிலங்கா புலனாய்வுத்துறை அறிவுறுத்தியிருக்கிறது.

இது தொடர்பில் கொழும்பு ஊடகம் வெளியிட்டிருக்கும் செய்தி விவரம்:

கிழக்கில் வலுத்துள்ள கருணா மற்றும் பிள்ளையான தரப்புக்களுக்கு இடையிலான மோதல் வெளிப்படையான மோதல்களாக வெடித்துள்ளதுடன் கடந்த இரு வாரங்களில் பலர் பலியாகியும் உள்ளனர்.

இதனைத் தொடர்ந்து அதன் தலைவர் கருணாவை அவரது சகாக்களுடன் நாட்டை விட்டு தப்பி ஓடும்படி சிறிலங்கா புலனாய்வுத்துறை வழங்கிய ஆலோசனையை தொடர்ந்து அவர் தனது நெருங்கிய சகாக்களுடன் வெளிநாடு ஒன்றிற்கு இந்த வாரம் தப்பிச் சென்றுள்ளார்.

கிழக்கில் தேர்தல் ஒன்றை நடத்துவதற்கு அரசாங்கம் எண்ணியுள்ள வேளையில் கருணாவின் பிரசன்னம் இடைஞ்சலாக இருக்கலாம் என்ற கருத்தும் அரசிடம் உண்டு. கருணா குழுவுடன் அரசுக்கு உள்ள தொடர்புகளை பல அனைத்துலக நிறுவனங்கள், மற்றும் இராஜதந்திரிகள் சுட்டிக்காட்டி இருந்தனர். அண்மையில் பயணம் செய்த அமெரிக்காவின் பிரதி வெளியுறவுச் செயலாளர் ரிச்சர்ட் பௌச்சர், பிரித்தானிய பிரதிநிதி ஹிம் ஹாவல் ஆகியோரும் சிறிலங்காவில் நடைபெறும் மனித உரிமை மீறல்களுக்கு கருணா குழுவினரே காரணம் என தெரிவித்திருந்தனர்.

கிழக்கில் ஒரு இடைக்கால அரசை அமைத்து அதற்கு தன்னை தலைவராக்க வேண்டும் என கருணா விரும்பியிருந்தார். கிழக்கு மாகாணத்தின் முதலமைச்சராகவும் தன்னை கற்பனை செய்திருந்தார்.

கருணா குழுவிற்குள் ஏற்பட்டுள்ள இந்த பிளவு சிறிலங்கா இராணுவத்தினரால் ஏற்படுத்தப்பட்டதாக கூறப்படுகின்றது. கருணாவின் புதிய கட்சியின் பெயரில் இருந்து ஈழம் என்னும் சொல்லை அகற்றிவிடுமாறு அரசு முன்னர் பணித்திருந்தது. இப்படியான பணிப்புரை ஈ.பி.டி.பிக்குக் கூட விடுக்கப்படவில்லை.

கருணாவை விட பிள்ளையானுடன் இராணுவத் தரப்பிற்கு உறவுகள் அதிகம். மேலும் பிள்ளையானின் அரசியல் ஆசைகளும் குறைவு என்பதுடன் அனைத்துலக ரீதியிலும் பிரபலமற்றவர் என்பது அரசின் கருத்து. எனவே தான் கருணாவை அகற்ற முடிவு செய்யப்பட்டது.

கருணா குழுவின் பேச்சாளரான அசாத் மௌலானாவும் காணாமல் போயுள்ளார். அவரது செல்லிடப்பேசி வேலை செய்யவில்லை. அவரும் மங்களன் மாஸ்ரரும் நடுநிலைமையில் இருந்தவர்கள். பின்னர் அவர்கள் பிள்ளையான தரப்புடன் கட்டாயமாக இணைக்கப்பட்டதாக கூறப்படுகிறது.

கருணா தரப்பில் உள்ள இனியபாரதி, றியாசீலன், சின்னத்தம்பி, ஜெயதான், சந்திவெளி மாமா, மகிலன், திலீபன் ஆகியோர் உள்ளனர். பிரான்சில் இருந்து வழங்கப்பட்ட பணத்தின் மூலம் அவர்கள் கருணா குழுவுக்குள் பிளவை உண்டு பண்ணியதாக இராணுவம் கூறுகின்றது.

ஆனால் இராணுவப் புலனாய்வுத்துறையால் பிரித்தானியாவில் இருந்து வரவழைக்கப்பட்ட கிருஸ்ணன் என்னும் முன்னைய ஈ.என்.டி.எல்.எஃப் நபர் மூலம் கருணா குழு உடைக்கப்பட்டதாக சிலர் தெரிவித்துள்ளனர்.

கூட்டம் ஒன்றிற்காக அழைக்கப்பட்டிருந்த சிந்துஜனும் அவரது நான்கு சகாக்களும் இனியபாரதியினால் படுகொலை செய்யப்பட்டதனைத் தொடர்ந்து கருணாவுடன் சந்திப்புக்காக கொழும்பு சென்று கொண்டிருந்த பிள்ளையான் இடைநடுவில் தனது பயணத்தை கைவிட்டு கிழக்குக்கு திரும்பியிருந்தார். இதில் காயமடைந்த சீலன் மருத்துவமனையில் உள்ளார்.

சிந்துஜனின் கொலையை பாரதியே செய்தது என்பதற்கு சாட்சியாக இருந்த சிந்துஜனின் தந்தையாரும் இந்த வாரம் கல்லாறில் கருணா தரப்பினால் சுட்டுக்கொல்லப்பட்டுள்ளார். பிள்ளையான் தரப்பு பொலநறுவை, திருமலைப் பகுதிகளிலும், கருணா குழு மட்டக்களப்பிலும் தங்கியுள்ளது. இரு குழுக்களும் இராணுவ பாதுகாப்பில் உள்ளனர்.

கருணா குழுவில் உள்ள முக்கால் பங்கு உறுப்பினர்கள் பிள்ளையானுடன் உள்ளனர். பிரதீப் மாஸ்ரர், ஜெயத்தான் ஆகியோரும் பிள்ளையானின் ஆதரவை நாடியுள்ளனர். கருணா தனது பிடியை முற்றாக இழந்துள்ளார் என அதில் தெரிவிக்கப்பட்டுள்ளது.

நன்றி>புதினம்.

தமிழக மீனவர்களின் ஊடுருவலானது புலிகளின் தாக்குதலுக்கு உதவி செய்கிறது: சிறிலங்கா குற்றச்சாட்டு!

சிறிலங்கா கடற்பரப்புக்குள் இந்திய மீனவர்கள் ஊடுருவுவதானது எமது இராணுவத்தினர் மீது தமிழீழ விடுதலைப் புலிகளின் தாக்குதலுக்கு உதவியாக இருக்கிறது என்று சிறிலங்கா அரசாங்கம் குற்றம் சாட்டியுள்ளது.


தமிழக மீனவர்களை சிறிலங்கா கடற்படை சுட்டுக்கொல்வதாக இந்திய நாடாளுமன்றத்தில் இந்தியப் பாதுகாப்பு அமைச்சர் ஏ.எகே.அந்தோணி கடந்த புதன்கிழமை பகிரங்கமாக குற்றம்சாட்டியிருந்தார்.

இதனை மறுத்து இன்று சிறிலங்கா வெளிவிவகார அமைச்சு இரு பக்க அறிக்கை ஒன்றை வெளியிட்டுள்ளது.

அதில், தமிழக மீனவர்களை சிறிலங்கா கடற்படை சுட்டுக் கொல்வதற்கு துல்லியமான எதுவித சாட்சியமும் இல்லை என்று தெரிவிக்கப்பட்டுள்ளது.

மேலும் சிறிலங்கா கடற்பரப்புக்குள் இந்திய மீனவர்கள் அதிகமாக ஊடுருவுவதானது எமது இராணுவத்தினர் மீது தமிழீழ விடுதலைப் புலிகளுக்கு உதவியாக இருக்கிறது என்றும் அந்த அறிக்கையில் கூறப்பட்டுள்ளது.

நன்றி>புதினம்.

மேலோங்கும் பிள்ளையானின் கரங்கள்: நாட்டை விட்டுத் தப்ப கருணா திட்டம்?

பிள்ளையானுடன் ஏற்பட்ட உட்கட்சி மோதலைத் தொடர்ந்து பலவீனமடைந்துள்ள கருணாவும் அவருக்கு நெருக்கமான சிலரும் தமது உயிருக்கு ஏற்பட்டுள்ள அச்சுறுத்தல் காரணமாக நாட்டை விட்டு தப்பிச் செல்வதற்குத் திட்டமிட்டிருப்பதாக கொழும்பிலிருந்து வெளியாகும் ஆங்கில ஊடகம் ஒன்று செய்தி வெளியிட்டிருக்கின்றது.


விடுதலைப் புலிகளுக்கு எதிரான தமது யுத்தம் தொடரும் அதேவேளையில், கருணாவுடன் எதிர்காலத்தில் சமரசரத்துக்கான சாத்தியக்கூறுகள் இல்லையென பிள்ளையான் அறிவித்திருக்கும் நிலையிலேயே கருணா தனக்கு நம்பிக்கையான சகாக்கள் சிலருடன் நாட்டைவிட்டு வெளியேறுவதற்குத் திட்டமிடடுவருவதாகச் செய்திகள் வெளியாகியிருக்கின்றன.

இது கருணா குழுவுக்குள் ஏற்பட்ட உட்கட்சி மோதலில் பிள்ளையானின் கைகள் மேலோங்கியிருப்பதைப் புலப்படுத்துவதாக இருக்கின்றது. கருணா குழுவின் இராணுவப் பொறுப்பாளராகச் செயற்பட்ட பிள்ளையான், அக்குழுவுக்குள் எற்பட்ட உள்மோதலையடுத்து பெரும்பாலானவர்களைத் தன்னுடைய கட்டுப்பாட்டுக்குள் கொண்டுவந்திருப்பதாகக் கூறப்படுகின்றது.

"கருணாவுடன் நாம் மீண்டும் இணையந்து செயற்படும் சாத்தியக்கூறுகள் இல்லை" எனத் தெரிவித்திருக்கும் பிள்ளையான் குழுவின் பேச்சாளர் ஒருவர், "கருணா குழுவில் இருந்த பெரும்பாலான உறுப்பினர்கள் எம்முடன் உள்ளனர். கருணாவுடன் அவருக்கு விசுவாசமான ஒரு சிலர் மட்டும்தான் இருக்கின்றனர். கருணா குழுவின் இராணுவத்தரப்பு எமது முழுக்கட்டுப்பாட்டில் உள்ளது. எமது குழுவின் தலைவர் கருணா என்ற நிலை தற்போது மாறியுள்ளது" எனவும் தெரிவித்திருக்கின்றார்.

கருணா குழுவிலிருந்த சிரேஷ்ட இராணுவ மற்றும் அரசியல் தலைவர்கள் பலரும் பிள்ளையானுடனேயே இருப்பதாகவும் தெரிவித்த அவர், திருமலையில் உள்ள தமது முகாமில் 350 போராளிகள் இருப்பதாகவும் தெரிவித்திருக்கின்றார்.

கருணா குழுவில் முக்கிய இராணுவ மற்றும் அரசியல் தலைவர்களாகவிருந்த ஜெயம், மாக்கன், தூயவன், ஈழமாறன், பிரதிப் மாஸ்ரர், சுரங்கா ஆகியோர் பிள்ளையான் தரப்பில் இணைந்து செயற்படும் அதேவேளையில், சின்னத்தம்பி, பாரதி, திலீபன், ஜீவேந்திரன் ஆகியோர் தொடர்ந்தும் கருணாவுடனேயே இருந்து செயற்படுகின்றார்கள். அத்துடன், பிள்ளையான் தரப்பு திருமலையில் உள்ள இராணுவக் கட்டுப்பாட்டு பகுதியிலும், கருணா தரப்பு மட்டக்களப்பில் உள்ள இராணுவக்கட்டுப்பாட்டு பகுதியிலும் இராணுவத்தினரின் பாதுகாப்புடன் நிலைகொண்டுள்ளதும் குறிப்பிடத்தக்கது.

இதனிடையே தமது குழுவுக்குள் தோன்றியுள்ள மோதல்களைத் தொடாந்து கருணா தனக்கு நெருக்கமான சிலருடன் நாட்டை விட்டு தப்பியோட முயற்சி செய்து வருவதாக தெரிவிக்கப்படுகின்றது.

கருணா குழுவின் பிரதித் தலைவராகவும், இராணுவப் பொறுப்பாளராகவும் இருந்த பிள்ளையான் குழுவின் பெரும்பாலானவர்களை அவர்களது கட்டுப்பாட்டுக்குள் கொண்டு வந்திருப்பதால் தன்னுடைய பாதுகாப்புக்கு அச்சுறுத்தலிருப்பதாக கருணா கருதுவதாகத் தெரிகின்றது.

இருந்த போதிலும் புலிகளுக்கு எதிரான யுத்தத்தில் கருணாவை முக்கிய ஆயுதமாகப் பயன்படுத்திய படைத்தரப்பினர் கருணா நாட்டை விட்டுத் தப்பிச் செல்வதற்கு அனுமதிப்பார்கள் என எதிர்பார்க்க முடியாது என கொழும்பு அரசியல் வட்டாரங்கள் கருதுகின்றன.

இரு தரப்பினருக்குமிடையில் சமரசத்தை ஏற்படுத்துவதற்காக படையினர் தரப்பில் மேற்கொள்ளப்பட்ட முயற்சிகள் தோல்வியடைந்த நிலையில், உட்கட்சி மோதல்களால் இதுவரையில் கருணா குழுவின் முக்கியஸ்தர்கள் சிலர் உட்பட சுமார் எட்டுப் பேர் இருதரப்பிலும் கொல்லப்பட்டிருக்கின்றனர்.
நன்றி>புதினம்.

கருணா குழுவின் பேச்சாளர் அசாத் மௌலானா வெளிநாட்டுக்குத் தப்பியோட்டம்!!!

சிறீலங்கா துணை இராணுவக் குழுவான கருணா குழுவில் அண்மைக்காலமாக ஏற்பட்டுள்ள உட்பூசல் காரணமாக கருணா, பிள்ளையான் முரண்பாடு மிகவும் உக்கிரமடைந்துள்ள நிலையில் கருணா அணியைச் சேர்ந்த கருணா குழுவின் பேச்சாளர் அசாத் மௌலானா உட்பட மேலும் சிலர் வெளிநாட்டுக்குத் தப்பிச் சென்றுள்ளதாக கொழும்புத் தகவல்கள் தெரிவிக்கின்றன.
நன்றி>பதிவு

அனைத்துலக மனித உரிமைகள் கண்காணிப்புக் குழு - மனித உரிமைகள் கண்காணிப்பு மையம்!

சிறீலங்காவில் இடம்பெற்றுவரும் மனித உரிமை மீறல்களைக் கட்டுப்படுத்த அனைத்துலக மனித உரிமைகள் கண்காணிப்புக் குழு அமைத்தல் அவசியம் என, நியூயோர்க்கை தளமாகக் கொண்ட மனித உரிமைகள் கண்காணிப்பு மையம் மீண்டும் வலியுறுத்தியுள்ளது.

சிறீலங்கா அரசுத் தலைவருடனான சந்திப்பில், அனைத்துலக மனித உரிமைகள் கண்காணிப்புக் குழு அவசியத்தை வலியுறுத்துமாறும், றிச்சட் பௌச்சரிடம் மனித உரிமைகள் கண்காணிப்பு மையம் ஏற்கனவே கேட்டிருந்தது.

அமெரிக்காவின் மத்திய-தெற்காசிய இராஜாங்க அமைச்சின் உதவிச் செயலாளர் றிச்சட் பௌச்சரின் சிறீலங்காவிற்கான பயணத்தின் ஊடாக மனித உரிமை விடயம் தொடர்பாக அமெரிக்க அரசு சிறீலங்கா அரசு மீது பிரயோகித்த அழுத்தத்தையும் மனித உரிமைகள் கண்காணிப்பு மையத்தின் மூத்த சட்ட ஆலோசகர் ஜேம்ஸ் றோஸ் வரவேற்றுள்ளார்.

இதேவேளை, அமெரிக்க வெள்ளைமாளிகைப் பேச்சாளர் சோன் மைக்-கோமக், சிறீலங்கா அரசையும், விடுதலைப் புலிகளையும் பேச்சு மேசைக்கு மீண்டும் அழைத்துவர அமெரிக்கா முயற்சி செய்வதாக கடந்த புதன்கிழமை தெரிவித்திருந்தார்.

இலங்கை இனப்பிரச்சினை பல வருடங்களாக நீடித்து வருவதாகவும், இந்தப் பிரச்சினையைத் தீர்ப்பது மிகவும் கடினமான காரியம் என்றும் கூறிய வெள்ளைமாளிகைப் பேச்சாளர் சோன் மைக்-கோமக், பல்லாயிரக் கணக்கான மக்களின் உயிர்கள் பறிக்கப்பட்டுள்ளதையும் சுட்டிக்காட்டினார்.
நன்றி>புதினம்.

தோல்வியுற்ற நாடுகளின் பட்டியலில் முதன்மை இடம் இலங்கைக்கே!

போரழிவுகளினாலும், ஆழிப்பேரலை, மழை, வெள்ளம் போன்ற இயற்கைச் சீற்றத்தின் பேரழிவுகளினாலும் அல்லாடும் இலங்கைத் தீவை, பொருளாதாரச் சீரழிவு என்ற மற்று மொரு நெருக்கடி மோசமாகத் தாக்கி முடக்கும் ஏதுநிலைகள் தென்படுகின்றன.

நாட்டின் பொருளாதார வளர்ச்சி வீதம் குறிப்பிடத்தக்க அளவு உயர்ந்திருப்பதாக அரசியல் தலைவர்களும், அவர்களுக் குச் சார்பான புள்ளி விவரங்களை அள்ளி வெளியிடும் மேல் மட்ட அதிகார வர்க்கத்தினரும் வாய்வீச்சாக அறிவித்தாலும் கூட, களத்தில் என்னவோ மக்களின் பாடு திண்டாட்டமாகத் தான் இருக்கின்றது.

வடக்கு , கிழக்கை தமிழர் தாயகத்தை பொறுத்தவரை போரழிவு மற்றும் ஆழிப்பேரலைப் பேரழிவுகளிலிருந்து அப் பகுதி மக்கள் இன்னும் மீளவேயில்லை. இராணுவ முனைப் பில் போரியல் போக்கில் தீவிரம் காட்டும் அரசுப் படை களினால் நாட்டுக்குள் இடம்பெயரும் அகதிகளின் எண் ணிக்கை பல லட்சங்களை எகிறித் தாண்டுகின்றது. வீடு, வாசல்களை நிலபுலன்களை உடைமைகளை உறவுகளை துறந்து, சரித்திரபூர்வ வாழிடங்களை விட்டு வேரோடும், வேரடி மண்ணோடும் தூக்கி வீசப்பட்டு, அன்றாட ஜீவ னோபாயத்துக்கான தொழில்களையும் பறிகொடுத்து, அகதி முகாம்களில் அல்லலுறும் தமிழர்களின் அவலம் சொல்லுந்தர மன்று.

தங்களின் பொருள்களையும் பொருண்மியத்தையும் இழந்து வடக்கு, கிழக்குத் தமிழர்கள் பெருந்துன்பம் அனுப விக்கின்றார்கள் என்றால், மறுபுறத்தில் கொழும்பு அரசின் கொள்கைப் போக்கால் முழு இல்ங்கைத் தீவினதும் பொருளா தாரமே படுத்து, முடங்கிவிடும் சீரழிவு நிலையை நோக்கிப் படு மோசமாக வீழ்ந்துகொண்டிருக்கின்றது.

நாளொரு விலையும் பொழுதொரு பாய்ச்சலுமாக எரி பொருளின் விலை உயர்ந்துகொண்டிருக்கின்றது. கோதுமை மா விலையேற்றம், எரிவாயு விலை அதிகரிப்பு, பஸ் மற்றும் ரயில் கட்டணங்கள் உயர்வு என்று வரிசையாகப் பொருள் களின் குறிப்பாக அத்தியாவசியப் பொருள்கள் மற்றும் அவசிய சேவைகளின் கட்டணங்களும் விலைகளும் உய ரப் பறந்து வானைத் தொட்டு நிற்கின்றன.

வெளிநாட்டு நாணயங்களுக்கு எதிரான ரூபாவின் பெறு மதி அதலபாதாளத்துக்குள் வீழ்ந்துகொண்டிருக்கின்றது. சுருங்கக் கூறுவதானால் ரூபாவின் மதிப்பு முன்னெப்போதும் இல்லாதவாறு மோசமாகச் சரிந்து செல்கின்றது.

போரியல் போக்கில் மூர்க்கப் பிடிவாதம் கொண்டுள்ள அரசுத் தலைமை, அதனால் பொருளாதாரத்தைக் கோட்டை விட்டு விட்டு விழி பிதுங்கித் தவிக்கிறது.

ஈழத் தமிழர்களுக்கு, அவர்களின் நியாயமான அபிலாஷை களை நிறைவுசெய்யும் நீதியான தீர்வு ஒன்றை விட்டுக்கொடுப்போடு வழங்கி, நாட்டின் தேசிய இனப்பிரச்சினைக்கு அதன்மூலம் அமைதித் தீர்வுகண்டு, அதன் வாயிலாக முழு இலங்கைத் தீவையுமே அபிவிருத்தி செய்து, உயர்த்துவதற் குக் கிடைத்த வாய்ப்பை தனது பௌத்த சிங்களப் பேரின வாத மேலாண்மைப் போக்கினால் தொலைத்துவிட்டுத் தடு மாறுகின்றது மஹிந்த அரசு.
தமிழர்களுக்கு உரிமைகள் எதையும் வழங்கிவிடக் கூடாது, அவர்களை அவர்களின் சுயநிர்ணய உரிமைக்கான விடுதலைப் போராட்டத்தை அடக்கி, ஒடுக்கி, நசுக்கி, அடி மைப்படுத்தி ஒரு பாடம் கற்பிக்க வேண்டும் என்று கங் கணம் கட்டி நிற்கும் கொழும்பு, அதற்காக யுத்த வெறித் திட் டத்தைக் கட்டவிழ்த்து விட்டிருக்கின்றது.

இதற்காகத் தனது பாதுகாப்புச் செலவினத்தை சுமார் நாற் பது வீதத்துக்கும் அதிகமாக உயர்த்தி, நாட்டின் பொருளா தாரத்தைப் படுக்கவைத்துவிட்டது அரசுத் தலைமை.
ஏற்கனவே முன்னைய கொழும்பு அரசுகள் யுத்தப் பேர ரக்கனுக்காக சர்வதேசத்திடம் பட்ட பெருந்தொகைக் கடன் நிலுவையில் நின்று, இலங்கையின் நிகர வருமானத்தை ஏப்பம் விட்டுக்கொண்டிருக்க, அது போதாது என்று பரிதவிக்க, பற்றாக்குறைக்கு இன்னும் கடன் வாங்கிப் போர் நடத்தத் துடி யாய்த் துடிக்கிறது மஹிந்தரின் தலைமை.

பேச்சு மேசையைப் புறக்கணித்து, யுத்தக் களத்தைத் தேர்ந்தெடுத்ததால் இப்போது விடுதலைப் புலிகளின் வான் வழி அச்சுறுத்தலைப் புதிதாக எதிர்நோக்கும் பெரும் இக் கட்டு நெருக்கடி அரசுத் தலைமைக்கு.

அந்தச்சிக்கலைத் தவிர்ப்பதற்காக மேலும் அவசர அவ சரமாக வான்வழிச் சவாலுக்கு எதிரான பாதுகாப்பு நடவடிக் கைகளுக்கான செலவினம் என்ற பெயரில், பெரும் தொகைப் பணத்தை கோடி கோடியாகக் கொட்டிக் கொடுக்கத் தயாராகி விட்டது கொழும்பு.
ஏற்கனவே நொந்து, நொடிந்து போயிருக்கும் நாட்டின் பொருளாதாரத்தை மேலும் மோசமாக்கப் போகின்றது இந் தப் பொறுப்பற்ற யுத்தவெறித் தீவிரம்.

தேசியப் பிரச்சினையை அமைதி வழியில் தீர்த்துவைப்பதற்கு சர்வதேசம் நீட்டும் நட்புறவுக் கரங்களை தென்னிலங் கைப் பேரின வாதம், கர்ச்சித்துக்கொண்டு கிளம்பி எதிர்த்துப் புறமொதுக்குகின்றது. அமைதித் தீர்வு காண்பதற்கான முயற் சிகளில் உதவிப் பங்களிப்புச் செய்ய முன்வரும் நாடுகளுக்கு எதிராகக் கொழும்பில் ஆர்ப்பாட்டங்கள் நடத்தப்படுகின் றன.
போரியல் முனைப்பில் தீவிரமாக அரசுத் தலைமை இருப்பதால் நாட்டுக்கான உதவித் திட்டங்களை சர்வதேச நாடுகள் முடக்க ஆரம்பித்துவிட்டன. பிரிட்டன், ஜேர்மன் போன்றவற்றைத் தொடர்ந்து பல நாடுகள் இந்த மார்க்கத் தைக் கடைப்பிடிக்கத் தயாராகி வருகின்றன.

யுத்த நெருக்கடியால் வெளிநாட்டு முதலீடுகள் கணிச மாகக் குறைந்து வருகின்றன. பொருளாதாரத்தைத் தூக்கி நிறுத்தும் உள்ளூர் உற்பத்தித் தொழில்கள் படுத்துவிட்டன.
போதாக்குறைக்கு அளவுகணக்கின்றி நூற்றுக்கும் அதிகமாக அமைச்சுக்கள், பிரதி அமைச்சுகள் போன்ற வற்றை உருவாக்கி நாட்டின் பொருளாதாரத்தை, தனது அர சியல் வங்குரோத்து நிலைமையைச் சமாளிப்பதற்காக அர சுத் தலைமையே சீர்கெடுத்து வருகின்றது.

இந்தப் பின்னணிகளையும், பொருளாதாரம் போகும் போக்கையும், அரச பயங்கரவாதம் கட்டவிழ்த்து விடப்பட்டு பேயாட்டம் போடுவதையும் நோக்குபவர்கள் தோல்வி யடைந்த நாடுகளின் பட்டியலில் முதல் நிலைமை இலங் கைக்கு விரைவில் கிடைக்கும் என்பது திண்ணம் என்பதை உணர்கிறார்கள்.
நன்றி>உதயன்.

தமிழக மீனவர்களை படுகொலை செய்தது சிறிலங்கா கடற்படைதான்: இந்திய பாதுகாப்பு அமைச்சர் அந்தோணி குற்றச்சாட்டு!!!

தமிழக மீனவர்களை சிறிலங்கா கடற்படை தொடர்ந்து படுகொலை செய்கிறது என்றும் 1991 ஆம் ஆண்டு முதல் 2007 ஆம் ஆண்டு ஏப்ரல் நடுப்பகுதி வரை 77 மீனவர்கள் படுகொலை செய்யப்பட்டுள்ளனர் என்றும் இந்திய பாதுகாப்பு அமைச்சர் ஏ.கே.அந்தோணி குற்றம்சாட்டியுள்ளார்.


இந்திய நாடாளுமன்ற மாநிலங்கள் அவையில் உறுப்பினர் சி.பெருமாள் எழுப்பிய கேள்விக்கு எழுத்துப்பூர்வமாக ஏ.கே. அந்தோணி அளித்துள்ள பதில்:

அண்மைக்காலமாக சிறிலங்கா கடற்படையால் பெருந்தொகையாக தமிழக மீனவர்கள் கொல்லப்பட்டு வருவதனை மத்திய அரசாங்கம் அவதானித்து வருகிறது. பாக் ஜலசந்தி மற்றும் மன்னார் வளைகுடா பகுதியில் அண்மைக்காலமாக இத்தகைய சம்பவங்கள் அதிகரித்துள்ளன.

இந்திய மீனவர்களைப் பாதுகாக்க இந்திய கடற்பரப்பான பாக் ஜலசந்தி மற்றும் மன்னார் வளைகுடா ஆகிய பகுதிகளில் இந்திய கற்படை தொடர்ச்சியான சுற்றுக்காவல் மற்றும் கண்காணிப்புப் பணிகளில் ஈடுபட்டு வருகிறது. வானிலிருந்தும் கண்காணிப்புப் பணிகள் மேற்கொள்ளப்படுகிறது.

இந்திய மீனவர்கள் மீது துப்பாக்கிச் சூடு நடத்துவது குறித்து சிறிலங்கா அரசாங்கத்தின் கவனத்துக்கு கொண்டு சென்றுள்ளோம்.

இந்திய மீனவர்களை மனிதாபிமானத்துடன் நடத்த வேண்டும் என்று சிறிலங்கா அரசாங்கத்திடம் இந்தியத் தரப்பில் வலியுறுத்தப்பட்டுள்ளது.

1991 ஆம் ஆண்டு முதல் 2007 ஆம் ஆண்டு ஏப்ரல் மாதம் நடுப்பகுதி வரையிலான காலப் பகுதியில் 77 தமிழ்நாடு மீனவர்கள் இத்தகைய சம்பவங்களால் படுகொலை செய்யப்பட்டுள்ளனர்.

மீனவர்களின் குடும்பங்களுக்கான நிதி உதவியை தமிழ்நாடு அரசாங்கம் வழங்கி வருகிறது. மீனளத்துறை அமைப்புகளின் உதவியும் மீனவர் குடும்பங்களுக்கு வழங்கப்படுகிறது என்றார் அந்தோணி.
நன்றி>புதினம்.

'தமிழக அரசோடு முழு மனதுடன் ஒத்துழைக்கத் தயாராக இருக்கிறோம்': சு.ப.தமிழ்ச்செல்வன்.

-ஜூனியர் விகடன்-

"எத்தனை முறை தேவைப்பட்டாலும் தமிழக அரசோடு நாங்கள் முழு மனதோடு ஒத்ழைக்கத் தயாராக இருக்கிறோம். சம்பந்தப்படாதவர்கள் மீது வீணாகப் பழிசுமத்தி தப்பித்துப்போக வாய்பளித்து விடக்கூடாது."


தமிழ்நாட்டில் இருந்து வெளிவரும் ஜூனியர் விகடன் இதழுக்கு அளித்த பேட்டியில் தமிழீழ விடுதலைப் புலிகளின் அரசியல்துறைப் பொறுப்பாளர் சுப.தமிழ்ச்செல்வன் மேற்கண்டாவறு தெரிவித்துள்ளார்.

அவர் அளித்த பேட்டியின் முழு விபரம் வருமாறு:

"குமரி மாவட்ட மீனவர்கள் ஐந்து பேரை புலிகளுக்குச் சொந்தமான 'மரியா' என்ற படகில் வந்து சுட்டுக் கொன்றதோடு மட்டுமல்லாமல், தமிழகத்தைச் சேர்ந்த மீனவர்களை கடத்திச் சென்று தங்கள் முகாமில் அடைத்து வைத்திருக்கிறார்கள் விடுதலப் புலிகள் என்று ஆதாரத்துடன் தமிழக காவல்துறை இயக்குநர் முகர்ஜி கூறியிருக்கிறார். அதற்கு உங்கள் பதில் என்ன?"

"இந்தக் குற்றச்சாட்டை நாங்கள் முழுமையாக மறுக்கிறோம். ஐந்து மீனவர்கள் சுட்டுக்கொல்லப்பட்ட சம்பவத்திலும், 12 மீனவர்கள் கடத்தப்பட்ட சம்பவத்திலும் இலங்கை கடற்படைதான் சம்பந்தப்பட்டிருக்கிறது என்பதுதான் எங்கள் விசாரணையில் கிடைத்திருக்கும் தகவல். புலிகள் மீது திட்டமிட்டு பழி சுமத்துவதற்காகவே இலங்கை கடற்படை இப்படியொரு காரியத்தை செய்திருக்கிறது.

இந்த விவகாரத்தில் என்ன நடந்தது, நடக்கிறது என்பதெல்லாம் விரைவில் அப்பட்டமாக வெளிஉலகுக்கு வரும்போது, புலிகள் மீது பொய்யை வாரி இறைத்திருப்பதை உலகம் உணரும். இலங்கைக் கடற்படையின் மோசமான எண்ணத்துக்கு ஈடுகொடுப்பது போல தமிழகக் காவல்துறையும் ஏன் இப்படியெல்லாம் அவதூறு சொல்கிறது என்பதுதான் எங்களுக்குப் புரியவில்லை. தமிழக மக்கள் மீதும் மீனவர்கள் மீதும் மிகுந்த பாசம் கொண்டவர்கள்தான் எமது போராளிகள். இதில் எள்ளளவும் சந்தேகம் தேவையில்லை. இலங்கைக் கடற்படையினர் மீனவர்களுக்கு எதிராக நடத்தும் பல்வேறு கொடுமைகளில் இருந்து மீனவர்களை நாங்கள் காப்பாற்றி இருக்கிறோம். அப்படி இருக்கும்போது, காவல்துறைத் தலைவர் முகர்ஜி சொல்லியிருக்கும் குற்றச்சாட்டு ஏற்றுக்கொள்ள முடியாதது!"

"கடத்தப்பட்டு உங்கள் முகாமில் இருப்பதாகச் சொல்லப்படும் மீனவர்களை மீட்க தமிழக அரசு தரப்பிலிருந்து, உங்கள் தரப்பிடம் மூன்று நாட்கள் ரகசிய பேச்சுவார்த்தை நடந்ததாகவும் இறுதிவரையில் நீங்கள் அவர்களை விடுவிக்க ஒப்புக் கொள்ளவில்லை என்றும் ஒரு தகவல். அதுமட்டுமல்ல, தமிழகத்தில் கைது செய்யப்பட்டிருக்கும் ஐந்து கடற்புலிகள் ஈழத்தில் அடைத்து வைத்திருப்பதாகச் சொல்லப்படும் மீனவர்களுக்காக அங்கிருக்கும் புலி தளபதி ஒருவரிடம் தமிழகத்தில் இருந்து வாக்கி-டாக்கி மூலமாக பேசியதாக வரும் தகவல் குறித்தெல்லாம் என்ன சொல்கிறீர்கள்?"

"இதுவும்கூட தவறான தகவல்தான். இலங்கைக் கடற்படையாலும் அதனோடு சேர்ந்து இயங்கும் கூலிப்படையாலும் மிகவும் தெளிவாக திட்டமிட்டு நடத்தப்படுகின்ற நாடகமாகவேத்தான் நாங்கள் இதனைப் பார்க்கிறோம். இதில் எங்களுக்கு இன்னொரு பெருத்த சந்தேகமும் ஏற்பட்டிருக்கிறது. தமிழக காவல்துறையோடும் உளவுத்துறையோடும் தொடர்புகளை ஏற்படுத்திக் கொண்டிருக்கும் அவர்கள், புலிகளின் பெயரால் இப்படியான உரையாடல்கள நடத்கிறார்களோ என்ற சந்தேகம் வலுக்கிறது. ஏனென்றால், இதுநாள் வரையில் அதிகாரப்பூர்வமாக தமிழகக் காவல்துறையோடு எமது அமைப்பின் உறுப்பினர்களோ தளபதிகளோ நேரடித் தொடர்புகளை ஏற்படுத்திக் கொண்டதில்லை. அப்படி இருக்கும்போது, அவர்கள் எங்களோடு ரகசியமாக பேச்சுவார்த்தை நடத்தினார்கள் என்றால் எப்படி? குறிப்பாகச் சொல்ல வேண்டும் என்றால், மீனவர்களை நாங்கள் கடத்தி வைத்திருக்கவில்லை என்கிறபோது, அவர்கள் ஏன் எங்களோடு பேச்சுவார்த்தை நடத்த வேண்டும்? அப்படிப் பேசினால் அது அபத்தமாக இருக்காதா? தமிழக மக்களுக்கும் புலிகள் இயக்கத்துக்குமான அன்பை, பாசத்தை, உறவை கெடுக்கும் விதமாகவே இதெல்லாம் நடக்கிறது என்ற எங்கள் சந்தேகத்தில் நியாயம் இருக்கிறது."

"எல்லாவற்றையும் நீங்கள் தெளிவாக மறுக்கிறீர்கள். ஆனால், உங்கள் 'மரியா' படகில் வந்த கடற்புலிகளோ மீனவர்களை சுட்டுக் கொன்றது புலிகள்தான் என்று தெளிவுபடச் சொல்கிறார்களே...?"

"ஒரு விஷயத்தை நீங்கள் தெளிவாகப் புரிந்து கொள்ள வேண்டும். இதுநாள் வரையில் 'மரியா' படகில் பிடிபட்டது கடற்புலிகள் என்று எங்கள் தரப்பிலிருந்து யாராவது ஒப்புக் கொண்டிருக்கிறார்களா? அப்படி இருக்கும்போது, அவர்கள் வாக்குமூலம் கொடுத்தார்கள் என்று சொல்லி, எதையாவது தமிழகக் காவல்துறை சொல்லிக் கொண்டிருக்குமானால், அதற்கு நாங்கள் எப்படிப் பொறுப்பாக முடியும்? அப்படியே அவர்களிடம் வாக்குமூலம் பெற்றதாகச் சொன்னாலும், அந்த வாக்குமூலத்தின் உண்மைத் தன்மையை யார் சோதித்தறிவது? எமது அமைப்புக்கு எதிரானவர்கள் மூலமாக திட்டமிட்டு ஏன் இப்படியொரு நாடகம் நடத்தப்படக் கூடாது? கொஞ்சம் பொறுங்கள்... எல்லா உண்மைகளும் விரைவில் வெளியே வந்துவிடும்!"

"தமிழக மீனவர்கள் சுட்டுக் கொல்லப்பட்டது தொடர்பாக புலிகள் தரப்பில் அறிக்கை ஒன்று விடப்பட்டிருக்கிறது. அதில், 'காணாமல் போன மீனவர்கள் பற்றி அறிவதற்கு எமது கடற்படையினர் தொடர்ந்து முயற்சித்து வருகிறார்கள் என்றும் மீனவர்கள் பற்றி தகவல்கள் கிடத்தால் அவர்களை மீட்பதற்காக எடுக்கப்படும் நடவடிக்கைக்கு நாங்கள் ஒத்துழைப்போம்...' என்றும் சொல்லப்பட்டிருக்கிறதே?"

"ஆமாம், பாதிக்கப்பட்டிருப்பது தமிழக மீனவர்கள். அவர்களுக்காக நாங்கள் உதவுவோம். இந்த விஷயத்தில் எமது தலைமை கரிசனத்தோடும் அக்கறையோடும் இருக்கிறது. மீனவர்கள் கடத்தல் நாடகத்திலும் மீனவர்கள் கொல்லப்பட்ட சம்பவத்திலும் என்ன நடந்தது என்பதை உலகுக்குச் சொல்ல நாங்கள் ஆர்வத்தோடு காத்திருக்கிறோம்."

"ஒருவேளை மீனவர்களை மீட்கும் முயற்சிக்கு உங்கள் ஒத்துழைப்பு தேவைப்பட்டு, நீங்கள் தமிழக அரசோடு பேச வேண்டியிருந்தால் பேச்சுவார்த்தை நடத்துவீர்களா?"

"மீனவர்களை மீட்பதற்கும் அவர்களின் பாதுகாப்பு நிலைமைகளை உறுதிப்படுத்வதற்கும் தமிழக அரசு எடுத்து வருகிற அனைத்து முயற்சிகளுக்கும் நாங்கள் உறுதுணயாக இருப்போம். சிங்கள கடற்படையாலோ கூலிப்படையாலோ நிகழ்த்தப்பட்ட இந்தச் செயலை முடிவுக்குக் கொண்டு வந்து, தமிழக மீனவர்கள் சிறுபாதிப்பும் இல்லாமல் மீட்கப்பட வேண்டும் என்பதுதான் எங்களின் விருப்பம். இது தொடர்பாக எத்தனைமுறை தேவைப்பட்டாலும் தமிழக அரசோடு நாங்கள் முழு மனதோடு ஒத்துழைக்கத் தயாராக இருக்கிறோம். சம்பந்தப்படாதவர்கள் மீது வீணாகப் பழிசுமத்தி தப்பித்துப்போக வாய்ப்பளித்து விடக்கூடாது."

"அண்டை நாட்டுப் பிரச்சினைதான் என்றாலும், ஈழப் போராட்டத்தைப் பொறுத்தவரையில் தமிழகத்தில் இருக்கும் பெரும்பாலான தமிழர்கள் புலிகள் ஆதரவு நிலைப்பாட்டில்தான் இருந்து வந்திருக்கிறார்கள். சமீபத்திய நிகழ்வுகளுக்குப் பிறகு இந்த நிலைப்பாட்டில் பெரும் மாற்றம் ஏற்பட்டிருப்பதை உணருகிறீர்களா?"

"நடப்பது என்னவென்று தமிழக மக்களுக்கு மிகத் தெளிவாகத் தெரிந்திருக்கும் சூழ்நிலையில் அவர்கள் எங்கள் மீது கொண்டிருக்கும் பரிவும் பாசமும் எப்படிக் குறையும்? அதற்கு வாய்ப்பே இல்லை! இப்படி தமிழக மக்கள் மனங்களில் இருந்து எங்களை பிரித்தெடுக்க சிங்கள அரசு போடும் நரித் திட்டங்கள் பலிக்காது. எங்களுக்கு எதிராக இந்திய அரசையும் திருப்பிவிடும் முயற்சிகளையும் சிங்கள அரசு செய்து வருகிறது. எங்களைப் பொறுத்த வரையில் பொய்கள் வேகமாகத்தான் பரவும். ஆனால், இறுதியில் அதை பரப்புகிறவர்கள் மீதே அசிங்கத்தைப் பூசும். உண்மைக்கு சோதனை வந்தால், அதனை பொறுமையாக எதிர்கொள்வதுதான் சரியான அணுகுமுறை. அதைத்தான் புலிகள் இப்போது செய்து கொண்டிருக்கிறார்கள்."

"சமீபத்தில் மூன்றாவது முறையாக நீங்கள் கொழும்பில் வான்வழித் தாக்குதல் நடத்தினீர்கள். அதில் இந்தியாவுக்குச் சொந்தமான எண்ணெய் கிடங்குகள் பலவும் பாதிக்கப்பட்டதாகச் செய்திகள் வருகிறதே..."

"சமாதான காலத்தில் நாங்கள் யுத்த தர்மப்படி எவ்வித தாக்குதலிலும் ஈடுபடாமல் இருந்தபோது, தொடர்ந்து தமிழ் மக்கள் மீது விமானத்தாக்குதல நடத்தியது சிங்கள விமானப்படை! பலமுறை எச்சரித்தோம்... உரியவர்களிடம் முறையிட்டோம். ஆனால், சிங்கள ராணுவம் வான்வழித் தாக்குதலை நிறுத்தவில்லை. அதன்பிறகுதான் புலிகள் தரப்பில் வான்வழித் தாக்குதலுக்கு ஆயத்தமானோம். சிங்கள ராணுவத்துகுத் தேவையான எரிபொருளைக் கொடுக்கும் கட்டுமானங்களை அழிப்பதுதான் எங்கள் விமானப்படையின் நோக்கம். வான் வழியாக நாங்கள் வீசுகிற ஒவ்வொரு குண்டும் இலங்கை ராணுவத்தின் விமானக் கட்டுமானங்களுக்கு எதிரானதுதானே தவிர, சிங்கள அப்பாவி மக்கள் மீது அல்ல. அப்படி இருக்கும் போது, நாங்கள் நல்லுறவைப் பேண விரும்பும் இந்திய அரசுக்கு எதிராக எங்களின் விமானப்படையை ஒருபோதும் பயன்படுத்த மாட்டோம்!"

"கிட்டத்தட்ட சிங்கள அரசு-புலிகள் என இரண்டு தரப்பும் முழுமையான போரில் குதித்துவிட்ட இந்த சூழ்நிலையில் மீண்டும் பேச்சுவார்த்தைக்கு வாய்ப்பிருக்கிறதா?"

"இலங்கை அரசைப் பொறுத்தவரையில் இன அழிப்புப் போரை தமிழ் மக்கள் மீது கட்டவிழ்த்து விட்டிருக்கிறார்கள். பல லட்சம் மக்களை அகதிகளாக்கி ஆயிரக்கணக்கான மக்களைக் கொன்று குவித்து தொடர்ந்து போரை முன்னெடுத்து வருகிறார்கள். நாங்கள் நடத்துவது எமது மக்களை காக்கும் தற்காப்புப் போர்தான். மீண்டும் ஒரு சமாதானச் சூழலைக் கொண்டு வர நார்வே, பிரிட்டன் போன்ற நாடுகள் முயன்று வருகின்றன. என்றாலும், சிங்கள ராணுவத்தின் ஆக்கிரமிப்பு போர் தீவிரப்படுத்தப்பட்டுள்ளது. அமைதி பேச்சுக்காக நார்வே மற்றும் பிரிட்டனைச் சேர்ந்த அமைதித் தூதுவர்கள் எம்மைச் சந்திக்க எடுத்த முயற்சிகளையும் இலங்கை அரசுதான் தடுத்துவிட்டது. இப்படிப்பட்ட சூழ்நிலையில் அமைதிப் பேச்சுவார்த்தையெல்லாம் நடக்குமா என்பது தெரியவில்லை. அப்படி இருக்கும்போது எங்கள் மக்களை காக்க நாங்களும் ஆயுதப்போர் நடத்தத்தானே வேண்டும்?"

நன்றி>புதினம்.

சிறிலங்காவிற்கான நிதிகளை நிறுத்த வேண்டாம் என, ரஜபக்சா மன்றாட்டம்.

அமெரிக்காவின் நிபந்தனைகளை பூர்த்தி செய்யவேண்டிய நிலையில் சிறிலங்கா: சண்டே லீடர்.

"இலங்கையில் மோசமடைந்து வரும் மனித உரிமை மீறல்கள் தொடர்பாக அமெரிக்காவின் எல்லா பிரிவினரும் சம அளவில் தமது நிலைப்பாடுகளை கொண்டுள்ளதை மகிந்த உணர வேண்டும். உதவித் தொகைகளை பெறுவதற்கு சிறிலங்கா அரசாங்கம் சில தகமைகளை கொண்டிருப்பது அவசியம். அதாவது மனித உரிமை மீறல்கள் மற்றும் ஜனநாயக விரோத செயற்பாடுகள் என்பன நிதி உதவிகளை பெறுவதற்குரிய தகமைகளை இல்லாது செய்து விடும்."


மிலேனியம் சவாலுக்கான நிதியான ஒரு பில்லியன் ரூபாய்களை சிறிலங்கா அரசாங்கம் பெறும் பொருட்டாவது இந்த நிபந்தனைகளை நிறைவேற்ற வேண்டிய கட்டயத்தில் அரசாங்கம் உள்ளதாக கொழும்பில் இருந்து வெளிவரும் ஆங்கில வார ஏடான சண்டே லீடர் தனது அரசியல் பத்தியில் மேற்கண்டவாறு தெரிவித்துள்ளது.

அந்த அரசியல் பத்தியின் முக்கிய பகுதிகள்:

"மனித உரிமை மீறல்கள், அனைத்துலகத்தின் அழுத்தங்கள், உலகத்தில் ஏற்பட்டு வரும் தவறான நிலைப்பாடுகள், பொருளாதார பேரழிவு போன்றவற்றில் மகிந்த ராஜபக்ச மெல்ல மெல்ல மூழ்கி வருகின்றார். இது அவரது கொடுமையான போர், இராணுவத் தீர்வு மனநிலை, தான்தோன்றித்தனமான கொள்கைகள் போன்றவற்றின் அறுவடையாகும்.

மனித உரிமை விதிகளை கடைப்பிடிக்கும் படி அனைத்துலக சமூகம் மகிந்தவை கேட்டுள்ள போது, மகிந்த தமது நாட்டின் மீதான நல்லெண்ணத்தை சிதைத்து வரும் அதேசமயம் சிறிலங்காவிற்கான நிதிகளை நிறுத்த வேண்டாம் என மன்றாடியும் வருகிறார்.

மனித உரிமை மீறல்களை சிறிலங்கா அரசு நிறுத்த முடியாத பட்சத்தில் அதன் மீது கடுமையான நடவடிக்கைகளை எடுக்கும் படி அமெரிக்காவின் காங்கிரஸ் உறுப்பினர்கள் அமெரிக்க அரச தலைவர் ஜேர்ச் புஷ்சை கேட்டிருந்தனர். அதனால் அதிர்ச்சியடைந்த மகிந்த, அரச தலைவர் விசாரணைக்குழுவை அமைப்பதுடன், அதனை கண்காணிக்க அனைத்துலக நிபுணர் குழுவையும் வரவழைப்பதாக புஷ்சுக்கு கடிதம் எழுதியிருந்தார்.

இன்று செவ்வாய்க்கிழமை (08.05.07) அமெரிக்காவின் தெற்கு மற்றும் மத்திய ஆசியப் பிராந்தியத்திற்கான துணைச் செயலாளர் றிச்சர்ட் பௌச்சர் சிறிலங்காவிற்கு ஒரு கடுமையான செய்தியுடன் வருகின்றார். பௌச்சர் சிறிலங்காவில் நடைபெற்று வந்த அமைதி முயற்சிகளில் பங்கு பற்றியிருந்தவர், அவர் இணைத்தலைமை நாடுகளுடனும் பல சுற்று பேச்சுக்களை நடத்தியிருந்தார்.

பௌச்சர் எதிர்வரும் புதன்கிழமை யாழ். குடாநாட்டுக்கும் சென்று அங்குள்ள நிலைமைகளை பார்வையிடுவார். சிறிலங்காவினால் கூறப்படும் பயங்கரவாதத்திற்கு எதிரான போர் என்ற போருக்கு ஆதரவளித்த அமெரிக்காவின் இந்த எச்சரிக்கை மணி சிறிலங்காவின் கவலையை அதிகரித்துள்ளது.

விடுதலைப் புலிகளின் ஆயுதக் கொள்வனவுகள் மற்றும் நிதி சேகரிப்புக்களை அமெரிக்கா தடுத்து நிறுத்திய போதும் அது விடுதலைப் புலிகளை உலகத்தின் பயங்கரவாதிகளாக உடனடியாக நோக்கவில்லை. மகிந்த ஒன்றை நினைவில் கொள்ள வேண்டும். உலக பயங்கரவாதத்திற்கு எதிரான அமெரிக்காவின் போர் என்பது முஸ்லிம் தீவிரவாதிகளுக்கு எதிரான போராகும். அமெரிக்க அதிகாரிகளின் வரைவிலக்கணத்தில் விடுதலைப் புலிகள் சேர்த்துக்கொள்ளப்படவில்லை.

எனவே விடுதலைப் புலிகளின் மீதான அனைத்துலகத்தின் நடவடிக்கைகளை முடுக்கி விடுவதற்கு சிறிலங்கா அரசாங்கம், உலக சமூகத்தினால் மதிக்கப்பட வேண்டும். ஆனால் மகிந்த அரசாங்கம், அதில் பெரும் தவறுகளை இழைத்து வருகின்றது. ஆனால் விடுதலைப் புலிகள் இதில் மிகவும் கவனமாக திட்டமிட்ட முறையில் செயற்பட்டு வருகின்றனர். அவர்கள் தங்களை ஒரு ஒழுக்கமுள்ள படையினராக நிலைநிறுத்தி வருகின்றனர். அது சிறிலங்கா அரசாங்கத்தினால் மேற்கொள்ளப்படும் நீதிக்கு புறம்பான கடத்தல்கள், காணாமல் போதல் போன்றன உட்பட அரசாங்கத்தினால் மேற்கொள்ளப்படும் கொடூரமான போருக்கு எதிராக போராடும் ஒரு அமைப்பாக விடுதலைப் புலிகள் தம்மை நிலைப்படுத்த உதவியுள்ளது.

இதனால் உலகத்தின் ராடார் திரைகளில் இருந்து சிறிலங்கா மறைந்து வருவதுடன் அது புறக்கணிக்கப்பட்ட தேசமாகவும் மாறி வருகின்றது. கடந்த வருடத்தில் இருந்து அமெரிக்காவின் கண்களில் இருந்து சிறிலங்கா மறைந்து வருகின்றது என வொசிங்டனை தளமாக கொண்ட புறூக்கிங் நிறுவனத்தை சேர்ந்த கலாநிதி ரீபன் பிலிப் கோகின் தெரிவித்துள்ளார்.

விடுதலைப் புலிகளால் மேற்கொள்ளப்பட்ட தீவிரமான வான் தாக்குதல்கள் அனைத்துலக மற்றும் பிராந்திய நலன்களுக்கு ஆபத்தானது என அரசாங்கம் கூறிய போதும், அது அமெரிக்காவின் பயங்கரவாதத்திற்கு எதிரான போர் என்ற கோட்பாட்டில் பெரும் தாக்கத்தை ஏற்படுத்தவில்லை என வெளிவிவகார கொள்கைகளை ஆராய்ந்து வரும் 500 உயர்ந்த ஆய்வாளர்கள் தெரிவித்துள்ளதாகவும் பிலிப் மேலும் தெரிவித்துள்ளார்.

விடுதலைப் புலிகள் மீதான தடைகள் குறித்து அமெரிக்காவில் மட்டுமல்லாது பிரித்தானியாவிலும் சவால்கள் தோன்றியுள்ளன. பிரித்தானியாவின் நாடாளுமன்றத்தில் 4 மணிநேரம் நடைபெற்ற விவாதத்தில் விடுதலைப் புலிகள் மீதான தடை நீக்கம் சாத்தியமற்றதானாலும் அது சிறிலங்காவிற்கான நிதி உதவிகளை நிறுத்தியுள்ளது. இதற்கு சிறிலங்காவில் மோசமடைந்து வரும் மனித உரிமை மீறல்களே இதற்கு காரணமாகும்.

சிறிலங்காவில் ஏற்பட்டு வரும் வன்முறைகள் மற்றும் மனித உரிமை மீறல்கள் அமெரிக்காவின் நாடாளுமன்ற உறுப்பினர்களிடம் பெரும் பிரிவினையான கருத்துக்களை ஏற்படுத்தியுள்ளது. இதன் எதிரொலியாக சிறிலங்கா அரசாங்கம், மனித உரிமை மீறல்களை கட்டுப்படுத்த முற்படாது விட்டால் அது மிலேனியம் சவால்களுக்கான நிதியினை இழப்பது உட்பட பல எதிர்விளைவுகளை எதிர்கொள்ள வேண்டி ஏற்படும் என குறிப்பிட்ட எண்ணிக்கையான செனட் உறுப்பினர்கள் மகிந்தவிற்கு கடிதம் ஒன்றை எழுதியிருந்தனர்.

உணவு, எரிபொருள் போன்றவற்றை யாழ். குடாநாட்டிற்கு அனுப்புவதற்கான பாதையை அரசாங்கம் திறக்க வேண்டும் என அமெரிக்காவில் உள்ள சிறிலங்காவின் தூதரகத்தினை அமெரிக்காவின் முன்னாள் அரச தலைவர் ஜோன் எஃப் கென்னடியின் இளைய சகோதரரான எட்வேட் கென்னடியும் மற்றும் செனட்டரான றொப் கென்னடி, முன்னாள் ஜனநாயகக் கட்சி அரச தலைவர் வேட்பாளர் ஜோன் ஹெரி ஆகியோர் கடந்த ஆண்டு டிசம்பரில் கேட்டிருந்தனர்.

சிறிலங்காவின் அரசாங்கப் படையினர் மற்றும் காவல்துறையினர் மேற்கொண்டு வரும் மனித உரிமை மீறல்கள், நீதிக்கு புறம்பாக தமிழ் மக்கள் கைது செய்யப்பட்டு தடுத்து வைக்கப்படுதல் துன்புறுத்தப்படுதல் தொடர்பாக கென்னடி, ஹெரி ஆகியோருடன் மற்றுமொரு உயர் ஜனநாயக கட்சியின் செனட்டரான கிறிஸ்த்தோபர் ஜே டொட்டும் முன்னாள் வெளிவிவகார அமைச்சர் மங்கள சமரவீரவுக்கு கடிதம் ஒன்றை அனுப்பியிருந்தனர்.

இதனிடையே சிறிலங்கா மிலேனியம் சவால்களுக்கான நிதியினை பெறும் தகுதியை இழக்கலாம் என ஆளும் கட்சியின் காங்கிரஸ் உறுப்பினரும், வெளிவிவகார உறவுகளுக்கான தலைவருமான செனட்டர் றிச்சார்ட் லுகர் அண்மையில் மகிந்தவிற்கு கடிதம் ஒன்றை அனுப்பியிருந்தார். லுகர் வெளிவிவகார கொள்கைகளின் குரு என அமெரிக்காவில் போற்றப்படுபவர், 1976 ஆம் ஆண்டு தொடக்கம் செனட்டர் பதவியை வகித்து வருகின்றார்.

எனினும் மகிந்தவினால் அமைக்கப்பட்டுள்ள அரச தலைவர் விசாரணைக்குழு மற்றும் அனைத்துலக நிபுணர் குழுவிரை அழைத்தது என்பன ஒரு அனுகூலமான அறிகுறி என லுகர் மேலும் தெரிவித்துள்ளார்.

சிறிலங்காவில் நடைபெற்று வரும் மனித உரிமை மீறல்கள் தொடர்பான அமெரிக்க செனட்டர்களின் கருத்துக்கள் அண்மையில் சுதந்திர இல்லத்தினால் வெளியிடப்பட்ட அறிக்கையில் எதிரொலித்துள்ளது. அந்த அமைப்பின் மே மாத அறிக்கையில் சிறிலங்காவுக்கு 5 புள்ளிகள் குறைக்கப்பட்டுள்ளது.

இந்த அமைப்பு 1980 களில் உருவாக்கப்பட்டு ஊடகங்களில் அச்சு ஊடகங்கள், ஒலி, ஒளிபரப்பு ஊடகங்கள், இணையத்தள ஊடகங்கள் தொடர்பான ஆய்வுகளை மேற்கொண்டு வருகின்றது. இதில் 0 தொடக்கம் 100 புள்ளிகள் வழங்கப்படுவதுண்டு. இது சுதந்திரமான நாடு, பகுதியான சுதந்திர நாடு, சுதந்திரமற்ற நாடு என்ற தரப்படுத்தல்களுக்கு உட்படுவதுண்டு. சிறிலங்கா பகுதியான சுதந்திர நாடு என்ற தரப்படுத்தலுக்கு தற்போது உட்படுத்தப்பட்டுள்ளது. சிறிலங்காவில் தீவிரமடைந்துள்ள மோதல்கள் அங்கு ஊடக சுதந்திரத்தை இல்லாது செய்துள்ளது.

மோசமான மனித உரிமை மீறல்களை அரசாங்கம் நிறுத்தாது விட்டால் மிலேனியம் சவாலுக்கான நிதியினை நிறுத்துமாறு கடந்த ஏப்பிரல் 6 ஆம் நாள் சுதந்திர இல்லம் கேட்டுக்கொண்டுள்ளது. இது விடுதலைப் புலிகளின் மீதான அனுதாபத்தினால் அல்ல அரசாங்கத்தின் நடவடிக்கைகளினால் ஏற்பட்டது.

சிறிலங்கா அரசு பேச்சுவார்த்தைகளை மீண்டும் ஆரம்பிக்க வேண்டும் எனவும், மனித உரிமை மீறல்களை பாதுகாக்க வேண்டும் எனவும் மிகவும் சக்திவாய்ந்த அமெரிக்க ஜனநாயக கட்சியின் செனட்டரான டிக் டேர்பின் கடந்த ஆண்டு டிசம்பரில் அரசுக்கு கடிதம் ஒன்றை எழுதியிருந்தனர்.

சிறுவர் பாதுகாப்புச் சட்டம் தொடர்பான கருத்துக்களில், சில நாடுகள் தமது சொந்த படைகளுக்கு சிறுவர்களை சேர்ப்பதாகவும் சில நாடுகள் தமது படையினரின் துணை இராணுவக் குழுக்களின் மூலம் சிறுவர்களை படையில் சேர்ப்பதாகவும் மனித உரிமை கண்காணிப்பகம் தெரிவித்திருந்தது. கருணா குழு அரச படையினரின் ஆதரவுடன் சிறுவர்களை படையில் சேர்ப்பதாக முன்னர் அலன் றொக் தெரிவித்திருந்தார்.

ஆனால் அமெரிக்க மக்களின் வரிப்பணம் சிறுவர் படைச்சேர்ப்புக்கு உதவக்கூடாது எனவும், அமெரிக்காவின் ஆயுதங்கள் சிறார்களின் கைகளில் சேரக்கூடாது எனவும் சில அமைப்புக்கள் தெரிவித்திருந்தன. அமெரிக்கா இத்தகைய நாடுகளுக்கான தனது இராணுவ உதவிகளை நிறுத்த வேண்டும் என டார்பினின் தெரிவித்துள்ளார்.

இவை மட்டுமல்லாது சிறிலங்காவில் நடைபெற்று வரும் மனித உரிமை மீறல்கள் தொடர்பான தமது கவலையை அமெரிக்காவின் செனட்டின் நீதியாளர் சபையின் தலைவரான நீதிபதி லெஹியும் மகிந்தவுக்கு தெரிவித்திருந்தார்.

செனட்டரின் கடிதத்திற்கு மகிந்த பதில் அனுப்பியதை அவர்கள் உறுதி செய்த போதும் அதில் ஏற்றுக்கொள்ளக் கூடிய விளக்கங்களை விட விடுதலைப் புலிகள் மீதான குற்றச்சாட்டுக்களே அதிகமாக இருந்ததாக கூறப்படுகின்றது.

எனினும் சிறிலங்காவில் மோசமடைந்து வரும் மனித உரிமை மீறல்கள் தொடர்பாக அமெரிக்காவின் எல்லாப் பிரிவினரும் சம அளவில் தமது நிலைப்பாடுகளை கொண்டுள்ளதை மகிந்த உணர வேண்டும். அமெரிக்க கண்ணை மூடிக்கொண்டு சிறிலங்காவிற்கான தனது நிதி உதவியினை நிறுத்தப்போவதில்லை.

எனினும் லுகரின் கூற்றின் பிரகாரம் உதவித் தொகைகளை பெறுவதற்கு சிறிலங்கா அரசாங்கம் சில தகமைகளை கொண்டிருப்பது அவசியம்.

அதாவது மனித உரிமை மீறல்கள் மற்றும் ஜனநாயக விரோத செயற்பாடுகள் நிதி உதவிகளை பெறுவதற்குரிய சிறிலங்கா அரசாங்கத்தின் தகமைகளை இல்லாது செய்து விடும். மிலேனியம் சவாலுக்கான நிதியான ஒரு பில்லியன் ரூபாய்களை சிறிலங்கா அரசாங்கம் பெறுவதற்கான உறுதிமொழிகள் 2004 ஆம் ஆண்டு வழங்கப்பட்ட போதும், இன்று வரை அந்த நிதி வழங்கப்படவில்லை.

ஆனால் இந்த நிதியானது புஷ்சின் நிர்வாகத்தினால் வழங்கப்படுவது என்பதை மகிந்த கருத்தில் கொள்ள வேண்டும். ஆனால் புஷ்சின் கட்சி 2008 ஆம் ஆண்டு வீழ்ச்சி காண்பதற்கான சாத்தியங்கள் அதிகரித்துள்ளன. எனவே புதிய அரச தலைவர் புதிய கொள்கைகளை அறிமுகப்படுத்துவதுடன் முன்னைய திட்டங்களை மாற்றவும் முயற்சிக்கலாம்.

எனவே சிறிலங்கா அரசாங்கம் அமெரிக்காவின் நிபந்தனைகளை விரைவாக பூர்த்தி செய்து இந்த நிதியினை பெறவேண்டிய நிலையில் தற்போது உள்ளது" என அதில் தெரிவிக்கப்பட்டுள்ளது.
நன்றி>புதினம்

யுத்த நிறுத்த ஒப்பந்தத்தை இரத்துச் செய்ய வேண்டிய நிலை உருவாகியுள்ளது!!!

தமிழீழ விடுதலைப் புலிகளுடனான யுத்த நிறுத்த ஒப்பந்தத்தை இரத்துச் செய்ய வேண்டிய நிலை உருவாகியுள்ளது என்று சிறிலங்கா அரசாங்கம் அறிவித்துள்ளது.


சிறிலங்கா பாதுகாப்பு விவகாரங்களுக்கான பேச்சாளரும் அமைச்சருமான கேகலிய ரம்புக்வெல கூறியுள்ளதாவது:

யுத்த நிறுத்த ஒப்பந்தமானது பலமுறை மீண்டும் மீண்டும் மீறப்பட்டு வருகிறது. இந்த நிலையில் யுத்த நிறுத்த ஒப்பந்தத்தை மீள் பரிசீலனை செய்து அதனை துண்டித்துக் கொள்ள வேண்டிய சூழ்நிலை ஏற்பட்டுள்ளது.

தேசியப் பாதுகாப்பு சீர்குலைகின்ற நிலையில் யுத்த நிறுத்த ஒப்பந்தத்தைக் கைவிடுவதில் அரசாங்கத்துக்கு எதுவித தயக்கமும் இல்லை. தேசப் பாதுகாப்பு தொடர்பில் நாம் எதுவித சமரசமும் செய்து கொள்ளப் போவதில்லை என்றார் அவர்.

"எந்தத் தரப்பும் யுத்த நிறுத்த ஒப்பந்தத்தை மதிக்காத நிலையில் அமைதிப் பேச்சுக்களை மீளத் தொடங்குவதில் அர்த்தம் ஏதுமில்லை" என்று இலங்கை போர் நிறுத்த கண்காணிப்புக் குழுவின் தோர்பினூர் ஓமர்சன் தெரிவித்துள்ளார்.
நன்றி>புதினம்.

சு.ப.தமிழ்ச்செல்வனை பிரித்தானிய நாடாளுமன்றத்துக்கு அழைத்துப் பேசும் வாய்ப்புக்கு கண்டனம்.

சிறிலங்கா இன்னமும் பிரித்தானியாவின் கொலனி அல்ல: ஜே.வி.பி. சாடல்

சிறிலங்காவை தனது கொலனித்துவ நாடாக பிரித்தானியா இன்னமும் கருதிக் கொண்டிருக்கிறது என்று ஜே.வி.பி. சாடியுள்ளது.


ஜே.வி.பி.யின் மத்திய குழுக்கூட்டம் நேற்று ஞாயிற்றுக்கிழமை நடைபெற்றது.

இக்கூட்டத்துக்குப் பின்னர் வெளியிடப்பட்ட அறிக்கையில் கூறப்பட்டுள்ளதாவது:

சிறிலங்கா அரசாங்கம், நோர்வே அரசாங்கம் மற்றும் தமிழீழ விடுதலைப் புலிகள் ஆகிய முத்தரப்பும் இணைந்த உச்சி மாநாட்டை லண்டன் நகரில் பிரித்தானிய அரசாங்கம் நடத்துவதற்கு கண்டனம். தெரிவிக்கிறோம்.

அதேபோல் தமிழீழ விடுதலைப் புலிகளை பிரித்தானிய நாடாளுமன்றத்துக்கு அழைப்பது குறித்து பிரித்தானிய அதிகாரிகள் விளக்கம் அளிக்க வேண்டும்.

சிறிலங்காவின் மனித உரிமைகள் பற்றி பிரித்தானியாவுக்கு தார்மீக உரிமை இல்லை. இலங்கையை ஆதிக்கம் செய்து இந்த மக்களின் அனைத்து மனித உரிமைகளையும் மீறியது பிரித்தானியாதான். அண்மைக்காலம் வரையாக அடிமை வியாபாரம் செய்து வந்தது பிரித்தானியாதான்.

சிறிலங்காவுக்கான பிரித்தானிய தூதுவர் தனது தூதரக எல்லைகளுக்கு அப்பால் பிரித்தானிய ஆளுநர் போல் செயற்படுகிறார்.

அப்படியான செயற்பாடுகள் நீடிக்கும் நிலையில் இங்கே எந்த ஒரு வெளிநாட்டுத் தூதுவரும் எதுவிதமான பணியையும் மேற்கொள்ள இயலாது. பிரித்தானிய தூதுவருக்கு எதிராக நடவடிக்கை மேற்கொள்ளாமல் சிறிலங்கா அரசாங்கமும் தவறு செய்து வருகிறது.

பிரித்தானியாவினால் கடந்த காலத்தில் உருவாக்கப்பட்ட பிரச்சனைக்குத் தீர்வு காணவே சிறிலங்கா அரசாங்கம் போராடி வருகிறது.

பயங்கரவாதத்தை முடிவுக்குக் கொண்டுவர வேண்டும் என்று பிரித்தானியா விரும்பினால் தமிழீழ விடுதலைப் புலிகளின் அரசியல்துறைப் பொறுப்பாளர் சு.ப.தமிழ்ச்செல்வனை பிரித்தானிய நாடாளுமன்றத்துக்கு அழைத்துப் பேசும் வாய்ப்பை உருவாக்கித் தரக்கூடாது என்று அதில் தெரிவிக்கப்பட்டுள்ளது.
நன்றி>புதினம்.

சாம்-16 ஏவுகணைகளால் முயற்சித்தும் வீழ்த்த முடியாத புலிகளின் வானூர்திகள.

தமிழீழ விடுதலைப் புலிகளின் வானூர்திகளை நோக்கி இரு முறை சாம்-16 ரக ஏவுகணைகளை ஏவ முயற்சித்த போதும் அது கைகூடவில்லை என்று சிறிலங்கா இராணுவத்தினர் கவலையடைந்திருப்பதாக கொழும்பு வார ஏடான சண்டே ரைம்ஸ் தெரிவித்துள்ளது.

சண்டே ரைம்ஸ் வார ஏட்டின் பாதுகாப்பு ஆய்வாளர் இக்பால் அத்தாஸ் இது தொடர்பாக தெரிவித்துள்ளதாவது:

பல இலட்சக்கணக்கான கணக்கான மக்கள் கடந்த ஞாயிற்றுக்கிழமை இரவு துடுப்பாட்ட போட்டியின் இறுதி ஆட்டத்தை கண்டு கழித்துக் கொண்டிருந்தனர். தமது வீடுகளில், களியாட்ட விடுதிகளில், சமூக நலக் கூடங்களில், விடுதிகளில், மைதானங்களில் அகண்ட தொலைக்காட்சி திரைகளில் துடுப்பாட்டப் போட்டியின் நேரடி ஒளிபரப்பு ஒளிபரப்பாகிக் கொண்டு இருந்தது.

அப்போது கொழும்பையும் அதனை அண்டிய பகுதிகளிலும் திடீரென மின்சாரம் தடைப்பட்டதுடன் வெடி ஓசைகளும் கேட்கத் தொடங்கின. கொழும்பு தாக்குதலுக்கு உள்ளாகியுள்ளதாக செய்திகள் பரவின. பதற்றமடைந்த மக்கள் தமது வீடுகளுக்குச் சிதறி ஓடத் தொடங்கினர்.

பல்வேறு பகுதிகளிலும் இருந்து வானை நோக்கி கண்டபடி தாக்குதல்களை நடத்திய படையினர் மக்களின் இந்த பதற்றத்தை மேலும் அதிகரித்திருந்தனர். கொழும்பு துறைமுகத்தை விடுதலைப் புலிகளின் குண்டுவீச்சில் இருந்து பாதுகாக்கும் முகமாக கடற்படைக் கப்பல்களில் இருந்தும் வானை நோக்கி தாக்குதல்கள் நடத்தப்பட்டன.

இதனால் துறைமுகம் தாக்குதலுக்கு உள்ளாகியதாக வதந்திகள் பரவின.

சிறிலங்கா அரச தலைவர் மாளிகையில் இருந்து நடத்தப்பட்ட தாக்குதலால் மகிந்த மாளிகை மீது வான் தாக்குதல் நிகழ்வதாக வதந்திகள் பரவ வழிவகுத்து விட்டன.

இதே போன்று இராணுவத் தலைமையகம், இரத்மலானை வான்படைத் தளம் எல்லாம் தாக்குதலுக்கு உள்ளாகுவதாக வதந்திகள் பரவின.

உண்மையில் என்ன நடைபெறுகின்றது என்பதனை பாதுகாப்புத்துறையும், இராணுவத்தினரும் குறிப்பட்டளவு நேரம் உணர முடியாதவர்களாகவே இருந்தனர்.

கட்டுநாயக்கா வான்படைத் தளத்தில் இருந்து 101 கி.மீ தொலைவில் உள்ள பாலாவியில் இரு வான்கலங்களை அவதானித்த பின்னர் அவற்றை மத்திய ராடார்களில் அவதானிக்க முடியவில்லை.

பின்னர் உஸ்வெறிகெயாவாவில் அவற்றை கடற்படைப் படகு அவதானித்த போது இரு வானூர்திகளில் ஒன்று முத்துராஜவலப் பகுதியை நோக்கியும் மற்றொன்று கொழும்பு துறைமுகப்பகுதியை நோக்கியும் பிரிந்து செல்லத் தொடங்கின.

முதலாவது வானூர்தி முத்துராஜவலப் பகுதியில் உள்ள செல் எரிவாயு சேமிப்பு நிலையம் மீது இரு குண்டுகளை வீசியது. அதில் ஒன்று இரு சேமிப்புத் தாங்கிகளுக்கு இடையில் வீழ்ந்து வெடித்ததில் தீயணைப்பு தடுப்பு இயந்திரம் சேதமடைந்தது. இந்த மையத்தில் உள்ள கோபுரத்தில் ஒளிர்ந்து கொண்டிருந்த சிவப்பு மின் விளக்கானது, வானோடி இலகுவாக இலக்கின் மீது குண்டை வீச உதவியதாக படைத்துறை அதிகாரிகள் தெரிவித்துள்ளனர்.

பின்னர் மீண்டும் திரும்பிய வானூர்தி, சிறிலங்கா பெற்றோலியக் கூட்டுத்தாபன சேமிப்பு பகுதி மீதும் குண்டுகளை வீசியது.

இரண்டாவது வானூர்தி கொலன்னாவ நோக்கிச் சென்று குண்டுகளை வீசியது. முதலாவது குண்டு டீசல் சேமிப்பு தாங்கியின் அருகில் வீழ்ந்து வெடித்தது.

அங்கு வீசப்பட்ட இரண்டாவது குண்டு வெடிக்கவில்லை. அது 35 கிலோ எடையும், ஒரு மீற்றர் நீளமும், சி-4 வெடிமருந்துகளையும், இரும்பு குண்டுகளையும் கொண்ட குண்டாகும்.

மூன்றாவது குண்டு வீசப்பட்டதாக கூறப்படுகின்ற போதும் அதனை இன்றுவரை உறுதிப்படுத்த முடியவில்லை.

இதனிடையே தம்மிடம் உள்ள சாம்-16 ரக ஏவுகணையினால் விடுதலைப் புலிகளின் வானூர்தியை சுட்டு வீழ்த்த முடியவில்லை என்று படைத்தரப்பினர் கவலையடைந்துள்ளனர்.

விடுதலைப் புலிகளின் தாக்குதல் அச்சம் காரணமாக இந்த ஏவுகணைகளுடன் சிறிலங்கா வான்படையினர் கொலன்னாவ பகுதியில் தயாராகவே இருந்தனர்.

அவர்களுடன் பாதுகாப்பு கட்டளை மையம் தொடர்ச்சியான தொடர்புகளை மேற்கொண்டு தகவல்களை பரிமாறி வந்தது.

வான் படையினர் வானூர்தியின் ஒலியை தெளிவாக கேட்ட போதும் அவர்களின் சாம்-16 ஏவுகணையினால் விடுதலைப் புலிகளின் வானூர்தியை தனது தாக்குதல் இலக்கிற்குள் கொண்டுவர முடியவில்லை. ஆனால் 15 செக்கன்களில் ஏவுகணையின் மின்கலம் செயலிழந்து விட்டது. பின்னர் மற்றுமொரு ஏவுகணையை சுடுநிலைக்கு கொண்டு வந்தனர். மிகவும் இருளாக இருந்தது. எனவே வானூர்தியை ஏவுகணையின் இலக்கிற்குள் கொண்டுவர முடியவில்லை.

கொலன்னாவையில் குண்டை வீசிய பின்னர் வானூர்தி பொரளை, நுகேகொட வழியாக இரத்மலானை நோக்கிச் சென்றது. ஆனால் அவை எப்படி வன்னிக்குச் சென்றன என்பது குறித்து தெரியவில்லை. இது விடுதலைப் புலிகளால் நடத்தப்பட்ட நான்காவது வெற்றிகரமான வான் தாக்குதல் ஆகும்.

மார்ச் 26 கட்டுநாயக்கா மீதான தாக்குதல்,

ஏப்ரல் 23 பலாலித் தளம் மீதான தாக்குதல்,

ஏப்ரல் 26 கட்டுநாயக்கா மீதான தாக்குதல் முயற்சி,

ஏப்ரல் 29 கொலன்னாவ, முத்துராஜவெல பகுதிகள்

மீதான தாக்குதல்கள் என்பன இந்த நான்கு தாக்குதல்களும் ஆகும்.

விடுதலைப் புலிகளிடம் 5 செக்கோஸ்லாவாக்கிய தயாரிப்பான Zlin-143 ரக வானூர்திகள் உள்ளதாகவும் அவையே இந்த நான்கு தாக்குதல்களிலும் பங்கு பற்றியதாகவும் இராணுவம் கூறியுள்ளது.

எனினும் விடுதலைப் புலிகளிடம் தற்போது 10 வானூர்திகள் உள்ளதாக கூறப்படுகின்றது என்று அதில் தெரிவிக்கப்பட்டுள்ளது.

SA-16 GIMLET தொடர்பான சில தகவல்கள்:

சோவியத்தின் தயாரிப்பான இந்த வானூர்தி எதிர்ப்பு ஏவுகணை மனிதர்களால் காவிச் செல்லக்கூடியதாகும். இது தாழ்வாகப் பறக்கும் வானூர்திகள் மற்றும் உலங்குவானூர்திகளை தாக்கி அழிப்பதற்கு என உருவாக்கப்பட்டது.

இது சாம்-7, சாம்-14 ஆகியவற்றின் நவீன வடிவமாகும் 1986 ஆம் ஆண்டு பாவனைக்கு வந்த இந்த ஏவுகணைகள் சாம் - 18 9M39 ஏவுகணைகளை விட தாக்கி அழிக்கும் வலிமையை அதிகம் கொண்டவை.

இது கடந்த ஊதா வழிகாட்டிகளை உடையதுடன், இரு IR மற்றும் UV என வர்ணங்களை தேடிச் செல்லக்கூடியது. இரு வர்ண வழிகாட்டிகளை கொண்டிருப்பதனால் வானூர்திகளில் இருந்து வீசப்படும் Flares ரக எதிர்ப்பு சாதனங்களின் பாதிப்புக்களை சாம்-16 குறைக்கக் கூடியது.

5000 மீற்றர் துரா வீச்சுடைய சாம்-16 ஏவுகணை 3500 மீற்றர் உயரங்களில் பறக்கும் வானூர்திகளை வீழ்த்த வல்லது.

வேகம் : ஒலியின் இரு மடங்கு
தாக்குதல் உயரம்: 3,500 மீற்றர்
தாக்குதல் தூர வீச்சு 500 - 5,000 மீற்றர்
ஏவுகணையின் தாக்கும் பகுதி: 2 கி.கிராம்
வழிகாட்டி: IR மற்றும் UV
நன்றி>புதுனம்.

சிறிலங்காவுக்கு எதிராக ஐரோப்பிய நாடாளுமன்றத்தில் கண்டனத் தீர்மானம்.

இலங்கையின் மனித உரிமை மீறல்கள் மோசமடைந்துள்ளதைக் கண்டித்து ஐரோப்பிய நாடாளுமன்றத்தின் அபிவிருத்திக் குழு தீர்மானம் நிறைவேற்றக்கூடும் எனத் தெரிகிறது.


மனித உரிமை மீறல்களை முடிவுக்கு கொண்டு வர வலியுறுத்தியோ அல்லது சிறிலங்கா அரசாங்கத்தை கண்டனம் செய்தோ ஐரோப்பிய நாடாளுமன்றத்தின் அபிவிருத்திக் குழு தீர்மானம் நிறைவேற்ற முடிவு செய்துள்ளது.

பிரித்தானிய நாடாளுமன்றத்தில் இலங்கை நிலைமைகள் குறித்து முக்கியத்துவம் வாய்ந்த மூன்று மணிநேரம் நடைபெற்றதனைத் தொடர்ந்து ஐரோப்பிய ஒன்றிய நாடாளுமன்றத்திலும் இத்தகைய விவாதம் நடைபெற உள்ளது.

ஐரோப்பிய அபிவிருத்திக் குழுவின் இலங்கை நிலைமைகள் தொடர்பான கூட்டம் எதிர்வரும் யூன் 5 ஆம் நாள் நடைபெற உள்ளது. இதில் இந்தோனேசியா மற்றும் இலங்கை நாடுகளில் ஆழிப்பேரலைக்குப் பின்னரான நிலைமைகள் குறித்து விவாதிக்கப்பட உள்ளன.
நன்றி>புதினம்.

கடுமையான செய்தியுடன் கொழும்பு செல்கிறார் ரிச்சர்ட் பெளச்சர்.

சிறிலங்காவில் இடம்பெற்று வரும் மோசமான மனித உரிமை மீறல்கள் தொடர்பாக அமெரிக்காவின் நாடாளுமன்ற உறுப்பினர்கள், செனட் சபை உறுப்பினர்களின் அழுத்தம் காரணமாக தெற்கு மற்றும் மத்திய பகுதிகளுக்கான அமெரிக்காவின் வெளிவிவகார அமைச்சின் உதவிச் செயலாளர் ரிச்சர்ட் பெளச்சர் கொழும்பிற்கு செல்லவுள்ளார்.


எதிர்வரும் செவ்வாய்க்கிழமை (08.05.07) செல்லும் இவர், இதன் போது சிறிலங்கா அரசாங்கத்தை பேச்சு மேசைக்கு திரும்பும் படியாக கடுமையான ஒரு செய்தியை அவர் எடுத்து வரவுள்ளதாக தெரிவிக்கப்படுகின்றது.

அரச தலைவர் மகிந்த ராஜபக்ச மற்றும் அரசாங்க அதிகாரிகளை ரிச்சர்ட் பெளச்சர் சந்திப்பதுடன் இலங்கையில் இடம்பெற்று வரும் மனித உரிமை மீறல்கள் தொடர்பாக தனது கடுமையான நிலைப்பாட்டையும் தெரிவிக்க உள்ளார்.

எதிர்வரும் செவ்வாய்கிழமை மற்றும் புதன்கிழமை ஆகிய நாட்களில் பல தொடர்ச்சியான உயர்மட்ட சந்திப்புக்கள் ஒழுங்கு செய்யப்பட்டுள்ளதுடன், அவர் யாழ். குடாநாட்டிற்கும் செல்வார் என கூறப்படுகின்றது. பௌச்சர் மீண்டும் அமெரிக்க செல்வதற்கு முன்னர் எதிர்வரும் வியாழக்கிழமை ஊடகவியலாளர்களை சந்திக்கவுள்ளார்.

நாடு மிக மோசமான மனித உரிமை மீறல்களை எதிர்கொண்டுள்ள நிலையிலும். பிரித்தானியா மற்றும் ஜேர்மனி போன்ற நாடுகள் மனித உரிமை மீறல்களை காரணம் காட்டி சிறிலங்காவிற்கான உதவித் தொகைகளை நிறுத்தியுள்ள நிலையிலும் பௌசரின் பயணம் முக்கியத்துவம் வாய்ந்ததாக கருதப்படுகின்றது.

ரிச்சர் பௌச்சரின் சிறிலங்காவிற்கான பயணத்தின் போது மாலைதீவுக்கும் செல்வார் என தெரிவிக்கப்படுகின்றது.
நன்றி>புதினம்.

தமிழீழ விடுதலைப் புலிகள், பிரிட்டிஷ் நாடாளு மன்றத்தில் பேச வாய்ப்பு!!!

லண்டன், மே 5
இலங்கைத் தமிழர்கள் தாம் நடத்தும் உரிமைப் போராட்டத்தின் நியாயத்தை, பிரிட்டிஷ் நாடாளு மன்றத்தில் (ஹவுஸ் ஒவ் கொமன்ஸ் சபையில்) எடுத்து விளக்குவதற்கு வாய்ப்புக் கிடைக்கும்.

இலங்கைத் தமிழர் பிரச்சினை இனப்பிரச்சினை சம்பந்தமாக கடந்த புதன்கிழமை மே மாதம் இரண்டாம் திகதி நான்கரை மணி நேரம் இங்கு நடை பெற்ற விவாதத்தின் போது இது தொடர்பாகக் கோடி காட்டப்பட்டுள்ளது.

அன்றைய விவாதத்தின் போது, அனைத் துக் கட்சி நாடாளுமன்றக் குழுவின் தலை வரும் முன்னாள் வெளிவிவகார அமைச் ச ரும், தொழிற்கட்சி எம்.பியுமான கெய்த் வாஸ் தமது குழுவின் மூன்றம்சத் திட்டத்தை எடுத்து விளக்கினார்.

அவர் வெளியிட்ட மூன்றம்சத் திட்டம் வருமாறு:

* இலங்கை அரசாங்கம் தமிழீழ விடுதலைப் புலிகள் நோர்வே அரசு ஆகிய முத்தரப்பினரும் கலந்துகொள்ளும் உச்சி மாநாட்டை எதிர்வரும் ஜூலை மாதத்தில் லண்டனில் நடத்து வது.
* பிரிட்டனின் அனைத்துக் கட்சி நாடாளுமன்ற உறுப்பினர் களைக் கொண்ட தூதுக்குழு ஒன்று எதிர்வரும் செப்ரெம்பர் மாதத் தில் இலங்கைக்குச் சென்று பிரச்சினையுடன் சம்பந்தப்பட்ட தரப்புகளுடன் பேச்சு நடத்துவது.

விடுதலைப் புலிகளின் பிரதேசங்களுக்கும் சென்று பேச்சு நடத் துவது.

* விடுதலைப் புலிகளின் பிரதம பேச்சாளர் (அனேகமாக அவர் களின் அரசியல்துறைப் பொறுப்பாளர் சு.ப. தமிழ்ச்செல்வன்) தமிழர் தரப்பு நியாயங்களை நாடாளுமன்றத்தில் எடுத்து விளக்க வாய்ப்பு வழங்குவது இம்மாதம் இரண்டாம் திகதி கொமன்ஸ் சபையில் நடைபெற்ற இலங்கைப் பிரச்சினை சம்பந்தமான விவா தத்தில் மொத்தம் அறுபது எம்.பிக்கள் கலந்து கொண்டு உரை யாற்றினர்.

அங்கு பேசுகையில் கெய்த் வாஸ் குறிப்பிட்டதாவது:

விடுதலைப் புலிகள் மீது பிரிட்டன் தடைவிதித்து ஆறு வரு டங்கள் கழிந்துவிட்டன. தடை குறித்து மறுபரிசீலணை செய் வதற்கான காலம் வந்துவிட்டது. அவ்வாறு செய்வதன் மூலமே தீர்வுக்கான பேச்சுவார்த்தையை நிச்சயப்படுத்திக் கொள்ள முடி யும் என்றார்.
நாடாளுமன்ற உறுப்பினர்கள் ஜெரிம கோர்பயின், சைமன் ஹியு ஆகியோரும் விடுதலைப் புலிகள் மீதான தடையை நீக்கு வதே பேச்சுமூலமான தீர்வுக்கு உதவும் என்று தெரிவித்தனர்.
அமைப்பு ஒன்று சட்டரீதியற்றது என்று பிரகடனப்படுத்துவது சமாதானப் பேச்சுக்கு உதவமாட்டாது.

""மோசமான சரித்திரத்தை'' அழுத்திப்பிடித்துக் கொண்டிருப் பதன் மூலம் ஒரு தரப்புடன் பேச்சு நடத்தாமல் பின்னடிப்பதால், எந்தப் பயனும் கிடைக்கப்போவதில்லை. ஐ.ஆர்.ஏ. அமைப்பை தடைசெய்ததன் மூலம் வட அயர்லாந்துப் பிரச்சினை கூர்மையாக்கப் பட்டதை நாமே அனுபவத்தில் கண்டிருக்கிறோம் என்று அவர் கள் இருவரும் எடுத்துக் காட்டினர்.
ஆனால் கொன்சர்வேட்டிவ் கட்சியைச் சேர்ந்த கிளேய்ரன் பிறவுண் என்ற எம்.பியைத் தவிர அக்கட்சியின் ஏனைய பல உறுப்பினர்களும் விடுதலைப் புலிகள் மீதான தடை நீக்கப்படக் கூடாது என்று அடித்துக் கூறினார்கள்.

வெளிவிவகார அமைச்சர் மறுப்பு

வெளிவிவகார அமைச்சர் கிம் ஹவெல்ஸ் பேசுகையில், விடுதலைப் புலிகள் மீதான தடையை நீக்க முடியாது என்று வலியுறுத்தினார்.

பயங்கரவாதம் சொல்லிலும் செயலிலும் துறக்கப்படும் வரைக்கும் விடுதலைப் புலிகள் மீதான தடையை நீக்குவது என்ற கேள்விக்கே இடமில்லை.

தற்கொலைக் குண்டுத்தாரிகளுக்கும் கொலைகாரர்களுக்கும் சித்திரவதைக் காரருக்கும் சட்ட அங்கீகாரம் வழங்குவது என்பதனை ஏற்றுக்கொள்ள முடியாது என்றார்.

விடுதலைப் புலிகளுடன் உத்தியோக பூர்வமற்ற பேச்சுகள் நடைபெற்ற போதிலும் உத்தியோக ரீதியாக பேச்சுகளைப் போன்று பயன்தரமாட்டா. ஆகவே விடுதலைப் புலிகள் மீதான தடையை நீக்குவது அவசியம் என்று ஜோன் மக்டொனால்ட் (தொழிற்கட்சி) எம்.பி. எடுத்துரைத்தார். இந்தத் தடை இலங்கை இனப்பிரச்சினையை மேலும் பூதாகாரமாக்கியது என்பதனை நினைவில் வைத்துக்கொள்ள வேண்டும் என்றும் அவர் சுட்டிக் காட்டினார்.
அதற்கு பதிலளிக்கும் வகையில் பேசிய வெளிவிவகார அமைச்சர், விடுதலைப் புலிகள் மீதான தடையை நீக்குவதனால் இனப்பிரச்சினைக்கான சமாதானப் பேச்சுக்களை முன்னெடுத்துச் செல்ல முடியுமாயின் அது குறித்து அக்கறையுடன் ஆராயலாம் என்று கூறினார்.

உள்நாட்டு அமைச்சரின் நிலைப்பாடு உள்நாட்டு அமைச்சர் பேசுகையில்,

விடுதலைப் புலிகள் மீதான தடையை நீக்குவது குறித்து அரசுக்கு வெறுப்பு எதுவும் இல்லை. வேண்டுமானால் பயங்கரவாதத் தடைச் சட்டத்தில் உள்ள சரத்துக்களைப் பயன்படுத்தி அவர்கள் தம் மீதான தடையை நீக்குவதற்குப் பயன்படுத்த முடியும். அதற்கான சாத்திய நிலை ஒன்று அண்மையில் உருவாகியுள்ளது. சட்டத்துக்கான எதிராக ஏற்கனவே எழுந்த ஒரு சவால் விடுதலைப் புலிகளை "புதிய எல்லைக்குள்' கொண்டு வந்துவிட்டுள்ளது என்றார். (அ)
நன்றி>உதயன்

தமிழீழ விடுதலைப் புலிகளின் மீதான பிரித்தானிய தடை விரைவில் நீக்கப்படும்.

புலிகளின் நிர்வாகப் பகுதியை பார்வையிடுகிறது பிரித்தானிய அனைத்துக் கட்சி குழு!

தமிழீழ விடுதலைப் புலிகளின் நிர்வாகப் பகுதியை செப்ரெம்பர் மாத இறுதியில் பிரித்தானியாவின் தமிழர்களுக்கான அனைத்துக் கட்சி நாடாளுமன்ற உறுப்பினர்கள் குழு பார்வையிடத் திட்டமிட்டுள்ளதாக அதன் தலைவர் கெய்த் வாஸ் அறிவித்துள்ளார்.


இங்கிலாந்து நாடாளுமன்றத்தில் நடைபெற்ற முக்கியத்துவம் வாய்ந்த இலங்கை இனப்பிரச்சனை தொடர்பான மூன்று மணிநேர விவாதத்தின் போது கெய்த் வாஸ் கூறியதாவது:

இனப் பிரச்சனை தொடர்பில் நாம் மூன்றுவிதமான செயற்பாடுகளை மேற்கொள்ள உள்ளோம்.

முதலாவதாக அனைத்துக்கட்சி குழுவின் பிரதிநிதிகள் எதிர்வரும் செப்ரெம்பர் மாதம் இறுதியில் இலங்கைக்குப் பயணம் மேற்கொள்ளும். குறிப்பாக தமிழீழ விடுதலைப் புலிகளின் நிர்வாகப் பகுதிகளுக்குச் சென்று பேச்சுக்கள் நடத்தும்

இரண்டாவதாக தமிழீழ விடுதலைப் புலிகளின் அரசியல்துறைப் பொறுப்பாளரும் புலிகளின் பேச்சுக்குழுத் தலைவருமான சு.ப.தமிழ்ச்செல்வனை பிரித்தானிய நாடாளுமன்றத்தில் தமது கருத்துகளை விளக்க அழைக்க ஒப்புக் கொண்டுள்ளோம்.

மூன்றாவது லண்டனில் எதிர்வரும் யூலை மாதத்தில் பல்வேறு தரப்பினரும் பங்கேற்கும் உச்சி மாநாடு ஒன்றை நடத்த உள்ளோம்.

தமிழீழ விடுதலைப் புலிகளின் மீதான பிரித்தானிய தடை எவ்வளவு விரைவில் நீக்கப்படுமோ அவ்வளவு விரைவில் நீக்கப்படும். ஆறு ஆண்டுகள் ஆகிவிட்டன. தடையை மறுபரிசீலனை செய்ய வேண்டும் என்றார் அவர்.
நன்றி>புதினம்

அனைத்துலகத் தமிழர்களின் ஜ.நா.வை நோக்கிய எழுச்சிப் பேரணி.

அனைத்துலகத் தமிழர்களின் ஜ.நா.வை நோக்கிய எழுச்சிப் பேரணி.படத்தை பெரிதாக பார்க்க படத்தின் மீது அழுத்தவும்.

தமிழ்நாட்டில் ஈழத் தமிழர் ஆதரவைக் குலைத்திடும் சதிப் பின்னணியில் நிற்கும் மர்ம மனிதர் எம்.கே.நாராயணன்.

தமிழ்நாட்டில் நடந்த தி.மு.க. ஆட்சியில் உள்ள சில முக்கிய தலைவர்கள் விடுதலைப் புலிகளுடன் தொடர்பு கொண்டு பேசி வருவதே தேச விரோதமாக - நாட்டுக்கு ஆபத்தை விளைவிக்கக்கூடியதாக உளவுத்துறை மூலம் அறிக்கை தயாரித்தவர் எம்.கே. நாராயணன்.

உளவுத்தறையின் தலைவர் என்ற முறையில், அன்றைய பிரதமர் வி.பி. சிங் பார்வைக்கு இதைக் கொண்டு போயிருக்க வேண்டிய கடமை எம்.கே.நாராயணனுக்கு உண்டு. ஆனால், அதிகார மட்டத்தில் கமுக்கமாக வைக்கப்பட்டது அந்த அறிக்கை. மண்டல் குழு பரிந்துரை, ஈழத் தமிழர் பிரச்சினைகளில் - பார்ப்பன அதிகார வர்க்கத்தின் உணர்வுகளுக்கு எதிராக உறுதியோடு நின்றார் வி.பி.சிங் என்பதால் அவரது ஆட்சியை பார்ப்பன சக்திகள் திட்டமிட்டு கவிழ்த்தன.

சந்திரசேகர் தலைமையில் பொம்மை ஆட்சி ஒன்றை உருவாக்கியவுடன், உளவுத்துறை தயாரித்து வி.பி.சிங்கிடம் மறைக்கப்பட்ட அறிக்கையை வைத்து, அதையே காரணமாக்கி, அன்று தி.மு.க. ஆட்சி கலைக்கப்பட்டது. அன்றைய கால கட்டத்தில், விடுதலைப் புலிகள் இயக்கம் இந்தியாவில் தடை செய்யப்படவில்லை என்பதை சுட்டிக்காட்ட வேண்டும். ராஜீவ் கொலைச் சம்பவம் நடந்தது, அதற்குப் பிறகுதான். விடுதலைப் புலிகள் இயக்கம் இந்தியாவில் தடை செய்யப்படாத காலத்திலேயே - அந்த இயக்கத்தினரோடு பேசுவதே ~தேச விரோதம்| என்ற கருத்தை உருவாக்கி, மக்களால் தேர்ந்தெடுக்கப்பட்ட ஆட்சியைக் கவிழ்க்கும் அதிகாரம் கொண்டவைகளாக உளவு நிறுவனங்கள் செயல்பட்டன என்பது சுட்டிக்காட்டப்பட வேண்டியதாகும்.

வெளியுறவுத் துறையின் கொள்கைகளை நிர்ணயிப் பதில் வெளிநாட்டுத்துறை அமைச்சக அதிகார வர்க்கமும், உளவு நிறுவனங்களுமே, தீர்மானகரமான சக்திகளாக மாறி நிற்கின்றன. இந்திரா பிரதமராக இருந்த போது, அவர் பல்வேறு பிரச்சினைகளில் தன்னிச்சையான முடிவுகளை எடுக்கும் பிரதமராக செயல்பட்டிருக்கிறார் என்பதற்கான சான்றுகள் உண்டு.

பார்ப்பன அதிகார வர்க்கத்தின் ஆலோசனைகளை அவ்வப்போது ஏற்பவராக இருந்தாலும், முழுமையான கைப்பாவையாக அவர் மாறிடவில்லை என்ற முடிவுக்கே வர நேரிடுகிறது. பாகிஸ்தான் இந்தியாவுக்கு எப்போதும் அச்சுறுத்தலாக இருக்கும் என்று கருதிய இந்திரா, அந்நாட்டை கூறு போட்டு, பங்களாதேஷ் நாட்டை உருவாக்கிட முடிவெடுத்து, அதற்கு இந்தியாவின் ராணுவ உதவியையும் வழங்கினார். அதுபோல இலங்கையையும், இந்திரா உடைத்து விடுவார் என்ற அச்சம் - அன்றைய அதிபர் ஜெயவர்த்தனாவுக்கு இருந்து வந்தது.

இலங்கைப் பிரச்சினையில் சிங்களத் தலைவர்களைப் பற்றிய சரியான பார்வை, இந்திராவுக்கு இருந்தது என்று மறைந்த அன்டன் பாலசிங்கம் தனது ~போரும் அமைதியும்| நூலில் குறிப்பிடுகிறார். 'இந்திரா தொடர்ந்து அதிகாரத்தில் இருந்தால், அவர் இலங்கையை இரண்டாகப் பிரித்து விடுவார் என்று ஜெயவர்த்தனா என்னிடம் பலமுறை கூறியதுண்டு" என்று, இந்திய வெளியுறவுத் துறையின் மூத்த அதிகாரி ஜெ.என்.தீட்சித் தனது �யுளளபைnஅநவெ ஊழடழஅடிழ� நூலில் குறிப்பிடுகிறார்.

இந்திராவின் மரணத்தைத் தொடர்ந்து, அரசியலின் ஆழம் புரியாத - ராஜீவ் காந்தி பிரதமராக வந்தார். பார்ப்பன அதிகார வட்டம் மகிழ்ச்சிக் கடலில் குதித்தது. ஆசியாவின் வலிமை மிக்க தலைவராக உயரவேண்டும் என்ற துடிப்பில் இருந்த ராஜீவுக்கு அதிகார வர்க்கம் தூபம் போட்டது.

கடந்த காலத்தில் இந்திராவின் ஆட்சியில் பின்பற்றப்பட்டு வந்த வெளியுறவுக் கொள்கைகளை மாற்றி அதிரடியான நடவடிக்கைகளில் இறங்கினால்தான் உடனடியான மாற்றங்களைக் கொண்டு வர முடியும் என்று ராஜீவ் காந்தியிடம் தெரிவிக்கப்பட்டன. அதற்கு ராஜீவ் காந்தியும் பச்சைக்கொடி காட்டினார். அதன் காரணமாக இலங்கைப் பிரச்சினையில் இந்திராவின் ஆலோசகர்களாக இருந்த அதிகாரிகள் ஓரம் கட்டப்பட்டனர். ஈழத் தமிழர் பிரச்னையில் ஓரளவு தமிழர்களுக்கு ஆதரவாக செயல்பட்ட பார்த்தசாரதியிடமிருந்து அந்தப் பொறுப்புகளைப் பறித்து ரமேஷ் பண்டாரி என்ற மற்றொரு பார்ப்பன அதிகாரியிடம் ராஜீவ் ஒப்படைத்தார்.

இலங்கை உட்பட - ஆசியாவில் - இந்தியாவின் வெளியுறவுக் கொள்கைகளைத் தீர்மானிக்கும் சக்திகளாக உளவுத்துறை, வெளியுறவுத் துறையின் பார்ப்பனிய அதிகார வர்க்கம் உருவெடுத்தது. ராஜீவ் ஆட்சிக் காலத்தில் நிகழ்ந்த இந்த கொள்கை மாற்றங்களை விடுதலைப் புலிகளின் ஆலோசகர் அன்டன் பாலசிங்கம் எழுதிய ~போரும் அமைதியும்| நூலில் பதிவு செய்துள்ளார். (அந்நூலின் 64, 65 ஆம் பக்கங்கள்) இந்திராவின் ஆலோசகராக செயல்பட்டு வந்த பார்த்தசாரதியை அன்டன் பாலசிங்கம் புதுடில்லியில், அந்த அதிகாரியின் இல்லத்தில், 1985 ஜனவரியில் சந்தித்துப் பேசினார்.

ராஜீவ் ஆட்சிக்கு வந்த பிறகு, வெளியுறவுக் கொள்கைகள் மாற்றப்பட்டு வருகின்றன என்று கூறிய பார்த்தசாரதி, இணக்கமான அணுகுமுறைகளை கைவிட்டு இனி கடுமையான போக்குகளைப் பின்பற்ற முடிவு செய்துவிட்டார்கள். ராஜீவ், ஜெயவர்த்தனாவை நம்பத் துவங்கிவிட்டார் என்றும், ஜெயவர்த்தனாவின் இரட்டை வேடம் - சூழ்ச்சிகளை, ராஜீவிடம் எடுத்துச் சொல்லி, அவரை ஏற்க வைக்கும் நிலையில் தான் இல்லை என்றும், பிரச்சினை தனது கையை விட்டுப் போய்விட்டது என்றும், பார்த்தசாரதி தம்மிடம் கூறியதாக, பாலசிங்கம் பதிவு செய்துள்ளார்.

'போராடும் அமைப்புகள் தங்களுக்குள் ஒருங்கிணைப்பை உருவாக்கிக் கொண்டு, பொதுவான கோரிக்கைகளை உருவாக்கி, பேச்சுவார்த்தையில், அழுத்தமாக வலியுறுத்துங்கள்" என்று ஆலோசனை கூறிய பார்த்தசாரதி, இனி உளவுத்துறைதான் இந்தப் பிரச்சினைகளை விவாதிக்கும் என்பதையும் சுட்டிக் காட்டினார். (Mr. Parthasarathy also told me that the Indian Intelligence agencies would soon brief us on the new policies and approaches of Rajiv's administration) ஆக, ராஜீவ் பிரதமராக வந்த பிறகு, வெளியுறவுக் கொள்கைகளை - குறிப்பாக ஈழப் பிரச்சினைக்கான கொள்கைகளையும் அணுகுமுறைகளையும் தீர்மானிக்கும் உரிமைகளை உளவுத்துறை பார்ப்பனிய அதிகார வர்க்கம் எடுத்துக் கொண்டு விட்டது என்பதை இது உறுதிப்படுத்துகிறது. ஒரு ஜனநாயக அமைப்பில் அரசியல் தலைவர்கள் - அமைச்சர்கள் தீர்மானிக்க வேண்டிய கொள்கைகளை அவர்களை எல்லாம் ஓரம் கட்டிவிட்டு, அதிகாரவர்க்கம், தன் கரங்களில் எடுத்துக்கொண்டது.

இந்த மாற்றங்கள் - வெளிப்படையாகவே தெரியத் தொடங்கின. ஒருபுறம் டெலோ அமைப்பும், மறுபுறம் விடுதலைப் புலிகள் அமைப்பும், இலங்கை ராணுவத்துக்கு எதிராகத் தீவிரமான தாக்குதல்களை நடத்தி வந்தன. யாழ்தேவி தொடர் வண்டியில் டெலோ நடத்திய தாக்குதலில் (1985 ஜன. 19-ல்) 22 ராணுவத்தினர் கொல்லப்பட்டனர். கொக்கிளாய் ராணுவ முகாம் மீது விடுதலைப் புலிகள் நடத்திய தாக்குதலில் (1985, பி.13) 106 சிங்கள ராணுவத்தினர் பலியானார்கள். அதிர்ந்து போனது இலங்கை ராணுவம். தாக்குதலை சமாளிக்க முடியாத நிலையில், முல்லைத்தீவில் தமிழர் அகதிகள் முகாமில் பதிலடித் தாக்குதலை நடத்தி 52 அப்பாவித் தமிழர்களைக் கொன்றது. இந்த ~இனப் படுகொலையைத் தடுக்க வேண்டும்| என்று தமிழ் ஈழ அரசியல் தலைவர்கள் இந்தியாவுக்கு வேண்டுகோள் விடுத்தும் - இந்தியா மவுனம் சாதித்தது.

கடந்த காலங்களில் இத்தகைய இனப்படுகொலைகளைக் கண்டித்து வந்த இந்தியா - அப்போது மவுனம் சாதித்தது, இந்தியாவின் அணுகுமுறையில் ஏற்பட்டிருந்த மாற்றத்தை அறிவிப்பதாகவே இருந்தது, என்கிறார் அன்டன் பாலசிங்கம்.

1985 ஆம் ஆண்டு மார்ச் மாதம் - ஈழப் போராளிக் குழுக்களின் தலைவர்களை, உளவு நிறுவனங்கள் அழைத்தன. அவர்களிடம், உளவு நிறுவன அதிகாரிகள், இந்தியாவின் புதிய கொள்கைகளை விளக்கினார்கள்.

அப்போது ~ரா| உளவு நிறுவனத்தின் தலைவராக இருந்தவர் கிரிஷ் சந்திரசெக்சேனா. இவர் தான் ராஜீவ் காந்தியின் பாதுகாப்பு ஆலோசகராக பிறகு நியமிக்கப்பட்டார். அதன் பிறகு ஜம்மு காஷ்மீர் மாநிலத்தின் ஆளுநராகவும் நியமிக்கப்பட்டார். சென்னையில் ஒரு ரகசிய இடத்தில் - ~ரா| தலைவர் சச்சேனா அழைப்பை ஏற்று, விடுதலைப் புலிகள் தலைவர் பிரபாகரனும், அன்டன் பாலசிங்கமும் அவரை சந்தித்தனர். அதிகார மிடுக்குடன், பேசிய அந்த அதிகாரி - 'கடந்த கால அணுகுமுறை இப்போது மாறிவிட்டது. இலங்கைத் தமிழர்களை ராணுவத் தாக்குதல்களிலிருந்து காப்பாற்றுவதற்குத்தான் உங்களுக்கு இந்தியா ஆயுதம் வழங்கியதே தவிர, தனிநாடு போராட்டத்துக்கு அல்ல. அது உங்களின் உணர்வாக இருக்கலாம். ஆனால், அங்கே நாடு பிரிவதை இந்தியா ஒருபோதும் ஆதரிக்காது. அது எங்கள் நாட்டில் பெரும் பாதிப்புகளை உருவாக்கிவிடும்" என்று கூறிய அவர், பிரபாகரனைப் பார்த்து, குரலை உயர்த்தி, 'எங்களின் இந்த அணுகுமுறையைப் புரிந்து கொண்டு, நீங்கள் ஆதரித்தாக வேண்டும்" என்றார்.

~ரா|வைத் தொடர்ந்து வேறு ஒரு நாளில், இந்திய உளவுத்துறை (அய்.பி.) அழைத்தது. விடுதலைப் புலிகள் தலைவர் பிரபாகரன் - அன்டன் பாலசிங்கத்தை சந்தித்தவர் உளவுத்துறை இயக்குனராக இருந்த இதே எம்.கே.நாராயணன் தான். உ.பி. மாநிலம் காசியில் இந்த சந்திப்பு நடந்தது. சச்சேனா கடுமையான குரலில் - புதிய வெளியுறவுக் கொள்கையை விளக்கினார் என்றால், எம்.கே.நாராயணன், மென்மையாக, அதே கருத்தை பிரதிபலித்தார். இவை எல்லாம் உளவுத்துறை வழக்கமாகப் பின்பற்றும் தந்திரங்கள் தான். ~தெற்கு ஆசியாவின் வலிமையான நாடு இந்தியா. இந்த மண்டலத்தில் நிலையான அமைதியைக் கொண்டு வருவது இந்தியாவின் கடமை. தெற்கு ஆசியாவை அமைதி மண்டலமாக்கிடுவதற்கான புதிய திட்டங்களை, நாங்கள் வகுத் துள்ளோம். இதற்கு நீங்கள் ஒத்துழைக்க வேண்டும்" என்றார் எம்.கே.நாராயணன்.

இந்தியாவின் பல்வேறு இனங்களை தனது அதிகார மய்யத்தின் கீழ் அடக்கி வரும் இந்திய தேசிய ஆட்சி, தனது எல்லைகளையும் கடந்து, தெற்கு ஆசிய மண்டலம் முழுவதற்கும் ~அமைதியை| தனது அதிகார வலிமையால் திணிக்க விரும்பியது. தெற்கு ஆசியா அமைதி மண்டலமாக இருப்பதுதான் அவர்களின் ஒரே நோக்கமே தவிர, அங்கு ஒடுக்கப்படுகிற இனங்களின் பிரச்சினைகள், அடக்குமுறைகள் அவர்களுக்கு முக்கியமல்ல. இதுவே ராஜீவ் காந்திக்கு பார்ப்பனிய அதிகார வர்க்கம் உருவாக்கிக் கொடுத்த, புதிய வெளியுறவுக் கொள்கைக்கான அணுகுமுறையாகும். இந்திய அதிகாரப் பார்ப்பன மேலாண்மையின் விரிவாக்கமாகவே இது அமைந்திருப்பதைப் புரிந்து கொள்ள முடிகிறது அல்லவா?

இலங்கை ராணுவத்தின் ஒடுக்குமுறை பற்றியும் ஜெயவர்த்தனா விரிக்கும் சூழ்ச்சி வலை பற்றியும் பிரபாகரன், எம்.கே.நாராயணனிடம் எடுத்துக் கூறினார், அவற்றைப் பொறுமையுடன் கேட்ட எம்.கே. நாராயணன், இறுதியில் தனது கருத்தையே மீண்டும் வலியுறுத்தினார். இதனைத் தொடர்ந்து, வேகமான மாற்றங்கள் உருவாயின. ~டெலோ|, ஈ.பி.ஆர்.எல்.எப்.|, ~ஈரோஸ்| ஆகிய அமைப்புகள் கூட்டாக உருவாக்கியிருந்த ~ஈழ தேசிய விடுதலை முன்னணி� (ஈ.என்.எல்.எல்.) என்ற கூட்டமைப்பில், விடுதலைப் புலிகளும் அங்கமாகியது. பூட்டான் தலைநகரான திம்புவில் இலங்கை அரசின் பிரதிநிதிகளுடன், போராளிகளின் பிரதிநிதிகள் பேச்சுவாத்தை நடத்த உளவு நிறுவனங்கள் ஏற்பாடு செய்தன. பேச்சுவார்த்தை துவங்குவதற்கு இரு வாரங்களுக்கு முன் ராணுவ விமானத்தில் போராளி குழுக்களின் தலைவர்களை டெல்லிக்கு அழைத்து, நட்சத்திர ஓட்டலில் தங்க வைத்தனர். போராளிகளை ~ரா| தலைமை நிலையத்துக்கு அழைத்துப் பேசிய ~ரா| உளவு நிறுவனத் தலைவர் சச்சேனா
'பேச்சுவார்த்தைக்கு முழு ஒத்துழைப்பு தந்தாக வேண்டும். எந்த மீறலையும், மோதலையும், ராஜீவ் அரசு சகித்துக் கொள்ளாது. அப்படி ஏதும் நடக்குமானால், இந்தியாவில் நீங்கள் பாதுகாப்பு கோரி அடைக்கலம் கோர முடியாது. எந்தப் பாதுகாப்பு உதவியையும் இந்தியா செய்யாது. பூட்டானில் பேச்சுவார்த்தை, இன்னும் இரண்டு வாரங்களில் துவங்கும். பங்கேற்க மறுப்பீர்களேயானால், இந்தியாவின் மண்ணையோ, அல்லது இந்தியாவின் கடற்பரப்பையோ நீங்கள் பயன்படுத்திக் கொள்ள முடியாது. (If you refuse to attend, neither Indian soil, nor territorial waters will be made available to you) என்று மிரட்டினார் (அன்டன் பாலசிங்கம் எழுதிய ~போரும் அமைதியும்| நூல். பக்.76)
தாயகத்தின் விடுதலைக்காக போராட முன் வந்துள்ள விடுதலை இயக்கங்களின் தலைவர்களிடம், அரசிடம் ஊதியம் பெறும் அதிகாரிகள், அதிகாரத் திமிருடன், உதிர்த்த வார்த்தைகளே இவர்களின் பார்ப்பனிய அதிகாரத்துவத்தை அப்பட்டமாகப் படம் பிடித்துக் காட்டுகிறது.

திம்பு பேச்சுவார்த்தையில் போராளிகளை பங்கேற்கச் செய்வதில் பெரும் வெற்றி பெற்றுவிட்டதாகவும், இது மகத்தான சாதனை என்றும் உளவுத்துறை அதிகார வர்க்கம் பீற்றிக் கொண்டது. ஆனால் நடந்தது என்ன? திம்பு பேச்சுவார்த்தை நடந்து கொண்டிருக்கும்போதே (1985-ஆகஸ்டு) ஜெயவர்த்தனா ஆட்சி, தமிழர்கள் மீது ராணுவத் தாக்குதலைத் தீவிரப்படுத்தியதோடு, போராளிகளின் மறைவிடங்களிலும், தாக்குதல்களை தொடுத்தது. செய்திகளை அறிந்த போராளிகள், பேச்சுவார்த்தையை பாதியிலேயே முறித்துக் கொண்டு வெளியேறினர்.

வெளியுறவு மற்றும் உளவுத்துறை அதிகார வர்க்கத்தின் முயற்சிகள் பெரும் தோல்வியை சந்தித்தன. திம்புப் பேச்சு தோல்வி அடைந்த பிறகும், அதிகார வர்க்கம் தனது போக்கை மாற்றிக் கொள்ளவில்லை. திம்பு பேச்சுவார்த்தையின் போது போராளிகளுடன் சென்னையிலிருந்து தொலைபேசியில் (hotline) தொடர்பு கொண்டு கருத்துகளைத் தெரிவித்து வந்தார் பாலசிங்கம்! பேச்சு வார்த்தை முறிந்ததற்கு பாலசிங்கம் தான் காரணம் என்று உளவுத்துறை முடிவு செய்தது.

பேச்சுவார்த்தை நடக்கும் போதே - தமிழர்கள் மீது ஜெயவர்த்தனா, தாக்குதல்களைத் தீவிரப்படுத்தியதைப் பற்றியோ, உருப்படியான திட்டங்களை ஜெயவர்த்தனா ஆட்சி முன்வைக்காதது பற்றியோ கவலைப்படாத உளவுத்துறை, போராளிகளை மிரட்டி, பணிய வைப்பதில் மட்டும் குறியாக இருந்தது. பாலசிங்கம் - திம்புவில் தொடர்பு கொண்டு பேசியதை பதிவு செய்து கண்காணித்து வந்த உளவுத்துறை, பாலசிங்கத்தின் மீது கோபம் கொண்டது. (திம்புவில் தொடர்பு கொண்டு பேசும் இணைப்புகளை உருவாக்கித் தந்ததே உளவுத்துறைதான்) கோபமடைந்த உளவுத்துறை பாலசிங்கத்தை இந்தியாவிலிருந்து நாடு கடத்த உத்தரவிட்டது.

1985 ஆக. 23 ஆம் தேதி சென்னை பெசன்ட் நகரில் விடியற்காலையில் அன்டன் பாலசிங்கம் தங்கியிருந்த வீட்டில், அவரை கைது செய்த காவல்துறை அடுத்த நாளே விமானத்தில் ஏற்றி லண்டனுக்கு அனுப்பியது. ஏற்கனவே லண்டனுக்குப் போய்விட்ட ~டெலோ| ஆலோசகர்கள் சந்திரகாசன், நடேசன் சத்தியேந்திரா ஆகியோருக்கும் நாடு கடத்தல் தமிழிகத்திலிருந்து உத்தரவு பிறப்பிக்கப்பட்டது.

உளவு நிறுவனத்தின் கைபொம்மையாகி, ராஜீவ் ஆட்சி எடுத்த இந்த விபரீத முடிவு நாடு முழுவதும் கடும் எதிர்ப்புகளை உருவாக்கியது. தமிழ்நாடு கொந்தளித்து எழுந்தது. இதனால் அடுத்த ஆறு வாரங்களில் நாடு கடத்தல் உத்தரவு ரத்து செய்யப்பட்டது.
தொடர்ந்து ராஜீவ் காந்தி மேற்கொண்ட ஈழத் தமிழர் பிரச்சினை தொடர்பான அனைத்து நடவடிக்கைகளும் தோல்வியிலேயே முடிந்திருக்கின்றன. உளவுத்துறையும், அதிகார வர்க்கமும் மேற்கொண்ட ~திணிப்பு| நடவடிக்கைகள் வெற்றி பெறாமலே போனது.

ஈழத் தமிழ்ப் போராளி குழுக்களுக்கு, இந்தியாவில் - ஆயுதப் பயிற்சி வழங்கப்பட்டதற்கான காரணமே, இலங்கை அரசை மிரட்டி, இந்தியாவின் கட்டுப்பாட்டுக்குள் கொண்டு வருவதுதான் என்பதை, ஏற்கனவே சுட்டிக் காட்டியிருந்தோம்.

உளவுத் துறையின் செயல்பாடுகள், அந்த எல்லையோடு மட்டும் நின்று விடவில்லை. போராளிக் குழுக்களை, வேறு பிரச்சினைகளுக்குப் பயன்படுத்திய அதிர்ச்சியூட்டும் சம்பவங்களும் உண்டு.
தென்கிழக்கு ஆசியாவில், காஷ்மீர், சிக்கிம் நாடுகளை தனது கட்டுப்பாட்டுக்குக் கீழே கொண்டு வந்த பிறகு, நேபாளம், பூட்டான் நாடுகளும், இந்திய ராணுவத்தின் கட்டுப்பாட்டின் கீழ் கொண்டு வரப்பட்டுவிட்டன.

இலங்கையையும் தனது கட்டுப்பாட்டுக்குக் கீழே கொண்டு வரும் முயற்சிகள் தொடங்கிய நிலையில் இலங்கைக்கு அருகிலே உள்ள மாலத்தீவு மட்டும் ஒதுங்கியே இருந்தது. மாலத்தீவிலே தொடர்ந்து ஆட்சி அதிகாரத்தில் இருந்து வருபவர் அப்துல் ஹயூம். இந்தியாவுடன் அதிக நெருக்கமில்லாத அப்துல்ஹயூம், பாகிஸ்தானோடு மிகவும் நெருக்கமாக இருந்தவர். மாலத்தீவையும், இந்தியாவின் கட்டுப்பாட்டுக்குள் கொண்டுவர, ~ரா| உளவு நிறுவனம் திட்டம் தீட்டியது. அதற்கான ரகசிய திட்டங்கள் உருவாக்கப்பட்டன.

அப்துல் ஹயூம், ஏற்கனவே ஆட்சியிலிருந்தவர்களைக் கவிழ்த்து விட்டு அதிகாரத்தைப் பிடித்தவர். அவரால், ஆட்சியிலிருந்து விரட்டி அடிக்கப்பட்டவர்கள் இரண்டு பேர். ஒருவர் சிங்கப்பூரிலும், மற்றொருவர் கொழும்பிலும் தஞ்சமடைந்திருந்தனர். இவர்களைப் பயன்படுத்தி மாலத்தீவில் கலகம் ஒன்றை உருவாக்கி, ஆட்சியைக் கவிழ்க்க திட்டங்கள் உருவாக்கப்பட்டன. இதற்கு - ஈழப் போராளி குழு ஒன்றையே பயன்படுத்த இந்தியாவின் உளவு நிறுவனம் ~ரா| (RAW - Research and Analysis Wing) முடிவு செய்தது.

இந்தியாவிடம் நேரடியாகப் பயிற்சிப் பெற்ற போராளிக் குழுக்களைப் பயன்படுத்தினால், பின்னணியில் இந்தியா நிற்பது புரிந்து விடும் என்பதால், இந்தியாவின் பயிற்சித்திட்டத்திலிருந்து ஒதுங்கி நின்ற உமாமகேசுவரனின் தலைமையில் செயல்பட்ட ~புளோட்| என்ற போராளிக் குழுவைப் பயன்படுத்த முடிவு செய்தார்கள். முதலில் - கொழும்புக்கும், சிங்கப்பூருக்கும் சென்று, அப்துல் ஹயூமின் அரசியல் எதிரிகளை சந்தித்துப் பேசி, ஒப்புதல் பெற்றது ~ரா| நிறுவனம்.

வவுனியாவில் செட்டிகுளம் என்ற பகுதியில் தங்கியிருந்தார் உமாமகேசுவரன். அப்போது விடுதலைப் புலிகள் அமைப்புக்கும், உமாமகேசுவரன் அமைப்புக்குமிடையே மோதல்கள் நடந்து கொண்டிருந்தன. 1987 ஆம் ஆண்டு, ஆகஸ்டு 22 ஆம் தேதி இந்திய ராணுவத்தின் விசேட விமானம் வவுனியா வந்து, உமாமகேசுவரனை சென்னைக்கு அழைத்து வந்தது. சென்னை ஆழ்வார் பேட்டையில் உள்ள ஒரு வீட்டில் உமாமகேசுவரன் - ரா அதிகாரிகள் ரகசிய சந்திப்பு நடந்தது.

மாலத்தீவுப் பிரச்சினையை வெளிப்படையாக சொல்லாமல், தாங்கள் கூறும் பகுதியில் தாக்குதல் நடத்த வேண்டும் என்றும், அதற்குரிய பணம், ஆயுதம் வழங்குவதாகவும் ~ரா| பேரம் பேசியது. புலிகளுக்கு எதிராகவே, தம்மை ~ரா| நிறுவனம் பயன்படுத்துவதாக உமாமகேசுவரன் கருதி சம்மதம் தெரிவித்தார். ஒரு தொகை முன் பணமாக வழங்கப்பட்டது. தாக்குதல் நடத்தப்படும் இடம், நாள் ஆகியவற்றை பிறகு தெரிவிப்பதாக, ~ரா| அதிகாரிகள் கூறிவிட்டனர். மீண்டும் ராணுவ விமானத்திலேயே உமாமகேசுவரன் வவுனியாவுக்கு அனுப்பி வைக்கப்பட்டார். ~ரா| நிறுவனம் தந்த பணத்தைக் கொண்டு கற்பிட்டி என்ற பகுதியில் ~மாசிக்கருவாடு| (இது இலங்கையில் பிரபலமான உணவு) தயாரிப்பு தொழிற்சாலை ஒன்றையும், கொழும்பின் புறநகர்ப் பகுதியில், மிகப் பெரிய கோழிப் பண்ணை ஒன்றையும் ஏற்படத்த, உமாமகேசுவரன் முதலீடு செய்து, ~ரா|வின் அழைப்புக்காகக் காத்திருந்தார்.

இந்த நிலையில் கோழி இறைச்சி ஏற்றுமதி வியாபாரி என்று கூறிக் கொண்டு, தனது பெயர் அப்துல்லா என்று கூறிக்கொண்டு, ஒருவர், உமாமகேசுவரனை சந்தித்தார். உமாமகேசுவரனும், ஒரு கோழி வியாபாரி என்ற முறையிலேயே பேசினார். சந்திக்க வந்தவர் - 'உங்களை எனக்குத் தெரியும்; நீங்கள்தான் புளொட் தலைவர் உமாமகேசுவரன்; நான் மாலத்தீவின் குடிமகன்; மாலத்தீவில் அப்துல் ஹயூம், இஸ்லாமிய நெறிகளுக்கு எதிராக ஆட்சி நடத்துகிறார். மக்களுக்கு உரிமை இல்லை. அவரது ஆட்சியைக் கவிழ்க்க வேண்டும். ~ரா| அதிகாரிகள் தான், என்னிடம் உங்களை சந்திக்கச் சொன்னார்கள்" என்று கூறியவுடன், உமாமகேசுவரன் அதிர்ச்சியடைந்தார்.

'மாலத்தீவு பற்றி என்னிடம் ~ரா| அதிகாரிகள் எதுவும் சொல்லவில்லையே அங்கே ஆட்சிக் கவிழ்ப்புக்கு நான் என்ன செய்ய முடியும்?" என்று கேட்டார். 'உங்களிடம் இது பற்றி பேசியிருப்பதாக ~ரா| அதிகாரிகள் என்னிடம் கூறினார்களே, உங்களிடம் ஏதும் கூறவில்லையா? அவர்கள் உங்களிடம் திட்டங்களை விரிவாகக் கூறுவார்கள். நீங்கள் அவர்களுடன் பேசி, உங்கள் சந்தேகங்களைத் தீர்த்துக் கொள்ளுங்கள். நம்முடைய சந்திப்பின் நினைவாக, இந்தப் பரிசை பெற்றுக் கொள்ளுங்கள்" என்று கூறி, புத்தம் புதிய ~மெஸ்டா| கார் ஒன்றை பரிசாக வழங்கிவிட்டு அப்துல்லா விடைபெற்றார். இடையில் ஒருவார காலம் ஓடியது. மற்றொரு ~ரா| அதிகாரி, உமாமகேசுவரனை சந்தித்தார். கேரளாவின் துறைமுக நகரமான கொச்சினில் அடுத்து சந்திக்க வேண்டும்; இது வேறு யாருக்கும் தெரிய வேண்டாம் என்று கூறிச் சென்று விட்டார்.

இந்த முறை இந்திய ராணுவ விமானத்தில் உமாமகேசுவரன் செல்லவில்லை. இந்தியன் ஏர்லைன்ஸ் விமானத்தில் கொழும்பிலிருந்து திருவனந்தபுரம் வந்தார். ~ரா| அதிகாரிகள் அவரை அங்கிருந்து காரில் கொச்சினுக்கு அழைத்துச் சென்றனர். கொச்சின் துறைமுகத்தில் நிறுத்தப்பட்டிருந்த சிங்கப்பூர் கப்பல் ஒன்றில் இந்த முக்கிய சந்திப்பு 1987 அக்டோபர் 14 ஆம் தேதி நடந்தது. மாலத்தீவில் ஆட்சிக் கவிழ்ப்புக்கு ஏன் இவ்வளவு ஆர்வம் காட்டுகிறீர்கள் என்று ~ரா| அதிகாரிகளிடம் உமாமகேசுவரன் கேட்டார். அதற்கு ~ரா| அதிகாரிகள் இவ்வாறு பதிலளித்தனர்:

'இந்தியா மிகப் பெரிய நாடு ராஜீவ் ஆசியாவிலேயே பெரும் தலைவராக வளர்ந்து வருகிறார். ஆனால், இது ஜெயவர்த்தனாவுக்கோ, சிங்கள அரசியல்வாதிகளுக்கோ தெரியவில்லை. நாங்கள் அவர்களுக்கு இதைப் புரிய வைக்க வேண்டும். தமிழ்நாட்டில் விடுதலைப் புலிகள் செல்வாக்கு பெற்று, எல்லா இடங்களிலும் ஊடுருவி விட்டார்கள். இந்த நிலையில் ஜெயவர்த்தனா - ஜெ.வி.பி. - விடுதலைப் புலிகளுக்கு நாங்கள் பாடம் கற்பிக்க விரும்புகிறோம்; அதற்கு ஒரு தளம் வேண்டும்; எனவே தான் மாலத்தீவைப் பயன்படுத்தத் திட்டமிட்டுள்ளோம்; ஏற்கனவே, ஆட்சி அதிகாரத்திலிருந்து இறக்கப்பட்ட தற்போதைய அதிபரின் அரசியல் எதிரிகளை முன்னிறுத்தி இதை நடத்தத் திட்டமிட்டுள்ளோம்.
இதை நீங்கள் வெற்றிகரமாக செய்து முடித்து விட்டால், மாலத்தீவிலுள்ள இரண்டு தீவுகளை நீங்கள் தளமாகப் பயன்படுத்திக் கொள்ள ஏற்பாடு செய்கிறோம். அந்தத் தீவிலிருந்து கிடைக்கும் வருமானத்தையும் நீங்களே எடுத்துக் கொள்ளலாம்" என்று உமாமகேசுவரனுக்கு நம்பிக்கை ஊட்டினார்கள். மூன்று மணிநேரப் பேச்சுவார்த்தைக்குப் பின்பு உமாமகேசுவரன் மாலத்தீவில் ஆட்சிக்கவிழ்ப்புக்கு சம்மதித்தார்.

'பாலத்தீன மக்கள் விடுதலை முன்னணியிடம் பயிற்சி பெற்றவர்கள் என்னிடம் இருக்கிறார்கள்; எனக்குத் தேவை ஆயுதமும், பணமும் தான்" என்று உமாமகேசுவரன் கூறினார்.

'அது பிரச்சினையல்ல, கொழும்பில், உங்களுக்கு முதல் கட்டமாக அப்துல்லா (அவரும் அப்போது உடனிருந்தார்) ஒரு கோடி ரூபாய் இலங்கைக் காசு தருவார். எல்லாம் முடிந்த பிறகு ரூ.10 கோடி இலங்கைக் காசு தருகிறோம். அடுத்த வாரம் ஆயுதங்கள் உங்கள் கைகளில் கிடைக்கும்" என்று ~ரா| அதிகாரிகள் தெரிவித்தனர்.

ஆயுதங்களை எங்கே வைப்பீர்கள் என்ற கேள்வியை ~ரா| அதிகாரிகள் கேட்டனர். மன்னார் மாவட்டத்தில் எங்கள் கட்டுப்பாட்டுப் பகுதியில் வைத்துக் கொள்கிறோம் என்றார், உமாமகேசுவரன். விடுதலைப் புலிகள் உங்கள் பகுதியில் ஊடுருவி, தாக்குதல் நடத்தினால் என்ன செய்வீர்கள் என்று ~ரா| அதிகாரிகள் கேட்டனர். சற்று நேரம் அவர்களே யோசித்துவிட்டு, 'உங்கள் கட்டுப்பாட்டுப் பகுதிகளை விடுதலைப் புலிகள் கைப்பற்றாமல் இருக்க இந்திய அமைதிப்படையின் கட்டுப்பாட்டின் கீழ் அதைக் கொண்டு வந்து விடுகிறோம்" என்று கூறினர். அந்தப் பகுதி அப்போது அமைதிப் படையின் கட்டுப்பாட்டின் கீழ் வராமல் இருந்தது.

அதன்படி கொச்சின் சந்திப்புக்குப் பிறகு, புளோட் முகாம்கள் இருந்த முள்ளிகுளம், செட்டிகுளம், முருங்கன் ஆகிய பகுதிகள், புளோட் ஒப்புதலோடு இந்திய ~அமைதி|ப்படையின் கட்டுப்பாட்டுக்குள் கொண்டு வரப்பட்டன. அப் பகுதிகளை இணைக்கும் முக்கிய தரை வழிப் பகுதிகளில் இந்திய இராணுவத் தடை அரண்கள் உருவாக்கப்பட்டன. மாலத்தீவு ஆட்சியைக் கவிழ்ப்பதற்கான ஆயுதங்களைப் பாதுகாத்து வைப்பதற்காகவே, தமிழ் ஈழ மண்ணில் ~ரா| உளவுத் துறை இந்த நடவடிக்கைகளில் இறங்கியது.

அதே நேரத்தில் - தமிழ்நாட்டில் மண்டபத்துக்கு அருகே உள்ள தீவு ஒன்றில் வைத்து ~ரா| - ~புளோட்|டுக்கு ஆயுதங்கள் வழங்கியது. மண்டபத்துக்கு அருகே உள்ள ஒரு தீவிலேயே மூன்று பிரிவுகளுக்கு பயிற்சிகளும் தரப்பட்டன.

நன்றி: புரட்சிப் பெரியார் முழக்கம

நன்றி - தமிழ்நாதம்

இரவில் மூடப்படுகிறது கொழும்பு கட்டுநாயக்க வானூர்தி நிலையம்!

சிறிலங்கா கொழும்பு கட்டுநாயக்க வானூர்தி நிலையத்தினை இரவில் மூடும் முடிவை சிறிலங்கா அரசாங்கம் மேற்கொண்டுள்ளது.


வான்புலிகளின் தாக்குதலால் சிறிலங்காவுக்கான பல வானூர்தி சேவைகள் நிறுத்தப்பட்டு வரும் நிலையில் பகல் சேவைகளை மட்டும் வானூர்தி சேவை நிறுவனங்கள் மேற்கொள்ள வேண்டும் என்று சிறிலங்கா அரசாங்கம் கேட்டுக்கொண்டுள்ளது.

கட்டுநாயக்க வானூர்தி நிலையமானது எதிர்வரும் 10 ஆம் நாள் நாள்முதல் இரவில் மூடப்படவுள்ளது.

வானூர்தி நிலையம் இரவு 10 மணிமுதல் அதிகாலை 4.30 மணிவரை முழுதாக மூடப்படும் என்று சிறிலங்கா வானூர்தி சேவைகள் பணிப்பாளர் பராக்கிரம திசநாயக்க தெரிவித்துள்ளார்.
நன்றி>புதினம்.

விடுதலைப் புலிகளின் கொள்கைகளுக்கு இந்தியாவின் தமிழ் நாட்டிலுள்ள மக்ளிடையே நல்ல ஆதரவு இருப்பது தெளிவு-இங்கிலாந்து.

இலங்கை இனப்பிரச்சினைத் தீர்வுக்கு
இருதரப்புகளுடனும் பேச பிரிட்டன் தயார்!
நாடாளுமன்றத்தில் நேற்று விவாதம்.

லண்டன்,மே 3 இலங்கையின் நிலைவரம் தொடர்பாக இனப்பிரச்சினைத் தீர்வுக்கு உதவுவது குறித்து பிரிட்டன் நாடாளுமன்றத்தில் நேற்று விவாதம் ஒன்று இடம்பெற்றது.

பிரிட்டனின் ஆளும் தொழிற்கட்சி, கன்ஸர்வேட்டிவ் கட்சி உட்பட அனைத்துக் கட்சிகளின் உறுப்பினர்கள் இந்த விவாதத்தில் ஆர்வத்துடன் பங்கேற்று உரையாற்றியிருக்கின்றனர்.
இனப்பிரச்சினைத் தீர்வுக்காக இரண்டு தரப்புகளுக்கும் இடையே ஒரு சமமான அணுகுமுறையை கைக்கொண்டிருப்பது போன்ற தோற்றத்தை வெளிக்காட்ட விடுதலைப் புலிகளை அங்கீகரிக்க வேண்டிய தேவை இருக்கிறது என்று நாடாளுமன்ற உறுப்பினர்கள் பலர் வலியுறுத்திய போதிலும் அதற்கு பிரிட்டன் அரசு மறுத்துவிட்டது.

இலங்கையில் வன்முறைகள் அதிகரித்து மனித உரிமைமீறல்கள் இடம்பெறுகின்றமைக்கு இலங்கை அரசு மீதும் பிரிட்டன் நாடாளுமன்றம் வன்மையான அதிருப்தியை வெளியிட்டிருக்கிறது.

பிரிட்டிஷ் வெளிவிவகார அலுவல்கள் அமைச்சர் இந்த விவாதத்தில் உரையாற்றும்போது இலங்கைப் பிரச்சினை தொடர்பான தமது அரசின் நிலைப்பாட்டை தெளிவு படுத்தினார்.
""இனப்பிரச்சினைத் தீர்வுக்காக இலங்கையிலேயே விடுதலைப் புலிகளை சந்திக்க பிரிட்டிஷ் அரசு தயாராக இருக்கிறது. பிரிட்டிஷ் அரசு இந்த விடயத்தில் ஒரு முழுமையான சமநிலையை கடைப்பிடிக்கிறது. விடுதலைப் புலிகள் மற்றும் இலங்கை அரசு ஆகிய இருதரப்புகளுடனும் நாம் தொடர்பில் இருக்கிறோம்'' என்று அவர் கூறினார்.

""இலங்கைப் பிரச்சினைக்கு இராணுவ வழித்தீர்வு கிடையாது என்று பிரிட்டிஷ் அரசு நம்புகிறது. ஓர் உடன்பாடு குறித்த நம்பகத்தன்மை மிக்க கட்டமைப்பு தேவை. அனைத்து இலங்கையர்களும் மனித உரிமைகளை மதிக்கவேண்டும்'' என்றும் அவர் தெரிவித்தார்.
""இலங்கையில் வன்முறைகளை முடிவுக்கு கொண்டுவந்து அமைதியை ஏற்படுத்துவதற்காக முடிந்தவரையில் பங்களிப்பு வழங்க பிரிட்டன் தயாராகவே இருக்கிறது. என்றும் அவர் கூறினார்.

இந்த விவாத்தில் உரையாற்றிய கன்ஸர்வேட்டிங் கட்சியின் உறுப்பினர் ஜெவ்ரி கிளிவ்டென் பிறவுண் தெரிவித்தாவது:

இலங்கையில் வன்முறை அதிகரித்து நிலைமை மோசமடைந்தமைக்கு இலங்கை அரசுக்கு பங்கே இல்லை என்று கூறிவிட முடியாது. நாட்டின் வடபகுதியான யாழ்ப்பாணத்தை இணைக்கும் முக்கியமான வீதியான ஏ9 நெடுஞ்சாலையை அரசு மூடியமை இலங்கையை மேம்படுத்த உதவில்லை. இதுதவிர இலங்கையின் வடக்குகிழக்கு மக்களுக்கு உதவி மிகவும் அவசியமாக தேவைப்பட்ட நிலையில் சர்வதேச உதவி நிறுவனங்கள் அங்கு செல்ல அரசு அனுமதி தரவில்லை என்பதும் ஏற்றுக்கொள்ள இயலாதது.

சிறுபான்மையினருக்கு இலங்கை அரசியலில் பிரதிநிதித்துவம் தரப்படவேண்டும் என்பது தீவிரமாகப் பரிசீலிக்கப்படவேண்டும்.

இனப்பிரச்சினைக்கு நீண்டகால அரசியல் தீர்வு எட்டத் தகுதியுடையதாக இலங்கை அரசு மாறவேண்டுமானால் அனைத்துத் தரப்பினையும் உள்ளடக்கிய ஓர் அரசியல் வழிமுறை என்பது மிகமிக அவசியம். தமிழ் மக்களுக்கு அதிகாரப் பகிர்வு வழங்கப்படும் என்பது தெளிவாக்கப்படவேண்டும்.

இனப்பிரசினையைத் தீர்ப்பதில் இந்தியாவின் பங்கு குறித்தும் நான் இங்கு கூறவிரும்புகிறேன். இலங்கைப் பிரச்சினையைத் தீர்ப்பத்தில் இந்திய அரசுக்கு முக்கிய பங்கு இருப்பதாக நான் நம்புகிறேன்.

விடுதலைப் புலிகளின் கொள்கைகளுக்கு இந்தியாவின் தமிழ் நாட்டிலுள்ள மக்ளிடையே நல்ல ஆதரவு இருப்பது தெளிவு என்றார்.
நன்றி>உதயன்

கன்னியாகுமரி மீனவர் பிரச்சினை- தமிழக டிஜிபியின் அறிக்கை மர்ம நாவலைப் போல் உள்ளது: மருத்துவர் இராமதாஸ்.

கன்னியாகுமரி மீனவர் பிரச்சினையில் தமிழீழ விடுதலைப் புலிகளைத் தொடர்புபடுத்தி தமிழக டிஜிபி(காவல்துறை தலைவர்) கூறியிருப்பது மர்ம நாவலைப் போல் உள்ளது என்று பாட்டாளி மக்கள் கட்சியின் நிறுவனர் மருத்துவர் இராமதாஸ் சாடியுள்ளார்.


திண்டிவனத்தில் இன்று வியாழக்கிழமை ஊடகவியலாளர் மாநாட்டில் மருத்துவர் இராமதாஸ் கூறியதாவது:

தமிழக மீனவர்களை விடுதலைப் புலிகள் பிடித்து வைத்திருப்பதாகவும், மீனவர்கள் சிலரை அவர்கள் தான் சுட்டு கொன்றார்கள் என்றும் தமிழக காவல்துறை சார்பில் தெரிவிக்கப்பட்டுள்ளது.

டிஜிபி கூறியது மர்ம நாவல் போல் உள்ளது. அவர் கூறியது நம்பும்படியாக இல்லை. அதற்கு காரணம் எனக்கு தெரியும் ஆனால் சொல்லக்கூடாது என்றார் அவர்.
நன்றி>புதினம்.

சிறிலங்காவுக்கான பிரித்தானியாவின் நிதி உதவி நிறுத்தம்.

சிறிலங்கா அரசாங்கமானது மனித உரிமைகளை ஏற்றுக்கொண்டு, இராணுவச் செலவீனங்களைக் குறைக்கும் வரை பிரித்தானியாவின் நிதி உதவி நிறுத்தப்படும் என்று சிறிலங்காவுக்கான பிரித்தானிய தூதரகம் அறிவித்துள்ளது.


கொழும்பில் சிறிலங்காவுக்கான பிரித்தானிய தூதரக பேச்சாளர் கூறியதாவது:

அனைத்துலக சமூகம் பலமுறை விடுத்த வேண்டுகோள்களை தமிழீழ விடுதலைப் புலிகளும் சிறிலங்கா அரசாங்கமும் நிராகரித்த நிலையில் இந்தத் தடை நடைமுறைப்படுத்தபடுகிறது.

சிறிலங்காவுக்கு 2005 ஆம் ஆண்டு 41 மில்லியன் பவுண்ட்ஸ் (81.6 மில்லியன் டொலர்) கடன் உதவி வழங்க ஒப்புக் கொண்டது.

இதன் அடிப்படையில் இந்த ஆண்டுக்கான ஒதுக்கீடான 6 மில்லியன் பவுண்ட்சில் 3 மில்லியன் பவுண்ட்ஸ் வழங்கப்பட்டுள்ளது. இதர தொகையானது எமது நிபந்தனைகளுக்கு முகம் கொடுக்கப்படும் நிலையில்தான் வழங்கப்படும் என்றார் அவர்.
நன்றி>புதினம்.

புலிகளின் வான் தாக்குதல் நாட்டின் பொருளாதாரத்தை பாதாளத்துக்குள் தள்ளும்: ஹிந்துஸ்தான் ரைம்ஸ்.

சிறிலங்காவின் தலைநகர் கொழும்பில் இராணுவ மற்றும் பொருளாதார மையங்கள் மீதான விடுதலைப் புலிகளின் வான்படை நடத்திய அண்மைய தாக்குதல்கள் நாட்டின் பொருளாதாரத்திற்கு பெரும் அச்சுறுத்தலை ஏற்படுத்தியுள்ளது என்று இந்திய ஆங்கில நாளேடான 'ஹிந்துஸ்தான் ரைம்ஸ்' தெரிவித்துள்ளது.


இது தொடர்பில் ஹிந்துஸ்தான் ரைம்ஸ் வெளியிட்டுள்ள ஆய்வுக்கட்டுரை:

கொழும்பில் உள்ள இராணுவ மற்றும் பொருளாதார மையங்களை அவதானித்தால் அது வெளிநாட்டு வர்த்தகம், உல்லாசப்பயணத்துறை போன்றவற்றில் தங்கியுள்ளது. எனவே தலைநகரத்தின் மீதான கடுமையான அச்சுறுத்தல் முழு நாட்டிலும் தாக்கங்களை உண்டுபண்ணக் கூடியது.

கடந்த மார்ச் 26 ஆம் நாள் நடைபெற்ற வான்புலிகளின் முதலாவது வான்தாக்குதல் கட்டுநாயக்க வான்படைத்தளத்தை தாக்கியிருந்தது. அது அருகில் இருந்த அனைத்துலக வானூர்தி நிலையத்திலும் தாக்கத்தை உண்டு பண்ணியிருந்தது. இரண்டாவதாக ஏப்பிரல் 29 ஆம் நாள் நடைபெற்ற தாக்குதல் எண்ணெய் சேமிப்பு மையங்களான கொலன்னாவ மற்றும் முத்துராஜவல பகுதிகளை தாக்கியிருந்தது.

இந்த இரு தாக்குதல்களிலும் ஏற்பட்ட பௌதீக சேதங்கள் குறைவானது ஆனால் அது நாட்டின் பொருளாதாரத்தின் முகாமையாளர்களை தட்டி எழுப்பியுள்ளது. தமது வான் தாக்குதல்கள் தொடரும் எனவும், அரசு வடக்கு - கிழக்கில் உள்ள தமிழர் பகுதிகள் மீது தொடர்ந்தும் எறிகணை வீச்சுக்கள் மற்றும் வான்குண்டுத் தாக்குதல்களை நடத்தினால் தாம் அரசின் முக்கிய கேந்திர மையங்களை தாக்குவோம் எனவும் விடுதலைப் புலிகளின் இராணுவப்பேச்சாளர் இளந்திரையன் பகிரங்கமாக குறிப்பிட்டுள்ளார்.

விடுதலைப் புலிகளின் தாக்குதல் தொடர்ந்தால் அது முதலில் உல்லாசப் பயணத்துறையையே பாதிக்கும். கடந்த வருடம் 500,000 உல்லாசப்பயணிகள் சிறிலங்காவிற்கு வந்திருந்தனர். அதன் மூலம் உல்லாசப்பயணத்துறை 410 மில்லியன் அமெரிக்க டொலர்களை ஈட்டியிருந்தது. அதவாது மூன்றாவது பெரிய டொலர் சம்பாதிக்கும் துறையாக அது விளங்கியது. மேலும் கட்டுநாயக்க அனைத்துலக வானூர்தி நிலையத்தை 4 மில்லியன் மக்கள் கடந்து செல்வதுண்டு அது தென் ஆசியாவில் ஒரு முக்கியமான வானூர்தி நிலையம்.

ஆனால் ஏப்பிரல் 29 ஆம் நாள் தாக்குதலின் பின்னர் ஏமிரேற்ஸ், கதே பசுபீக் போன்ற வானூர்தி நிறுவனங்கள் தமது வானூர்தி சேவையை நிறுத்தியுள்ளன. விடுதலைப் புலிகளின் தாக்குதல்கள் இரவில் நடைபெறுவதால் சிங்கப்பூர் வானூர்தி நிறுவனம் தனது இரவு நேர வானூர்தி சேவையை நிறுத்தியுள்ளது.

சில ஐரோப்பிய நாடுகளுடன் அவுஸ்திரேலியாவும் இணைந்து தமது மக்களுக்கு பயண எச்சரிக்கைகளை விடுத்துள்ளது. இவை உல்லாசப்பயணிகளின் வரவை பாதிக்கும். இந்த வரவு கடந்த ஆண்டு 36 விகிதமாக வீழ்ச்சி கண்டிருந்தது. எனவே முன்னனி விடுதிகள் தமது விரிவாக்க பணிகளை நிறுத்தியுள்ளன.

கொழும்பு தென் ஆசியப் பிராந்தியத்தின் மிக முக்கிய இடைத்தரிப்பு மையமாக விளங்கும் போது இது நிகழ்ந்தது துரதிர்ஸ்டவசமானது. போர் தொடர்ந்தால் கொழும்பு தனது நிலையை இழக்கும் என ஆசியாவின் லிர்னி அமைப்பின் பொருளியல் நிபுணரான ஹர்சா டி சில்வா தெரிவித்துள்ளார்.

ஏப்பிரலில் சிறிலங்காவானது அதன் பாதுகாப்பு, பொருளாதார உறுதித்தன்மை, பொருளாதார வளர்ச்சி பேன்றவற்றில் பிபி என்ற தரப்படுத்தல்களுக்கு உட்பட்டுள்ளது என பிற்ச் அமைப்பு தெரிவித்துள்ளது. இது எதிரான நிலையாகும்.

விடுதலைப் புலிகளின் வான் தாக்குதல் பாதுகாப்பு கட்டமைப்பிலும் பெரும் தாக்கத்தை உண்டு பண்ணியுள்ளது. மிகவும் பெறுமதி வாய்ந்த வான் கண்காணிப்பு, வான் கண்டறிதல், இரவு நடவடிக்கை, அதிகளவான வானூர்திகள் போன்ற சாதனங்களை கொள்வனவு செய்யவேண்டிய நிலைக்கு சிறிலங்கா தள்ளப்பட்டுள்ளது.

2007 ஆம் ஆண்டுக்கான பாதுகாப்புச் செலவு 139 பில்லியன் ரூபாய்கள் ($1.25 bn), இது கடந்த ஆண்டை விட 28 விகிதம் உயர்வாகும். ஆனால் இது 200 பில்லியன் ரூபாய்களாக ($1.80 bn)அதிகரிக்கலாம் என முன்னாள் வான்படைத் தளபதி ஹரி குணதிலக்க தெரிவித்துள்ளார்.

பாதுகாப்புக்காக செலவு செய்யப்படும் மேலதிக தொகை அபிவிருத்திக்கான செலவுகளை குறைவடையச் செய்யும். குறிப்பாக நாட்டின் உட்கட்டுமானங்களை நலிவடையச் செய்யும். பொருளாதாரம் 7.5 விகிதமாக வளர்ச்சிகண்ட போதும் அது முக்கியமான பகுதிகளில் அல்ல என சில்வா மேலும் தெரிவித்துள்ளார். தொலைதொடர்பு துறை வளர்ச்சி 20 விகிதமாக உள்ளபோது விவசாயத்துறையின் வளர்ச்சி 1 விகிதமாக உள்ளது.

பணவீக்கம் 17 வீதமாக உயர்ந்துள்ளது. மக்களின் ஊதியம் விவசாயத்துறையில் 10 வீதத்தினாலும், சேவைகள் துறையில் 12 வீதத்தினாலும் வீழ்ச்சி கண்டுள்ளது. அதிகரிப்புக்கள் போதுமானவை அல்ல, பொதுத்துறைகளில் இழப்புகள் ஏற்பட்டுள்ளன.

வரவு - செலவுத் திட்டத்தில் துண்டுவிழும் தொகை மொத்த உற்பத்தியில் 8.4 வீதமாக உள்ளது. பொது மக்களின் கடன் சுமை அதிகரித்துள்ளது. குறைந்த வட்டியலான கடன்கள் வெளிநாட்டு கொடையாளிகளால் கொடுக்கப்பட்டுள்ளன. எனினும் அதன் தொகை அதிகமானது நாட்டின் மொத்த உற்பத்தியில் அது 93 விகிதமாகும். கடன்களுக்கான வட்டியானது அரசினால் அறவிடப்படும் வரிகளில் 30 விகிதங்களை உள்வாங்கிவிடுகின்றது என பிற்ச் அமைப்பு மேலும் தெரிவித்துள்ளது.

போர் 3 வருடங்களில் முடிந்து விடும் என அரசு எண்ணுகின்றது. ஆனால் அதற்கு முன்னர் பாதுகாப்புத் துறை செலவீனங்களின் அதிகரிப்பு நாட்டின் பொருளாதாரத்தை பாதாளத்திற்குள் தள்ளிவிடும் என அதில் தெரிவிக்கப்பட்டுள்ளது.
நன்றி>புதினம்

இந்தியாவை குழப்ப இலங்கை அரசு நடத்திய சதி நாடகம் : பலிகாட ஆக்கப்பட்ட கன்னியாகுமரி மீனவர்கள்!!!

கன்னியாகுமரியிலிருந்து மீன்பிடிக்க நமது மீனவர்கள் 12 பேர் மார்ச் 6---&ம் தேதி கடலுக்கு சென்றவர்கள் இதுவரை திரும்பவில்லை .

அதே கன்னியாகுமரியைச் சேர்ந்த 5 மீனவர்கள் கடந்த மார்ச் 29ம்தேதி நடுக்கடலில் சுட்டுக் கொல்லப்பட்டார்கள். இரண்டு நிகழ்வுகளுமே தமிழர்களை அதிர்ச்சியூட்டி யுள்ள செயல்தாம். 5 மீனவர்களை சுட்டதும், 12 மீனவர்களை கடத்தியதும் விடுதலை புலிகள்தான் என்பதை தமிழகத்தின் காவல்துறை தலைவரும் சட்ட மன்றத்தில் முதல்வரும் கூறுகின்றனர். இதில் நமக்கு எழும் சந்தேகங்களை இங்கு பதிவு செய்ய விரும்புகிறோம்.

- 5 மீனவர்கள் சுட்டுக் கொல்லப்பட்ட பின்னர் அவர்களுடன் சென்று உயிருடன் திரும்பிய 3 மீனவர்கள், அவர்களுடைய சகாக்களைச் சுட்டது விடுதலைப் புலிகள் அல்லர் என்பதை நிருபர்களிடம் தெள்ளத் தெளிவாய் எடுத்துரைத்துள்ளனர். - இந்திய கடற்படைத் தளபதி 5 பேரை சுட்டது, இலங்கை கடற்படை இல்லையென் கிறார். இவர் இலங்கை கடற்படை உயர் அதிகாரிகளிடம் பேசியதன் அடிப்படையிலேயே இதை கூறுகிறார்.

- ஏப்ரல் 11&ந்தேதி இந்திய கடற்படையிடம் நடுக்கடலில் சிக்கிய 12 மீனவர்களுள் தமிழகத்தைச் சேர்ந்த 6 பேரும் அவர்களுடன் இருந்த மற்றவர்களும், விடுதலைப் புலிகளின் பிரிவான கடற்புலிகள் என்று தமிழக ‘க்யூ’ பிரிவு காவல்துறை தெரிவித்ததோடு மட்டுமல்லாது பிடிப்பட்ட கடற்புலிகளை விசாரணைக்குட்படுத்திய பின்னர் சிறைக்கு அனுப்பினர். ஒன்றாய், ஒரே படகில் இந்திய கடற்படையால் பிடிக்கப்பட்ட இந்தியாவைச் சேர்ந்த 6 மீனவர்களை காவல்துறை எந்தவித விசாரணைக்கும் உட்படுத்தாமல் ஏன் விடுதலை செய்தது?

- 5 பேர் சுடப்பட்டது ‘மரியா’ என்று பெயரிடப்பட்ட கப்பலை பயன்படுத்திய வர்கள்தான் என்று சொல்லப்படுகிறது. ஏப்ரல் 11&ம் தேதியன்று பிடிபட்ட படகும் ‘மரியா’ என்று பெயர் பொரிக்கப்பட்டிருந்ததாம். மரியா என்ற பெயர் தாங்கிய படகு ஒன்று மட்டும்தான் உள்ளதா?

- காவல்துறையினரின் வேலை குற்றம் சாட்டப்பட்டவர்களை நீதிமன்றத்தில் நிறுத்துவது மட்டுமே. அவரவர்களின் யூகங்களுக்கு ஏற்ப குற்றம் சாட்டுவது சரியாய் அமையாது. அதற்கு நீதிமன்றம் உள்ளது. ஒரு காவல்துறைத் தலைவரே நீதிபதியைப் போன்று தமிழக மீனவர்களை சுட்டதும், கடத்தியதும் விடுதலைப் புலிகள்தான் என்பது ஏற்க முடியாத ஒன்று. அதேபோல் தமிழக முதல்வரும் காவல்துறை செய்தியின் அடிப்படையில் சட்டமன்றத்திலேயே விடுதலைபுலிகளை குற்றம் சாட்டுவதும் ஏற்க முடியாத ஒன்று. ஏனெனில் மேற்குறிப்பிட்ட கடற்படைத் தளபதி, தமிழக காவல் துறைத் தலைவர் மற்றும் முதல்வர் அனைவருமே இரு தரப்பு கருத்துக்கள் அல்லது விசாரணையை மேற்கொள்ளவில்லை. இந்த நிகழ்வில் மற்றொரு தரப்பாய் கருதப்படுகின்ற விடுதலைப் புலிகளின் கருத்துக்களைக் கேட்காமலேயே ஒரு தலைப்பட்சமாய் கருத்துக்களை கூறிவருகின்றனர்.

இந்நிலையில் 30.04.2007 அன்று விடுதலைப் புலிகள் விடுத்துள்ள அறிவிக்கையில் தாங்கள் தமிழக மீனவர்களை சுடவோ, கடத்தவோ இல்லை என மறுத்துள்ளனர். இலங்கை அரசு பயங்கரவாதத்தின் ஒரு பகுதியாக இந்தியாவை குழப்ப, இலங்கை அரசே இம்முறையை கையாண்டு இருக்கும் என விடுதலைப் புலிகள் மேலும் தெரிவித்துள்ளனர். இப்படி உயர்நிலையில் உள்ளோர் யூகங்களின் அடிப்படையில் கருத்தைத் தெரிவித்தால், வழக்கின் திசை மாறுவது மட்டு மல்லாது, மக்களிடமும் ஊடகங்களிடமும் தவறான பரப்புரை ஏற்பட வாய்ப்பாய் அமையும்.

- மதிப்பு - மனித உரிமை மாத இதழ்

"தமிழீழம் சிவக்கிறது"- நெடுமாறன் நூல் வழக்கு தள்ளுபடி - நூலைத் திருப்பித் தர அரசு மறுப்பு!

"தமிழீழம் சிவக்கிறது" என்னும் தலைப்பில் பழ. நெடுமாறன் எழுதிய நூல் விடுதலைப்புலிகளை ஆதரித்து எழுதப்பட்ட நூல் என்றும் தடைசெய்யப்பட்ட ஒரு இயக்கத்திற்கு ஆதரவாக எழுதுவது சட்டப்படி குற்றம் என்றும் 2002ஆம் ஆண்டில் பழ.நெடுமாறன் மீதும் இந்த நூல்களை வெளிநாட்டுக்கு அனுப்ப ஏற்பாடு செய்ததாக தமிழ் முழக்கம் ஷாகுல் அமீது மீதும் தமிழக அரசு சட்டவிரோத நடவடிக்கைகள் தடுப்புச் சட்டம் பிரிவுகள் 124 (ஏ) இந்திய குற்றவியல் சட்டம் 505 (1பி) மற்றும் 120ஆவது பிரிவு (பி) ஆகியவற்றின் கீழ் வழக்குத்தொடர்ந்தது. நான்கு ஆண்டுகாலமாக நடைபெற்ற இந்த வழக்கு இறுதியில் தீர்ப்புக் கூறப்படாமல் ஒத்திவைக்கப்பட்டது.

இதற்கிடையில் அரசு துணை வழக்கறிஞர் இந்த வழக்கைத் திரும்பப்பெறுவதாக நீதிமன்றத்தில் மனுதாக்கல் செய்தார். அதை ஏற்றுக்கொண்ட நீதிபதி குற்றம் சாட்டப்பட்டவர்களை விடுதலை செய்து வழக்கைத் தள்ளுபடி செய்தார்.

குற்றம் சாட்டப்பவர்களின் சார்பில் ஆஜரான வழக்கறிஞர் என். சந்திரசேகரன் பறிமுதல் செய்யப்பட்ட "தமிழீழம் சிவக்கிறது" நூலின் படிகளைத் திரும்பத் தரவேண்டும் என்று நீதிமன்றத்தில் முறையீடு தாக்கல் செய்தார். குற்றம் சாட்டப்பட்டவர்களின் மீது போடப்பட்ட வழக்கை அரசு திரும்பப் பெற்றுவிட்டப் பிறகு நூல்களைத் தரமறுப்பது சரியல்ல என வாதாடினார்.

அரசுத் தரப்பில் வாதாடிய அரசு வழக் கறிஞர் மேற்கண்ட நூலில் சட்ட விரோதமான செய்திகள் அடங்கியிருப்பதாகவும் இந்த நூல் பொதுமக்களிடம் பரவினால் தமிழகத்தின் அமைதி பாதிக்கப்படும் இந்த நூலைத் திருப்பித்தருவது வேண்டாத விளைவுகளை ஏற்படுத்திவிடும் என்று கூறினார்.

அந்த வாதத்தை ஏற்றுக்கொண்ட நீதிபதி திரு.எம். வேலு, நூல்களை திருப்பித் தரவேண்டியதில்லை என்று தீர்ப்பளித்தார்.

இத்தீர்ப்பை எதிர்த்து உயர்நீதி மன்றத்தில் முறையிட்டுள்ளதாக வழக்கறிஞர் என். சந்திரசேகரன் அறிவித்துள்ளார்.

வழக்கே தள்ளுபடி ஆன பிறகு கைப்பற்றப்பட்ட நூல்களை அரசு கொடுக்க மறுப்பது முறைகேடானதாகும். எந்த வழக்கிலும் இப்படி ஒரு முன்னுக்குப்பின் முரணான நடவடிக்கையை அரசு மேற்கொண்டதில்லை.

"தமிழீழம் சிவக்கிறது"

1987ஆம் ஆண்டு ராஜீவ்-ஜெயவர்த்தனா உடன்பாட்டை அமுல்நடத்தாத சிங்கள அரசைக் கண்டித்து விடுதலைப்புலிகளின் அரசியல் பிரிவுப் பொறுப்பாளர் திலீபன் சாகும்வரை உண்ணாவிரதம் மேற்கொண்ட நிகழ்ச்சியிலிருந்து 1991ஆம் ஆண்டு வங்கக்கடலில் சர்வதேச எல்லையில் தனது நாட்டிற்குத் திரும்பிக்கொண்டிருந்த தளபதி கிட்டுவின் கப்பலை இந்தியக் கடற்படை சுற்றி வளைத்துக்கொண்டபோது அவரும் அவரது தோழர்களும் உயிர்த்தியாகம் செய்துகொண்ட நிகழ்ச்சிவரை, தமிழீழ விடுதலைப் போராட்டத்தின் முக்கியமான நிகழ்ச்சிகளைத் தொகுத்து இந்நூலில் பழ. நெடுமாறன் எழுதியுள்ளார். இந்தக் காலக்கட்டத்தில் தமிழீழத்தில் அவர் செய்த சுற்றுப்பயணமும் தமிழீழத் தேசியத் தலைவர் பிரபாகரன் அவர்களை அவர் சந்தித்துப் பேசிய விவரங்களும் இந்நூலில் இடம்பெற்றுள்ளன.
நன்றி>தென்செய்தி

புலம்பெயர் நாடுகளில் நடைபெற்ற "மே" தின ஊர்வலங்கள்.

புலம்பெயர் நாடுகளில் நடைபெற்ற "மே" தின ஊர்வல படங்கள்.

பிரான்சு







ஜேர்மனி



பின்லாந்து

இறுமாப்புடன் இருந்த சிங்கள இராணுவத்துக்கு புலிகளின் அடி பேரிடி: வானூர்தியை சுட்டு வீழ்த்தியது குறித்து "மாலைமலர்" புகழாரம்.

மாதிரி படம்.தானியங்கி விமான எதிர்ப்புதுப்பாக்கி இயங்கும் முறை.

சிறிலங்கா வான்படையின் மிக்-27 வானூர்தியை தமிழீழ விடுதலைப் புலிகள் சுட்டு வீழ்த்தியமையானது இறுமாப்புடன் இருந்த சிங்கள இராணுவத்துக்கு விழுந்த பேரிடியாகும் என்று தமிழகத்திலிருந்து வெளியாகும் "மாலைமலர் நாளேடு புகழாரம் சூட்டியுள்ளது.

"மாலைமலர்" ஏட்டில் இது தொடர்பில் வெளியாகியுள்ள செய்தி விவரம்:

விடுதலைப் புலிகள் சுட்டு வீழ்த்திய போர் வானூர்தி இஸ்ரேலில் தயாரிக்கப்பட்டது. அதிவேகத்தில் சென்று குண்டு வீசும் திறன் கொண்டது.

சிறிலங்கா இராணுவத்திடம் 12 கிபீர் வானூர்திகள் உள்ளன. கிபீர் என்றால் சிங்கக்குட்டி என்று அர்த்தம். அந்த சிங்கக்குட்டியை புலிக்குட்டிகள் வீழ்த்திவிட்டன.

மிராஜ்- 5 ரக வானூர்திகளை மாற்றி வேறு என்ஜின்களை பொருத்தி இந்த போர் வானுர்திகள் தயாரிக்கப்பட்டுள்ளது. மழை, புயல் போன்ற அனைத்து சந்தர்ப்பங்களிலும் தாக்குப் பிடித்து இந்த ஒற்றை இருக்கை வானூர்தி பறந்து சென்று குண்டு வீசும் ஆற்றல் உள்ளது.

இதனை வீழ்த்த விடுதலைப் புலிகளிடம் நவீன பீரங்கிகள் இல்லை என்று இறுமாப்புடன் இருந்த இராணுவத்துக்கு விடுதலைப் புலிகளின் இந்த அடி பேரிடியாக அமைந்தது என்று அதில் தெரிவிக்கப்பட்டுள்ளது.
நன்றி>புதினம்.

ஈழத் தமிழர்களின் பிரச்சனைக்கு தீர்வு காண அனைத்துக் கட்சிக் குழுவை அமைத்தது பிரித்தானிய நாடாளுமன்றம்.

இலங்கையில் தமிழர்கள் நீதியான அமைதியுடனும் கண்ணியத்துடனும் வாழவும் இனப்பிரச்சனைக்கு தீர்வு காண்பதற்கான செயற்பாடுகளை மேற்கொள்ளவும் அனைத்துக் கட்சிக் குழு ஒன்றை பிரித்தானிய நாடாளுமன்றம் அமைத்துள்ளது.

தொழிற் கட்சியின் நாடாளுமன்ற உறுப்பினர் கெய்த் வாஜ் இக்குழுவின் தலைவராக நியமிக்கப்பட்டுள்ளார்.

லண்டனில் சிறிலங்கா அரசாங்கம், தமிழீழ விடுதலைப் புலிகள் மற்றும் நோர்வே அரசாங்கம் ஆகிய முத்தரப்பு பங்கேற்கும் மாநாடு ஒன்றை லண்டனில் நடத்துவதற்கான செயற்பாடுகளையும் இந்நாடாளுமன்றக் குழு மேற்கொள்ளும்.

இலங்கையின் நிலைமைகளை குறிப்பாக இனப்பிரச்சனையால் மிகவும் மோசமாகப் பாதிக்கப்பட்ட பகுதிகளைப் பார்வையிட வேண்டும் என்றும் இனப்பிரச்சனையில் தொடர்புடைய குழுக்களுடன் ஆலோசனை நடத்த வேண்டும் என்றும் பொதுநலவாய நாடுகளின் (கொமன்வெல்த்) செயலாளர் டொன் மிகின்னொன்னவுக்கு இக்குழு அழைப்பு விடுக்க உள்ளது.

அனைத்துக் கட்சி நாடாளுமன்ற குழுத் தலைவராக உள்ள கெய்த் வாஜ் இது தொடர்பில் கூறுகையில், இலங்கையில் அமைதி வழித் தீர்வு ஏற்பட வேண்டும் என்பதில் பிரித்தானிய நாடாளுமன்றத்தின் ஈடுபாட்டை இது வெளிப்படுத்துகிறது என்றார்.

"2002 ஆம் ஆண்டு யுத்த நிறுத்த ஒப்பந்தத்துக்கு மதிப்பளிக்கும் வகையில் புதிய சுற்றுப் பேச்சுக்களை நாடாளுமன்றக் குழு உருவாக்கும்" என்று நம்பிக்கை உள்ளதாகவும் அவர் தெரிவித்தார்.
நன்றி>புதினம்.

இலங்கைக்கான பயணங்களை மீள் பரிசீலனை செய்யுமாறு பிரித்தானிய பிரஜைகளுக்கு அறிவுறுத்தல்.

இலங்கைக்கான பயணங்கள் குறித்து மீள்பரிசீலனை செய்து கொள்ளுமாறு தனது பிரஜைகளை அறிவுறுத்தியுள்ள பிரித்தானிய அரசாங்கம், வடக்கு கிழக்கு பகுதிக்கு செல்வதை முற்றாக தவிர்த்துக் கொள்ளுமாறு கேட்டுள்ளது.


இதுதொடர்பõக பிரிட்டனின் வெளிவிவகார மற்றும் பொதுநலவாய அலுவலகம் வெளியிட்டுள்ள அறிக்கையில் மேலும் தெரிவிக்கப்பட்டுள்ளதாவது:

தற்போது இலங்கையின் வடக்கு கிழக்கு பகுதிகளிலுள்ள பிரிட்டன் பிரஜைகள் அங்கிருந்து வெளியேறுமாறு அறிவுறுத்தப்படுகின்றார்கள்.

வடக்கே புத்தளத்திற்கும் அப்பாலுள்ள பகுதிகள், யாழ். குடாநாடு, கிழக்கே திருகோணமலை, மட்டக்களப்பு, அம்பாறை மாவட்டங்களுக்கு செல்வதை முற்றாக தவிர்த்துக் கொள்ளவும்.

கொழும்பிலும், தென் இலங்கையிலும் பாதுகாப்புக்கு கடும் அச்சுறுத்தல் ஏற்பட்டுள்ளது.

உங்களை உறுதிப்படுத்திக்கொள்ளக்கூடிய ஆவணங்களை எப்போதும் உங்களுடன் வைத்திருக்குமாறு கேட்கப்படுகின்றீர்கள்.

உங்களது அடையாள த்தை நிரூபித்த பின்னரும் மேலதிக விசாரணைகள் தேவைப்படுமாயின் பிரிட்டன் உயர் ஸ்தானிகராலயத்தை தொடர்பு கொள்ளுமாறு பாதுகாப்பு அதிகாரிகளிடம் தெரிவிக்கவும்.

எனினும் அரசாங்கத்துக்கும், பாதுகாப்பு நடைமுறைகளுக்கும் முழுமையான ஒத்துழைப்பு வழங்குமாறு கேட்டுக்கொள்கின்றோம்.

இலங்கையில் வசிக்கும், பணிபுரியும் ஒரு மாத்திற்கு மேல் தற்காலிகமாக தங்கியுள்ள சகல பிரிட்டன் பிரஜைகளையும் கொழும்பிலுள்ள பிரிட்டன் உயர்ஸ்தானிகராலயத்தில் பதிவு செய்யுமாறு அறிவுறுத்துகின்றோம்.

விடுதலைப் புலிகளினால் கொழும்பில் மேற்கொள்ளப்பட்ட விமானத்தாக்குலையடுத்து எழுந்துள்ள அசாதாரண சூழ்நிலையையடுத்து பிரிட்டன் அரசாங்கம் தனது பிரஜைகளுக்கு இப்பயண அறிவுறுத்தல்களை வழங்கியுள்ளது.
நன்றி>தமிழ்வின்.